السلام عليكم
بكتب لكم لأنه من جد ضايقه فيني الدنيا ... ومحتاجه أحد يواسيني يهديني يعقلني ...
مابي حل لأن أدري مافي حل ...أبي أي كلمه المهم ارتاح
مشكلتي مع قريبتي اللي فجأه اقتحمت حياتنا ..
بداية المشكله لما كنت صغيره ..كانت تربطني بأختها اللي أصغر منها صداقه ... ساعه نضحك مع بعض ... وساعه نتهاوش ... بس كنا نحب بعض من قلب ... حتى هي كانت تربطها صداقه بوحده من بنات العايله ومافرقهم الا الزواج ..
كنا ننام مع بعض ببيت جدتي ... أنا وأختها كنا صغار بس مو مشاغبين ولا أشقياء ... بس هي تعتبر وجودنا مع بعض بحد ذاته مشكله ... والطامه الكبرى لما صديقتها ماتنام معها ... تشب نار الغيره من عيونها ... وتفرغ جام غضبها على راسي ... صحيح ماتطق ولاتمد يدها .. بس والله العظيم كلامها وصوتها العالي أقوى من طعنة خنجر بصدري ... لحد هاللحظه كلامها مسبب لي عقده واتضايق لما اسمعه حتى لو كانت سواليف عاديه وماتخصني ...
مارتحت ولا ارتاحت ألا لما تفرقنا أنا وأختها ... وشي طبيعي بنتفرق دام جمعتنا تسبب المشاكل ... وصرنا جدا رسميين مع بعض ... حتى السواليف مانعرف نسولف مع بعض .. وهالشي مو مسبب لي مشكله ... هي لقت غيري وأنا لقيت غيرها ...
.
.
بعدين قريبتي هذي تزوجت واستقلت بحياتها ... والحمدلله ارتحت من شوفتها .. خصوصا أنها عايشه خارج مدينتنا .. يعني تجي على فترات بس زيارات عابره مو أكثر ... وعادي يكون اللقاء رسمي جدا .. وأحاول أتجنبها قدر الامكان ...
اسمع عن اخبارها ومصايبها بس ما أعلق ... مو حقوده عشان اتشمت ... ولاملاك عشان اضغط على مشاعري واتعاطف معها ...
حدتها الظروف وصار عندها مواعيد بمستشفى بمدينتنا ... ولأنها ماتقدر ع السفر اقترحت امها أنها تقيم أقامه مؤقته عندنا ... وطبعا لأن بيتنا ملجأ لمن لا ملجأ له أمي وافقت بدون تردد ...
ونزل الخبر علي مثل الصاعقه .. رغم هدوء لهجة أمي لماقالت الخبر .. أحس أمي مستسهله الخبر بزياده ... شهرين وتقولي يومين !! ... حتى لو يومين على قلبي كنه دهرين ...أساسا عندها خيارات كثيره للسكن بغير بيتنا ... بس طبعا كالعاده ... يروحون يدورون وناستهم عند غيرنا ولما تصفعهم الدنيا مايلقون أحد فاتح بابه غيرنا ...
لكن كلمة حق هي وقفت مع أمي أكثر من مره لما تكون والده والا مريضه تجي وتسهر على راحتها والله ماقصرت من هالناحيه ... بس اللي سوته مع أمي شي ... واللي سوته فيني شي ثاني ..
.
.
أمس هو أول يوم لها عندنا .. مر ثقيل على قلبي رغم أني نصه كنت نايمه .. أحس أني مو متقبله فكرة وجودها أبدا ..
اتعمد اجلس بالمكان اللي هي موجوده فيه لما يكون مليان ... عشان مايكون بيني وبينها أي حوار مباشر .. وباقي وقتي موزع بين نت ونوم وتلفزيون ...
أمي وخواتي حاسين بهالشي ... وعلى بالهم أني متضايقه من وجود شخص بحياتنا بغض النظر عن هوية هالشخص ...
الصراحه أنا ماتصورت أني أكرهها بهالشكل ... ولا توقعت أني بتضايق لهالدرجه ... بس يمكن لأن مشاعري مكبوته من زمان وفكره وجودها الدائم هو اللي خلى هالمشاعر تطلع ....
أحسها هي نفسها متضايقه من وضعها ... وماتصورت أن الظروف بتحطها بهالمكان ... حاليا خواتها معها ... يخدمونها ... ويسولفون معها ... بس كلها أسبوعين وخواتها بيرجعون ديرتهم وبنضطر نخدمها ... طبعا أنا شايله نفسي من هالموضوع .. ماقدر أخدمها يكفي استعبادها لي وأنا صغيره ... وأمي وخواتي كافيين بهالمهمه ...أما بالنسبه للسواليف فلا عزاء ... ماراح تعجبها سواليفنا ولا راح تعجبنا سواليفها ... والله يخلي لها البلاك بيري ...
ساعات يوزني الشيطان وافكر ادعي عليها بالشر عشان ارتاح من وجودها ... بس اتعوذ من ابليس ... واكتفي بالدموع اللي ابلل فيها وسادتي ... وادعي من قلب يارب مابيها لا تتأذي ولا تضرر .. بس أبيها تطلع من حياتنا بأسرع وقت ... تكفون ادعولي ماتتخيلون شلون نفسيتي تعبانه هالأيام ... يارب صبرني يارب
بكتب لكم لأنه من جد ضايقه فيني الدنيا ... ومحتاجه أحد يواسيني يهديني يعقلني ...
