محتااجتكم بليزز علموني شسوي

[**miss 3sola**]

قووه حبايبي
الصراحه بقولكم سالفه صارت وياي وحدييي ماادري شسوي هل انا غلطانه على الي سويته او لا واصلا مفروض ماتكلم فيها بس والله جد جد محتاره ومتضايقه ماادري شسوي
انا ملجه وعرسي بس شهرين انشالله انزين واكلم زوجي يمكن انا الوحيده الي كلمة زوجي بالملجه المهم ذاك اليوم قبل لااسافر دزلي مسج قالي بمرج لووول يمرني ليش وكنت بروحي واحنا حدنا تكلمينه عادات وتقاليد والله ياابنات على نيتي سئلت قلتله مافهمت عشان شنو يعني بعرف ليش اهوا ماجانا الى 3مرات مرتين ويا اهله ومره بروحه فاقال ولى شي تروحين وتردين باسلامه وبس ودزيتبه مسج ومادر وانا اساسا استحي ادق لووول
المهم اتصلت عليه ابالسفر ومارد علي دزتله مسج كذا مره كان يجاااوب بكلمتين بس المهم دزيتله اباركله بالرمضان وسالته ليش مااقمت ادز مسسجات ولى لاتسال تخيلووووو قالي عشان شنو ادزلج ذاك اليوم اقولج بمرج عشان بعطيج فلوس قبل لاتسافرين تقولين ليش تمر والله يااااااااااااابنااااات سأأأأأأألت على فالي سؤال بس يعني اخليه يجي بدون سبب والله اهلي مايرضون المهم قلتله والله مجرد سؤال واسفه مافهمت قصدك وتخيلو اتصل على امي وابوي يباركلهم ولى اتصل علي بمووت والله قهرني والحين اهوا مسافر ومادزيتله ولى مسج اخر مسج دزلي اياه قال حصل خير عقب ماااتأسفتله
وامي تقول خليه اهو الي يدز انتي سويتي الي عليج وخلاص
بنات علمووني شسوي ادزله مسج ولى اخليه ماادري شسووووووووي موو حلوه مابقى شي على العرس وجذي يزعل

 

[DooLy88]

ترا خطيبج شكله من النوع اللي على اقل شي يزعل << الله يعينج
بعدين مافيها شي لو خطيبج ياج وسلم عليج قبل السفر << مادري يعني ليش هالكثر عندكم هالشي عيب مع انه زوجج !!

حاجيه قولي له سوري بس اهلي جذي تفكيرهم موبيدي ومع الايام بيرضى عادي - ويمكن يرضى بنفس الوقت

((في ناس لازم عندهم عرس وتلبس ابيض علشان تدر تحاجي خطيبها على راحتها !!))

الله يهنيج

 

[رسيل طفلة الورد]

رد : محتااجتكم بليزز علموني شسوي

الله يعينك حبيبتي ويسخره لك انا من رايي انك ترسلين له مسج محتواه كلام حب وعادي ترا تصير سوء تفاهم بينكم شي طبيعي لاتقلقين ابد...

 

[منال القلب]

وانا بعد اوافق رسيل دزيله مسج حب رومانسي وبس بعدها خليه اهو يتصرف لا تسوين شي ولا تقطين نفسج اكثر

 

[صخر جلمود]

ماغلطتي بشئ

لآ تدقين اهو بيرد من السفر وبيفقدج وبيدق

بس أنتي أثقلي وبحلا مو تشلعين قبل الرجال

 

[softlady]

والله حبيبتي الصج ينقال يعني لوانطفقتي وطرتي وقلتي تعااال جان وناسه

والله اهما يحبون البنت الي جذي على نياتها

والله طاااف

وانتي الي تدلعي وزعلي

موتعودينه من الحين تراضينه يااااا ويلج

على شنو ادززين مسجات اهو الريال شسالفه

 

[**miss 3sola**]

