محتاجه مساعدة بنات الكويت الكشيخات

[شيخه وذوق]

مرحبا صبايا
باختصار انا جايه الكويت ان شاء الله على اخر تاشهر
ابغى منكم تدلوني على محﻻت حلوه بشرط تكون مميزه وغريبه مو متكرره
( مﻻبس نسائيه ..مﻻبس اطفال..اواني ..بخور واطياب..واي شي حلو )
وشكرا

 

[زهرا_*]

اب اب اب اب اب

 

[شيخه وذوق]

وش دعوه بنات وﻻ وحده عطتني معلومه

 

[مدّهره !]

إن شااء الله بنات الكويت يساعدونك وماراح يقصرووون

 

[French Vanilla]

روحي الافنيو كلشي اهناك بس حاولي مو ويكند وايد زحمه

 

[رحيل المرافيء]

عندج المباركية // عندج السالمية بعد كل شي فيها واسعارهم حلوة

 

[Jana123]

اذا تبين شغلات غريبه روحي المعارض والمجمعات الي في شغلات حلوه غاليريا 2000 وليلى جاليري كلهم بالسالميه ومجمع بلازا ومريم والثريا والافينيوز اكبر مجمع عنده يبيلها جم يومين على ماتخلصينه ومجمع زهره و360 مجمع صغير مو وايد واو بس في جم محل مثل مانوش حلوين وغريبين يعني بكل مجمع تلاقين جم محل غريبين ومميزين ومومتكرر وفي محل لامود زون حلو شغلهم والصالحيه بعد والرايه وسوق السالميه شعبي بس راح تستانسين عليه

 

[Jana123]

وفي برج الحمره يديد وفي محلات حلوه وماركات عالميه وفي محل نسيت اسمه ماركات كويتيه يعني مصممات كويتيات واذا تبين شعبي وتراثي روحي المباركيه سرداب الشايع وبيت احمد وسوق اللحم يمه محلات بو 100 فلس ومطاعم شعبيه كله عوايل بيعجبج ان شالله واذا تذكرت شي بعد بقولج

 

[Jana123]

واذا تبين مجمع في دراريع خياط وشغل يونس واسعاره حلوه مجمع بالفروانيه اسمه العربيد الي يم جمعيه الفروانيه

 

[Jana123]

وفي محل لبس ودراريع وكل شي يشووق وراقي محل ردن موجود بالشعب البحري -شارع الخليج بدانه بلازا رقمهم 0096599114613

 

[Jana123]

وبعد في جم محل حلو وغريب ببرج التجاريه بالمرقاب بشارع السور محل اسمه فيستيتي قفتان شغلها يشووق بس شوي غاليه وفي اتيليه اسمه اوشا كوتور يجنن شغلها وحيل كلاس واسعارها اتينن بميدان حولي شارع المخفر رقمهم 99974763

 

[Jana123]

وبعد في مكان اسمه 52 دقريز بمجمع التلال اينن اغلبه شغل كويتين وكويتيات راح يعجيج متاكده

 

[Jana123]

اي شي تبينه راسليني عالخاص وانا حاضر

 

[Jana123]

وبالنسبه للفنادق اجدد فندق حاليا فندق الجميره وايد حلو وفندق ميسوني بالسالميه مقابل المركز العلمي

 

[خوش كلام]

هلا حبيبتي

وايد في اماكن حلوه بالكويت تقدرين تاخذين منهم اشياء تميل لذوقج
انا عن نفسي دايم اخذ بدل الاعراس مو الاستقبال اعرس من مشغل ريم العوالي
اما دراريعي انا وخالاتي وعماتي كلهم من وحده كانت فاتحه مشغلها عرض بيت بضاحية الزهراء بس سكرت مدري ليش
عاد من فتره مريت طلعتلي الخادمه لما سئلتها اذا اكو احد تقول محد بالبيت بس عطتني كرتهم
بس بدل لاتعطيني كرت المشغل عطني بطاقة دعوه حق افتتاح المشغل بتاريخ 24/2
اما بالنسبه للعطور هم ماخذ من السوق اي عطر يعجبني اخذ اسمه اعطيه لوحده متعاملين معاها تخلط لنا اي عطر نبيه بأعلى تركيز وشغلها يهبل واسعارها فوق المناسبه
شوزاتي اخذهم من ايلي فرع الفحيحيل باقي الافرع زباله حشاكم
وجناطهم كيوت
اما اذا حبيت اخذ عبي مالات استهلاك وعمليه اخذهم من الجادل بسلمان الدبوس
ميك ابي كله فور ايفر
بس لاتروحين مال المعارض كله غالي اوفر
اخذيه من سرداب الشايع..



وبث


واي استفسار انا بالخدمه

 

[خوش كلام]

هلا حبيبتي

وايد في اماكن حلوه بالكويت تقدرين تاخذين منهم اشياء تميل لذوقج
انا عن نفسي دايم اخذ بدل الاعراس مو الاستقبال اعرس من مشغل ريم العوالي
اما دراريعي انا وخالاتي وعماتي كلهم من وحده كانت فاتحه مشغلها عرض بيت بضاحية الزهراء بس سكرت مدري ليش
عاد من فتره مريت طلعتلي الخادمه لما سئلتها اذا اكو احد تقول محد بالبيت بس عطتني كرتهم
بس بدل لاتعطيني كرت المشغل عطني بطاقة دعوه حق افتتاح المشغل بتاريخ 24/2
اما بالنسبه للعطور هم ماخذ من السوق اي عطر يعجبني اخذ اسمه اعطيه لوحده متعاملين معاها تخلط لنا اي عطر نبيه بأعلى تركيز وشغلها يهبل واسعارها فوق المناسبه
شوزاتي اخذهم من ايلي فرع الفحيحيل باقي الافرع زباله حشاكم
وجناطهم كيوت
اما اذا حبيت اخذ عبي مالات استهلاك وعمليه اخذهم من الجادل بسلمان الدبوس
ميك ابي كله فور ايفر
بس لاتروحين مال المعارض كله غالي اوفر

نسيت اقول لكم اسم المشغل مال الدراريع )ألماسه(
اخذيه من سرداب الشايع..



وبث


واي استفسار انا بالخدمه