حبايبي كويتيات
شلووونكم
حابه استشيركم بمشكلتي وابي تقييمكم سواء كنت غلطانه اومعاي الحق صارحوني
بس الله يخليكم من غير تجريح
قبل سنتين تقريباً تقدم لي واحد مو كويتي بس امه كويتيه
الوالد قال : الرسول ( صلى الله عليه وآله وسلم ) قال اذا جاءكم من ترضون دينه وخلقه فزوجوه وإلا تكن في الأرض وفساد كبير.
والجنسيه موعائق ومن هالكلام
وسبحان الله قعدنا مع الريال وارتحناله وسألنا عنه وتزوجته
ملاحظه : انا كويتيه ومدرسه وجميله ومتدينه وصغيره بالعمر وكانوا شكثر يخطبوني ولي الحين يخطبوني حسبالهم مو متزوجه ومن عايله معروفه وسمعتنا الحمد لله ذهب
مو تزكيه لنفسي قلت هالكلام اساساً محد يعرفني بالمنتدى
بس علشان اوضح الأمور وهم لحد يقول طايحه بجبد نفسي وووو
وسبحان الله صار نصيبي هالريال
وابوي ما شرط عليه ولا شي
لا مهر ولا حفله ولا اي شي وقاله احنا نشتري الريال
بس شرط ان يكون سكني منفصل وان ما يمنعني اذا بغيت اكمل الماجستير والدكتوراة
ملاحظه: انا اكبر اخواني وخواتي.. شي ثاني انا هم كنت خجوله واستحي وأراعي الله سبحانه وتعالى بكل الأمور فما تشرطت ولا تكلمت ع الأمور الماديه على اساس اي ريال يتقدم للزواج حاسب حساب المصاريف ووو
ما علينا
الريال طلع طيب وحنون وعشرته حلوه
واهله كافين خيرهم وشرهم ما لهم شغل فيني لا بزينه ولا بشينه
حبيته من كل قلبي
واهوه بعد يحبني
وين المشكله ؟؟ :bbbiu:
دايماً نختلف على أمورنا المالية
زوجي معاشه نص معاشي بحكم انه مو كويتي ( تقريباً معاشه 600 )
وأنا مقدره هالشي ومو مضايقني وراضيه اساعده بالمعقول
زوجي كله يتهمني بالبخل واني اخش فلوسي وأيمع لنفسي وأحب الفلوس
ويعطيني محاضرات ان المره لازم تساعد زوجها
والحريم كلهم يساعدون رياييلهم وماكو فرق بينهم
وانا اصرف فلوسي على اشياء بيتي اولى فيها...
وحريم ربعه يسوون ويسوون ( طبعاً ربعه كلهم كويتيين )
وأنا أشوف ان أنا مو مقصره لا عليه ولاعلى بيتي
بالعكس انا مسويه اكثر من الي واجب علي
زوجي ما يبقى معاه اخر الشهر ولا فلس فيضطر ان يتسلف
وأنا مضايقني هالشي وكله أنصحه يدير باله ويحاول يصرف صح ويوفر لأن باجر ورانا يهال وووو
واهوه ما يعجبه كلامي
المهم بأقولكم جم يصرف زوجي ع الشقه
يدفع نص الأجار 150
+ ماجلة 50
( ملاحظه الماجله الي اييبها اهوه بروحه يروح الجمعيه مره وحده بالشهر بدوني ويشتري -
وهالماجله ما فيها لحم ولا دياي ولا سمج
بس سوالف معلبات واجبان وخبز وعصاير وخضروات ومعكرونه وكلينكس وجذي )
تقريباً مرتين بالشهر يوديني مطعم
الحين بأقولكم أنا شنو أصرف
أدفع نص الأجار
مصروفي الشخصي ( صالون / ملابس / ليزر / بانزين / عطوري / كشختي / كفر السرير / حلو الزوارة
... )
فلوس ولادتي وأدويتي ومراجعاتي بالخاص كلها علي
ما اخذ منه ولا فلس
ولا اطلب منه اي شي مراعاة لفرق الراتب وعلشان ما احرجه
تقريبا 3 او 4 مرات بالشهر نروح الجمعيه ونشتري اغراض حق البيت واهوه ما معاه وأنا ادفع
تقريباً 6 أو 7 مرات بالشهر نشتهي ناكل من بره وما يكون معاه وأنا الي ادفع
مناسباتنا الخاصه
أنا أبادر وأفاجأه وأحجز فندق أو سفره
مرات يتسلف مني اخر الشهر
بالإضافة إلى اني ايمع لي مبلغ بسيط كل شهر بالبنك للزمن
الحين أبي تعطوني رايكم
هل أنا مقصره أو مسويه الي علي أو مسويه فوق الي علي ؟
هل زوجي يحق له يتذمر ويتشكى ويطلب مني أقدره زياده ؟
هل كل الحريم يسوون الي أنا أسويه وشي طبيعي وضعي
ولا أنا معطته ويه زياده واستاهل لأني عودته على هالشي ؟
هل اهوه طماع واستغلالي واحسن لي أتطلق منه لأن ما عندنا عيال - كان عندنا ورب العالمين اخذ أمانته - ؟
ما ادري كلشي ببالكم قولوه وراح أتقبله
بليز بنات أبي رايكم بصراحه ومن غير تجريح
ولحد يقولي ليش خذيتي مو كويتي تحملي..
