محتااره مع ريلي هل الوضع طبيعي ولا لا ؟؟

[كاتو_كويتيه]

الســلام عليــكم ..


اول شي احب اشكر رفيجتي كاتو كوتيه ..سلفتني نكها .< ماعندي ايميل اسوي نك ولا لي بهالسوالف << قلت قصه حياتي هههه

بسم الله ...

ابي رايكم واستشاراتكم ..

انا متزوجه لي فتره تقريبا 5 شهور .. وانا بصراحه خاااطري احمل بتقولون وين المشكله

ريـلي .. ماييب طاري الحمال ولا احسه متشفق ..وانا استحي اييب الطاري اخاف يقول شهالعروس المشفووحه .. وحتى القذف مرات يكون خارجي يعني مو شاد حيله عشان حمل وجذي

مستغربه ليش مااييب طاري الحمل مااادري ليش ؟؟؟

هل افتح الموضوع واتكلم بس ياربي شقول

ولا اسكت واشوف اخرتها ؟ ؟ :eh_s(4):

محتـاره شرايكم ؟؟ :bbbiu:

 

[ام فواازي]

غريب امره زوجج ليش القذف خارجي؟وانتم توكم معاريس؟
انا لي جم سنه زوجي بالموت يرضى بالهشي عشان منع الحمل يقول مايتحمل
والحمل متى مالله راد بتحملين انشاءالله بس شوفي لا تحاجينه بالهشي ورحي لدكتوره سوي جك اوت تطمني على نفسج من غير مايدري واخذي منشطات اذا متشوقه عالحمال والله يرزقج

 

[يا كويتنا]

شوفي في رياجيل بالهم وسييع ويبي يستقر معاج او ماره عليه تجربه مع واحد من ربعه انه استعجل بفكرة الحمل وصار انفصال


لا تحاتين ولا تدورين عالمشاكل توكم باول الطريج ولاحقه عالوحام والتعب



صدقيني انا لو منج اول ست اشهور لي سنه ما افكر بالحمال

وبعدين اهم شي العلاقه اتكون طيبه وحلوه بينج وبين زوجج والحمال مو السبب الوحيد للمحبه

 

[• JoJo •]

الحمل شقا وتعب ولاحقه عليه ,, الله يرزقك الذرية الصالحه يارب

انبسطي اول سنة من زواجك بدون مسؤلية وتعب بعدها ابدو بالجد

 

[بنتي بنت ابوها]

ما ادر حبيبتي بس انا من ناحيتي اظن لو تكلمينه افضل لان بعض هالشباب ما ينتبه على باله كل شي سهالات

 

[حلوه ولمآحه]

حبيبتي عآآدي انآآ زوجي جآن جذيه جلسنا سنتين ع الوضع هذآسنه انا كنت مابي وسنه هو قال ناجلهآآ
يوم سالته قال انه لازم تستقرآلآمور المآديه ،، والحمد الله الحين معي بنوته ،
يمكن زوجج عنده ظروف ومايبي اطفال ويعيشهم حياه اقل من عاديه لازم يهيي لهم كل شي يبونه ،،
وانتي توج خمس شهور عيشي حياتج سافري طلعي وروحي ،،
ترا البيبي اذا جاء بيشغلج عن كل شي حتى زوجج والسفرات والروحاات كلهآآ،،~

 

[jooosy]

اي عادي حبيبتي
لييييش مستعيله
الريال ابياخذ راحته معاج
تو الناس
ومو امخطط الحين على سالفة الحمل
خل يصيرلج سنه اوكي
بيطلع ابيستانس معاج ويمكن يبي يسفرج
ليش شاغله بالج ابهالموضوع
استانسي لااااااااااحقه عالتعب والسهر
بعدين تتمنين الراحه والوناسه
الياهل يبيله امجابل مو سهل كلللش
وما اتفق مع راي ام فوازي منشطات ليش
بسم الله
مافيكم شي كللللش ماله داعي
من رايي لا اتعورين راسج ابهالموضوع لانكم توكم معاريس
والله يهنيكم

 

[فوفو22]

حياتي

اللي بينكم عقد زواج

والعقد بين 2 زوج وزوجه

ولهم واجبات وحقوق وحياة مشتركه

من اهم محتويات الشراكه هي

الحمل والانجاب

فمن حقج تستفسرين بطريقة ذربه على شاي العصر

شنو تخطيطك يا فلان على العيال

تحب نجيب 2 او 4 او 6 ........شنو بخاطرك

يعني تسولقين معه وتتحاورين بطريقة سوالف

مش سين وجيم

فاهمتني
فوفو

 

[احلام مكبوته]

الله يكتب لك الخير

 

[الزيـــــ^^ـــــن]

شوفي اذا انتي حابه انج تحملين

اذا قذف من داخل خليييه ولاتقومين سوي نفسج تعبانه

ونامي ليي الصبح

وامره غريب صراحه الريايييل اول الزواج يستانسون لما المراه تحمل

لاتكلمينه ولاشي سوي اللي قلتلج عليه والله كريم وان شاءالله ربي بيرزقج*

 

[Pippa]

’
​

• توج عروووس .... الله يرزقج الذريه الصآلحه حبيبتي ..,,!!​

 

[BraZiLeya]

عاادي استانسي بجسمج مع ريلج ليلحين ما شبع منج باجر تحملين ويخترب جسمج ومالج خلقه حتا .. ستانسي لاحقه عاليهاااال .. قوليله خنسافر ونستانس ونستمتع قبل لا ايونا اليهال شوفي شيقولج .. بيستانس منج صدقيني .. ولله بيرزقج بياهل انشالله

 

[^أم يوسف^]

صراحه غريب امره القذف الخارجي ليش؟؟
الي اعرفه ان الرجال مايستمتع الا لما يكون داخلي
فاكيد شايل فكرت الحمال ولا يبيج تحملين
؟؟
فالاجابه راح تكون عندج لي ناقشتيه
وسالتيه ليش هالحركه؟؟
منت ناوي ع الطفال هالوقت؟
واكيد بتلاقين جوابه وراح يبطل العجب الي محييرج
اخر كلامي
نقاااااش بهدوووءء بدون استفزاز
الله يسهل امرج يارب للي فيه صلاح وخير لج يارب

 

[همسات حالمة]

نفس زوجي جلس سنتين القذف برى

بس صارحني انه يبي يتونس قبل العيال

بس كان له ضرر لاني بعدها صرت احمل واطشه

وللحين ما جبت عيال

 

[أم توتو]

انا اقول لاحقه على الشقا استنانسي يبا تراها ايام ماتتعوض والله يرزقج بالذريه الصالحه

 

[ورده الكرستال]

الله يسهل امورج حبوبه

نفس البنات استفسري منه احسن لج

 

[*ريما*]

اذا ودك بالحمل ناقشية عادي زوجك
معنى تو الناس لااااااااحقة

 

[كاتو_كويتيه]

مشكوورين يابناااات على ردوودكم
وان شاء الله رفيجتي تقراه ويطمن قلبها


فديتكم ياكويتيات