محتاجه لكم حبيباتي محتاااره بامري

[SHOOQ8]

بنات انا مادري من وين ابدي موضوعي مشتته ومهمومه والدنيا منقلبه علي انا متملكه على واحد وزواجي بعد شهر وكلش مو متقبلته ولا متقبله اهله وكارهتهم لدرجه والله مادري تصدقوني او لا اني ادعي وملتزمه بالاستغفار عشان ما يتم هالزواج بتقولون قولي لاهلج ما ابيه قلت وبجيت وتضايقت ولا صار شي اللي مطمني شوي اني مستخيره واااايد يمكن شهرين وتمت الملكه بسهوله ويسر من غير ما اقول موافقه يعني كل شي مشى بالسهال وبعد ما تملجت جتني ضيقه مو طبيعيه تو تيني عيوبهم مرات اقول فيه خير لي ربي خاشه ومرات اقول ليته تيي منه ويطلقني وافتك يا ناااس كارهته لدرجه احيانا تتيني تخيلات اقول لو يموت وافتك منه مع اني ادري انه ماله ذنب واللي قاعده اسويع غلط بس مادري شفيني واسوني شسوي استخرت بس اللحين ندمانه اني اخذته قاعده اقرى مواضيع المطلقات حاسه اني ما راح اكمل معاه وبتطلق وقاعده ااقول لو تطلقت وين الخير اللي بيجيني من الاستخاره ياربي قاعده اخورها بس حدي تعبانه

 

[رزه مرتزه]

لا حول ولا قوة الا بالله

اخاااااف عين حبيبتي ارقي نفسج وعليج بسوره البقره والاذكااااار

واذا الريال صالح وما في شي ينعاب خساره تردينه

الله يوفقج ويسر امرج ياارب

 

[خولـه]

لاتفكرين بهالطريقه انتي استخرتي لاترفضين ولاتقولين بتطلق خلي الامور تمشي بروحها ودوم ادعي اللي فيه الخير ربي يقدمه لج



ترا انتي استشرتي ربج واكيد مايخيب من يستشير ربه

شلي عنج هالافكار وتوكلي على الله

 

[العذرااااااااء]

رد : محتاجه لكم حبيباتي محتاااره بامري

الله يعينج لا تااقرين مواضيع مطلقاات شوفي قسم العروس

 

[Cander]

الله يعينج

كل شي الا انج مو متقبلتة

بس انتي خلي تفكيرج ايجابي وطالعي حسناتة واطباعة الزينة

يمكن كريم وراح يدلعج ومايخلي عليج قاصر ، انتي ماعليج بغيرة اهم شي اهو

تعايشي مع الوضع وحاولي تتكيفين

الله يهدي سرج

 

[الحبوبه الطيوبه]

ليش هالوسواس انتي استخرتي ربج تعوذي من ابليس وان شاء الله ماكو الا كل خيررر

 

[SHOOQ8]

ربي يرفع قدركم يا بنات ما قصرتوا

 

[Q8stylle]

انتي استخرتي

تعوذي من ابليس

وان شاء الله ماكو الا كل خير

 

[أإلع ـشق دلع ـهـأإ]

استغفري استغفري استغفري !!

في احد يدعي يتآجل العرس !!

مآتخآفين شنو السبب اللي يآجل العرس !!

مآتخآفين بسبة دعوتج تفقدين نآس غآلين عليج ويتآجل العرس @@

ليش متكدره ومضيقه خلقج !!

تعوذي من الشيطآن وآرضي بالواقع " عسى ان تكرهوا شيئا وهو خير لكم "

يمكن زوااجج منه فيه خير لج يآ بالدنيآ او الآخره !!

تعوذي من الشيطآن وصلي وأدعي انه ربي يزيل عنج الخوف والهم وييسر امورج ويصب في قلبج حب زوجج ويصب في قلب زوجج حبه ..

 

[~✿ ارتـِوآآآء روح !]

حبيباااتي هذا الموضووووع صار له سنة
الله يسعدها صاحبة الموضوع

 

[قاهره عذالي]

ليش هو شنو فيه
كارهته منه ؟

 

[what's up]

حبيبتي كل الاشياء الي كارهته فيه و فهله هذا من نسج خيالج و من افكارج السلبيه
تعوذي من الشيطان و اقري سورة البقره
الله يهدي سرج يا ربي و يسر امرج

 

[عسوله زوغه]

حياتي والله هذي عين تري العين ماتجي اله من الناس الاقراب واتلاقينهم حااسدينج والله صدقيني يا قلبي لا تعطين سرج لأي شخص والله يحسدون من غير ما تدرين وانتي صلي واستغفر ربج واقري قرأن صدقيني مادام انج استخرتي وتمت الخطوبه الحمدالله بسلام صدقيني ان شاء الله بيكون الرجال زين مو شرط تمسعين من الناس عيوبهم انتي ما عشرتي الناس وما عرفتي طبعهم او حتي لو عرفتي انتي مو سااكنه معاهم لما اتكونين معاهم هذا شي ثاني وصدقيني ربج ماينسي عبده سبحان الله
لا تخربين حياتج وصدقيني مصير هالضيقه بتزول بأمر الله وماعليج بكلام غيرج وانتي خليج واثقه من نفسج ولا تطلقني وخري عنج هالسوالف كلها خرابيط ولا تخسرين شي انتي ما جربتيه تري كل بنت تتمني انها تتزوج والحمدالله انه عرسج بقي له شهر وعسي ربي يوفقج بحياتج الزوجيه وصج اني اصغيره بس فاهمتج وفااهمه شعورج تري كل الناس سااعات اتمر بحالتج توكلي علي الله وان شاء الله ما في ولا شي من اللي اتفكرين فيه وعسي ربي يسعدج ويسعد غيرج وييصير العكس بالي تفكرين فيه وان شاء الله بيكون احسن واحد