محتاجه لكم وربي

[فديت قلوبكم]

السلام علكم
بنات انا عروس
وعرسي اخرت شهر 11 يعني بشتا
وابي اشتري خام من البلوكات لبدل والدراعات

ياليت الخبيره بخام تنصحني بخام شتوي ومايكون ثقيل وغير مخمل
لانه امي مو راضيه اروح مشاغل ولا معارض
ابي اسوي بدلي الفخمه ودراعاتي كلهم ع ذوقكم
ابي مديلات غريبه وتبين انها شغل مصممه
ساعدوني تكفوووووووووووون

واذا تدلون محل بالبلوكات خامه مميز تدلوني
وابي خياط شاطر يضبط المديل والقياس
ماعندي خوات وامي مرا كبيره وماتعرف بهالشغلات
ياليت تساعدووني وادعي لها بكل صلاه
تكفووووووووووون وربي محتاجه لوقفتكم لاتخلوني

 

[قمرq8]

يا قلبي الف مبروك

وعين العقل اللي سوته امج لان المشاغل نصابات بس مو كلهم لان بعضهم يهبلون

وانا اقولج اخذي بدله او بدلتين للاستقبال من مشغل اعرفها تهبل وشغلها راقي خذيت منها بالعيد

والخامات لا تاخذين ثقيله وبعدي عن المخمل ما احب العرايس يلبسونه احس يكبرهم

روحي التراث الهندي حلوه خاماتهم وبعدين طلعي من التراث الهندي وصعدي الدرج فوق تلاقين خياطين موديلاتهم حلوه واسعارهم احلى واحلى وكل دراريع وبدل المشاغل عندهم وفصلي عندهم وبعدين روحي العربيد وفصلي لج جم دراعه للبيت

والله يسهل امورج يا قلبي

 

[فديت قلوبكم]

رد : محتاجه لكم وربي


^^^

فديتج وربي جبرتي بخاطري
عسى ربي يسعدج ويوفقج
بس ابي خياط معين مجربته علشان اسوي عنده
وشنو نوع الخام الي اخذه من التراث الهندي

 

[واثقه خطاي]

شوفي اشتري كتالوج , وواذا عجبج فيه شي ,خذيه لخياط شاطر ,وشوفي جم متر يبي وشنو الخام اللي يضبط معاه, عاد عقبها روحي للبلوكات , ونقي , بس لاتلروحين المبني الاول لانه غالي ,دشي داخل للمبني اللي فوقه خياطين يصير ارخص ,وبس

 

[al7lwa` `]

http://www.q8yat.net/showthread.php?t=710240


الموضوع هذا راح يفيدج!

 

[فديت قلوبكم]

رد : محتاجه لكم وربي

فديتكم بنات
بس ابي باسما الخامات وخياط ماعرف فيهم شي

 

[@ دهن العود @]

للاسف ماعندى فكره

 

[ORKDI]

جاكار حلو

ما يصلح لصيف شتوي اكثر

بس اذا تبين تاخذين

اخذين من المحلات اللي وراء بالصفاة ارخص لج