شلووونكم
حابه استشيركم بمشكلتي وابي تقييمكم سواء كنت غلطانه اومعاي الحق صارحوني
بس الله يخليكم من غير تجريح
قبل سنتين تقريباً تقدم لي واحد مو كويتي بس امه كويتيه
الوالد قال : الرسول ( صلى الله عليه وآله وسلم ) قال اذا جاءكم من ترضون دينه وخلقه فزوجوه وإلا تكن في الأرض وفساد كبير.
والجنسيه موعائق ومن هالكلام
وسبحان الله قعدنا مع الريال وارتحناله وسألنا عنه وتزوجته
ملاحظه : انا كويتيه ومدرسه وجميله ومتدينه وصغيره بالعمر وكانوا شكثر يخطبوني ولي الحين يخطبوني حسبالهم مو متزوجه ومن عايله معروفه وسمعتنا الحمد لله ذهب
مو تزكيه لنفسي قلت هالكلام اساساً محد يعرفني بالمنتدى
بس علشان اوضح الأمور وهم لحد يقول طايحه بجبد نفسي وووو
وسبحان الله صار نصيبي هالريال
وابوي ما شرط عليه ولا شي
لا مهر ولا حفله ولا اي شي وقاله احنا نشتري الريال
بس شرط ان يكون سكني منفصل وان ما يمنعني اذا بغيت اكمل الماجستير والدكتوراة
ملاحظه: انا اكبر اخواني وخواتي.. شي ثاني انا هم كنت خجوله واستحي وأراعي الله سبحانه وتعالى بكل الأمور فما تشرطت ولا تكلمت ع الأمور الماديه على اساس اي ريال يتقدم للزواج حاسب حساب المصاريف ووو
ما علينا
الريال طلع طيب وحنون وعشرته حلوه
واهله كافين خيرهم وشرهم ما لهم شغل فيني لا بزينه ولا بشينه
حبيته من كل قلبي
واهوه بعد يحبني
وين المشكله ؟؟ :bbbiu:
دايماً نختلف على أمورنا المالية
زوجي معاشه نص معاشي بحكم انه مو كويتي ( تقريباً معاشه 600 )
وأنا مقدره هالشي ومو مضايقني وراضيه اساعده بالمعقول
زوجي كله يتهمني بالبخل واني اخش فلوسي وأيمع لنفسي وأحب الفلوس
ويعطيني محاضرات ان المره لازم تساعد زوجها
والحريم كلهم يساعدون رياييلهم وماكو فرق بينهم
وانا اصرف فلوسي على اشياء بيتي اولى فيها...
وحريم ربعه يسوون ويسوون ( طبعاً ربعه كلهم كويتيين )
وأنا أشوف ان أنا مو مقصره لا عليه ولاعلى بيتي
بالعكس انا مسويه اكثر من الي واجب علي
زوجي ما يبقى معاه اخر الشهر ولا فلس فيضطر ان يتسلف
وأنا مضايقني هالشي وكله أنصحه يدير باله ويحاول يصرف صح ويوفر لأن باجر ورانا يهال وووو
واهوه ما يعجبه كلامي
المهم بأقولكم جم يصرف زوجي ع الشقه
يدفع نص الأجار 150
+ ماجلة 50
( ملاحظه الماجله الي اييبها اهوه بروحه يروح الجمعيه مره وحده بالشهر بدوني ويشتري -
وهالماجله ما فيها لحم ولا دياي ولا سمج
بس سوالف معلبات واجبان وخبز وعصاير وخضروات ومعكرونه وكلينكس وجذي )
تقريباً مرتين بالشهر يوديني مطعم
الحين بأقولكم أنا شنو أصرف
أدفع نص الأجار
مصروفي الشخصي ( صالون / ملابس / ليزر / بانزين / عطوري / كشختي / كفر السرير / حلو الزوارة
... )
فلوس ولادتي وأدويتي ومراجعاتي بالخاص كلها علي
ما اخذ منه ولا فلس
ولا اطلب منه اي شي مراعاة لفرق الراتب وعلشان ما احرجه
تقريبا 3 او 4 مرات بالشهر نروح الجمعيه ونشتري اغراض حق البيت واهوه ما معاه وأنا ادفع
تقريباً 6 أو 7 مرات بالشهر نشتهي ناكل من بره وما يكون معاه وأنا الي ادفع
مناسباتنا الخاصه
أنا أبادر وأفاجأه وأحجز فندق أو سفره
مرات يتسلف مني اخر الشهر
بالإضافة إلى اني ايمع لي مبلغ بسيط كل شهر بالبنك للزمن
الحين أبي تعطوني رايكم
هل أنا مقصره أو مسويه الي علي أو مسويه فوق الي علي ؟
هل زوجي يحق له يتذمر ويتشكى ويطلب مني أقدره زياده ؟
هل كل الحريم يسوون الي أنا أسويه وشي طبيعي وضعي
ولا أنا معطته ويه زياده واستاهل لأني عودته على هالشي ؟
هل اهوه طماع واستغلالي واحسن لي أتطلق منه لأن ما عندنا عيال - كان عندنا ورب العالمين اخذ أمانته - ؟
ما ادري كلشي ببالكم قولوه وراح أتقبله
بليز بنات أبي رايكم بصراحه ومن غير تجريح
ولحد يقولي ليش خذيتي مو كويتي تحملي..
