محتاجه فيتامينات :(

[فراشة الجمال]

حبيباتي انا بالشهر الرابع وقفت الفوليك اول مادخلت الرابع
سمعت وقريت ان مهم حبوب الحديد والكالسيوم والاوميغا3 للحامل بالشهر الرابع فمافوق

انا ناويه اروح للدكتوره تكتبلي الفيتامينات اللي احتاجها لان حالتي الصحيه والنفسيه زفت
قام ينقص وزني بدال مايزيد
غير عظامي حييل تعورني واحسها ضعييييفه وخفيفه

سبحان الله رحت للمستوصف كم مره قالولي اليوم امراض نساء حوامل لاا

ابي رايكم شنوو اخذ فيتامينات من الصيدليه

 

[.. Ro3a ..]

الله يسهل عليج

اخذي برقنا بلان او برقنا كير نفس الشي
واخذي كاليسوم ،. بس
من كل واحد حبه باليوم
بس لازم بينهم وقت ،.

 

[Um_yoyo2010]

انا ماانصح تاخذين من كيفج الفيتامينات لازم قبلها تسوين تحاليل
انتي روحي للمستوصف واسالي متى ايام الحوامل
روحي له هو يصرف لج الدكتور لان مو كل الحبوب تناسبج يمكن
اذا تخافين ع البيبي اسالي الدكتور قبل لا تاكلين اي شي
واساسا انتي حيل متاخره لازم تراجعين عند الدكتور اللي
بتولدين عنده .. علشان يجيكون معاج ع وضع البيبي


وعسسى الله يسر لج حملج وتقومين بالسلامه

 

[الـجـوري]

حييل متاخره ولازم تراجعين باقرب وقت .. مايصير تهملين روحج
واذا ع الحبوب .. برجنا بلان توووووب ماعليهم زووود
واخذي كالسيوم مع فيتامين دال



وبتوفيق ،،

 

[Dalo3at Rayli]

اخذي حبوب برقنا بلان او برقنا كير ..
انا كنت استعمل الاثنين واايد زينين ..


​

 

[Aloe Vera]

شلون يعني انتي ما تراجعين عن دكتورة ؟
ماتسوين تحاليل؟؟
مافهمت عليج بصراحة شلون عايشة جذي؟


الفيتامينات مو علىً كيفج لازم تحاليل و تشوف الدكتورة النتايج و شلون دمج و شنو ناقصج

انا دكتورتي كتبلتي بريقنابلان و حبوب كالسيوم و حبوب حديد و حبوب فيتامين دي
كلوحدة اخذ وقت محدد و عدد محدد من الحبات و هذا بناءاً نتايج تحاليلي و كل وحدة حالتها غير عن الثانية !

 

[M!SS.LOBY]

راجعي دكتور افضل