مابي حل لأن أدري مافي حل ...أبي أي كلمه المهم ارتاح
مشكلتي مع قريبتي اللي فجأه اقتحمت حياتنا ..
بداية المشكله لما كنت صغيره ..كانت تربطني بأختها اللي أصغر منها صداقه ... ساعه نضحك مع بعض ... وساعه نتهاوش ... بس كنا نحب بعض من قلب ... حتى هي كانت تربطها صداقه بوحده من بنات العايله ومافرقهم الا الزواج ..
كنا ننام مع بعض ببيت جدتي ... أنا وأختها كنا صغار بس مو مشاغبين ولا أشقياء ... بس هي تعتبر وجودنا مع بعض بحد ذاته مشكله ... والطامه الكبرى لما صديقتها ماتنام معها ... تشب نار الغيره من عيونها ... وتفرغ جام غضبها على راسي ... صحيح ماتطق ولاتمد يدها .. بس والله العظيم كلامها وصوتها العالي أقوى من طعنة خنجر بصدري ... لحد هاللحظه كلامها مسبب لي عقده واتضايق لما اسمعه حتى لو كانت سواليف عاديه وماتخصني ...
مارتحت ولا ارتاحت ألا لما تفرقنا أنا وأختها ... وشي طبيعي بنتفرق دام جمعتنا تسبب المشاكل ... وصرنا جدا رسميين مع بعض ... حتى السواليف مانعرف نسولف مع بعض .. وهالشي مو مسبب لي مشكله ... هي لقت غيري وأنا لقيت غيرها ...
.
.
بعدين قريبتي هذي تزوجت واستقلت بحياتها ... والحمدلله ارتحت من شوفتها .. خصوصا أنها عايشه خارج مدينتنا .. يعني تجي على فترات بس زيارات عابره مو أكثر ... وعادي يكون اللقاء رسمي جدا .. وأحاول أتجنبها قدر الامكان ...
اسمع عن اخبارها ومصايبها بس ما أعلق ... مو حقوده عشان اتشمت ... ولاملاك عشان اضغط على مشاعري واتعاطف معها ...
حدتها الظروف وصار عندها مواعيد بمستشفى بمدينتنا ... ولأنها ماتقدر ع السفر اقترحت امها أنها تقيم أقامه مؤقته عندنا ... وطبعا لأن بيتنا ملجأ لمن لا ملجأ له أمي وافقت بدون تردد ...
ونزل الخبر علي مثل الصاعقه .. رغم هدوء لهجة أمي لماقالت الخبر .. أحس أمي مستسهله الخبر بزياده ... شهرين وتقولي يومين !! ... حتى لو يومين على قلبي كنه دهرين ...أساسا عندها خيارات كثيره للسكن بغير بيتنا ... بس طبعا كالعاده ... يروحون يدورون وناستهم عند غيرنا ولما تصفعهم الدنيا مايلقون أحد فاتح بابه غيرنا ...
لكن كلمة حق هي وقفت مع أمي أكثر من مره لما تكون والده والا مريضه تجي وتسهر على راحتها والله ماقصرت من هالناحيه ... بس اللي سوته مع أمي شي ... واللي سوته فيني شي ثاني ..
.
.
أمس هو أول يوم لها عندنا .. مر ثقيل على قلبي رغم أني نصه كنت نايمه .. أحس أني مو متقبله فكرة وجودها أبدا ..
اتعمد اجلس بالمكان اللي هي موجوده فيه لما يكون مليان ... عشان مايكون بيني وبينها أي حوار مباشر .. وباقي وقتي موزع بين نت ونوم وتلفزيون ...
أمي وخواتي حاسين بهالشي ... وعلى بالهم أني متضايقه من وجود شخص بحياتنا بغض النظر عن هوية هالشخص ...
الصراحه أنا ماتصورت أني أكرهها بهالشكل ... ولا توقعت أني بتضايق لهالدرجه ... بس يمكن لأن مشاعري مكبوته من زمان وفكره وجودها الدائم هو اللي خلى هالمشاعر تطلع ....
أحسها هي نفسها متضايقه من وضعها ... وماتصورت أن الظروف بتحطها بهالمكان ... حاليا خواتها معها ... يخدمونها ... ويسولفون معها ... بس كلها أسبوعين وخواتها بيرجعون ديرتهم وبنضطر نخدمها ... طبعا أنا شايله نفسي من هالموضوع .. ماقدر أخدمها يكفي استعبادها لي وأنا صغيره ... وأمي وخواتي كافيين بهالمهمه ...أما بالنسبه للسواليف فلا عزاء ... ماراح تعجبها سواليفنا ولا راح تعجبنا سواليفها ... والله يخلي لها البلاك بيري ...
ساعات يوزني الشيطان وافكر ادعي عليها بالشر عشان ارتاح من وجودها ... بس اتعوذ من ابليس ... واكتفي بالدموع اللي ابلل فيها وسادتي ... وادعي من قلب يارب مابيها لا تتأذي ولا تضرر .. بس أبيها تطلع من حياتنا بأسرع وقت ... تكفون ادعولي ماتتخيلون شلون نفسيتي تعبانه هالأيام ... يارب صبرني يارب
