محتاااره بين 3 دول ....مساااعده ؟؟؟!!

[Prience]

السلااااام عليكم ،،،،

بنات محتاااره بين تركياا ولندن وماليزيا

اي وحده احسن للعايله؟؟!

وأبي كل وحده تكتب تجربتهاا للدوله اللي راحتلها والأماكن الحلوووه ؟؟؟!!

ردووا بسرعه ..... ​

 

[السلطآنه]

تركيا ماتصلح للاطفال ولندن بعد مافيها اماكن للاطفال واجد
ماليزيا عائليه حيل وونيسه بس عيبها الجو .. رطوبه قوية
ولندن روعه بس الاطفال مايستانسون فيها

 

[الشامريه]

لندن حلوه سوق قعدات قهاوي بس فعلا مافي اشياء بارزه للاطفال

 

[صيتة الخالد]

ماليزيا رقم واااحد للجهال بس لاتروحين لها بالصيف بتكرهينها
تركيا حلو جوها بالصيف،،،واذا عالجهال ترا بس تغيرر الجو وركبة الطيارة وسفينة وتلفريك ووديهم مول يشترون العاب واجد عليهم وبيستانسون
اهم شي انتي

 

[صيتة الخالد]

بس اسطنبول اذا انتي محافظة ماراح تجوز لج كله تفصخ وشوية مناظر
بورصة جوها احلا وانظف من اسطنبول بالاشكاااال

 

[نـعـومـه]

انا بس رحت ماليزيا وحسيتها صج صج سياحه اطفال حدايق حيوان وعروض وملاهي ورحلات بس على حسب الشهر بصيف وايد حر ماليزيا

اذا سفرتكم بشتا روحو ماليزيا اذا صيف لندن هم سامعه فيها اماكن

 

[أم نـور]

نعومه حبيبتي

جو ماليزيا هذا هو طووول السنه ما يتغير


لا بالصيف ولا بالشتا انا رحتها بالصيف وبالشتا

هذا هو جوها
لأن هي استوائيه

طول السنه نفس الجوو مستحيل يتغير
بس ان بالصيف ززحمه خليجيين هناك





مثل ما قالوا لج البنات لندن للكبار اللي يحبون التمشي القهاوي وهالسوالف
ما فيها شي لليهال

ماليزيا برامجها بالهبل لليهال والكبااار

 

[ام رينـاد]

ماليزيا حلوه للعائلات برامج وانشطة ورحلات وحدائق ماينمل منها

 

[نورة حسام 2]

تركيا وماليزيا حلوه لليهال بس اذا انتي محافظه ما راح تعجبج تركيا خصصيا اسطنبول كله تفصخ ام ماليزيا شعب محترم شوي
ولندن تنفع للشوبنق

 

[<miss botamba>]

كلهم يصلحون للعوايل

بس كل وحده غير عن الثانيه


ماليزيا رطوبه وخيسه يعني لازم تروحين مكان في بحر وسباحه ورحلات بحريه وهالسوالف عشان تستانسين


تركيا حسب

اسطنبول مافيها شي لليهال واذا فيها جدا عادي مقارنه بالكويت

فاذا عيالج وايد مايعجبهم اي شي مراح تعجبهم وبصكون راسج من الحنه


لندن حلوه فيها متاحف وحدايق وممكن تطلعون بره لندن فيصير الوضع وناسه تركبون قطار وجذي وفي مزارع تقطعون فاكهه ومزارع فيها حيوانات

شوفي تقريري مال لندن حاطه عن هالمزرعه



انا من وجهه نظري اشوف اما ماليزيا او لندن وارشح لندن اكثر


ماليزيا اذا بتروحون منتجعات روحي لها بس اذا بس جذي احس مو حلوه

 

[نـعـومـه]

ام نور

لا حبيبتي تفرق !! صج ماليزيا جوها استوائي طول السنه ورطوبه دوم بس هم شهر 11 12 شوي رطوبه خفيفه وموحر نفس شهر 8 !

رحت ماليزيا شهر 11 جوها عادي لابرد ولا حر حر

 

[القصيدة]

السلام عليكم و رحمة الله و بركاته

تركيا أولاً و لندن ثانياً ​

 

[HayaaB]

لندن

 

[أمانيQ8]

ماليزيا بالدرجه الاولى طبعا عائليه 100%
ورغم ان جوها رطب لكن تسوى العنوى ونييسه حيل

تركيا حلوه لج ولعيالج وجوها حلووووو
لندن سووووووق او اذا تبين تغيير طلعي بره لندن روحي مانشستر وليفربول وغيرهم والجو ماعليه كلام