رد : محتااجتكم بليزز علموني شسوي

مشكوورين حبايبي مووانا مشكلتي استحي حيل واهوا بعد نفس الشي يستحي بس ماادري ليش يزعل واهوا اصلا يدري انه اهلي مااايرضون
اانا بدزله مسج شعر وحب بس مااراح اتأسف لانه تاسفة بس لوو يدري انه والله سألت على نيتي تعرفون احنا بنات لازم نسأل لوووول لو تشوفون شلون كان وضعي يوم دازه مسج حاطه اللف خلطه على راسي ومااسك علىى والويهه هههههههههههههه
والي تقول انه مافيها شي اوكي صح بس شلون تقولين حق الاهل وهالشي من سالفه العصر والزمان عندهم الا لمى تلبس الابيض لووووووووووووووول

 

[**miss 3sola**]

رد : محتااجتكم بليزز علموني شسوي

بس بنات والله مقهوووره تخيلوون يكلم امي ويباركلها وابوي يوقولهم تامروني على شي واهوا ماكلف خااطره بس يبارك
ومشكلتي انا حيل طيبه جييييييل فوق مااتتصورون والله لو يدق ويسولف انسى كل شي ماحط باقلبي والله لو انا عوبه واللسان جان صار العكس جان دق وسأل بس الله كريم

 

[الجوهرة777]

يزعل ويرضى


لا تحاتين ما قلتي شي وده يزعل ويتدلع


رياجيل هالوقت مو معطين البنات مجال يتدلعون عليهم


صاروا هم اللي يتدلعون والسبه تربية امهات هالوقت

 

[هيبة ملك]

من ألحين يبي يثقل عليج

خليه ماعليج منه لاتدزين ولا شئ

نطري لين هو يدق

مادق ولا تحرقين نفسج خليه براااحته

الأياااام ترضيه

 

[احـ رومانسيـــه ـلا]

رد : محتااجتكم بليزز علموني شسوي

اي لاتدقين ولا شي

اهوه خل يدق ومارده بيرضا

والله يوفقج انشالله ويهنيج معاه

 

[**miss 3sola**]

رد : محتااجتكم بليزز علموني شسوي

لا انا مارح ادق لوووو شنووووووووووووووووووووووووووووووووو

 

[**miss 3sola**]

رد : محتااجتكم بليزز علموني شسوي

يعطييكم العافيه حبايبي

 

[كتكات احمر]

يزعل ويرضى


لا تحاتين ما قلتي شي وده يزعل ويتدلع


رياجيل هالوقت مو معطين البنات مجال يتدلعون عليهم


صاروا هم اللي يتدلعون والسبه تربية امهات هالوقت

اي والله ههههههههههههههههههههههه:denya:

 

[عالمي المجنون]

الله يوفقكم يارب

 

[whitish]

صح كام البنات لا تعتذرين ولا شيء مسويتي شيء غلط


وتاليتها برضي بروحه لا تكبرين راسه

 

[فله]

واااي تذكريني بنفسي ماحب ازعله واراضيه لو هو الغلطان بس انت طرشي مسج حب
وخلاااااااااااااص ثقلي عليه شوي

 

[ايمان80]

اهم شي ان ريلج يقوم بالواجب تجاه اهلج ..يدق ويبارك
وهذا دليل على حسن تربيته واخلاقه

اما اللي قاعد يسويه معاج...عادي اعتبريه دلع رياييل (ولو ان رياييل الكويت مو وي دلع ههههههه)
بس يالله
اهو زعل عشان دقرتيه يوم قال بمرج ...وانت المفروض تبينيله سبب ييته
المفروض يكون ردج(حياك الله حبيبي بس مخالف تقول متى بتمر عشان ابلغ اهلي عشان نستقبلك احسن استقبال)
جذي تحسسينه انه مرغوب فيه منج ومن اهلج

عموما مع العشرة راح تعرفين شلون تتعاملين معاه

والله يوفقكم ويبارك لكم

 

[خالده الفارس]

الموقف عادي ..
بس اهوه يتدلع عليج ...

 

[om-yousef]

انا اقولج يالغاليه اسحبي سيفون عليه ولا تطرشين مسج اثقلي يا بنت وخلي عنج هالسوالف وبلا مسج حب ولا شي شدعوه اخذ على خاطره من موقف بسيط صح الموضوع ما يسوى بس خلي عندج شخصيه لا تضعفين من اول موقفاهو ما قصر عمل الواجب مع اهلج كافي اذا جا العرس بيصير خير وكل شي بيتغير