محتااارة .. شيروا عليي .. الله يسعدكم دنيا واخرة .. =(

[anfass]

السلام

شخباركم ؟؟

بنات انا في حيرة من امري ..
صارلي سنة و5 شهور من اتزوجت سويت الفحوصات من متابعة تبويض
وتحاليل هرمون وكان كل شيء اوكي بس هرمون الحليب مرتفع مرة 22 ومرة 24
والحمدلله اعتدل باستخدامي القسط الهندي .. وزوجي عمل التحليل وطلع سليم الحمدلله .. يعني حاليا احنا الاثنين سليمين ..
رحنا لدكتور استشاري وقال لو احنا مستعجلين ع الحمل بيوصف لي كلوميد .
وبصراحة انا مترددة اخذه لان قرات عن اثاره الجانبية وخفت ..غير انه ينعطى
للي عندهم ضعف تبويض .. وانا الحمدلله ..التبويض عندي تمام وحجم البويضة 24,1 ملم .. بس الدكتور يقول لزيادة فرص الحمل ..
وانا هالشهر شريت لي جهاز متابعة التبويض كلير بلو وناوية استخدمه.

شيروا عليي الله يخليكم ..هل ينفع اخذ الشهر الجاي كلوميد لو ماصار حمل هالشهر او لا ..؟؟

 

[anfass]

ولا رد

 

[لومية1]

حبيبتي جربي نفسك كم شهر على الأقل 6 أشهر وإذا ما صار شي إخذيه وانشاء الله كل شي يصير طبيعي
تره الكلوميد يتفخ ويسوي تكيس

 

[anfass]

لومية

اذا بنتظر لـ 6 شهور ع كذا بكمل سنتين وشهر =(

ادعوا لي ربي يسهل علي واحمل هالشهر ولااحتاج له يارب

 

[جديده 1]

حبيبتي مادام تبويضج ممتاز ما شاء الله ماتحتاج تاخذين كلوميد و خرابيط .. يخربط الهرمونات و يسبب تكيسات و اللي ياخذونه اللي تبويضها ضعيف عشان تكبر البويضه فمادري ليش يبي يعطيج كلوميد صج اهبل .. غيري الدكتور و ترى الاغلب تفكيرهم جذي والله صعب تلقين دكتور له ضمير !!

شوفي توقيعي .. و الجماع لازم بأيام التبويض .. اما هرمون الحليب في له حبوب نسيت اسمها بسرعه تنشفه اتوقع اسبوع او اسبوعين و يروح منج .. القسط يمكن زين بس مفعوله مادري ماظن اقوى من الحبوب .. و اذا بتسوين تحليل .. جربي تحليل الصبغه مع مخدر ولازم مرافق و لازم تاخذين مضاد حيوي قبل و بعد .. و هي عمليه نص ساعه يحقنون سائل عشان يشوفون فيه انسداد ولالا .. لان لو في انسداد ماتنزل البويضه و مايصير حمل و مرات ينفتح الانسداد من السائل .. اما اذا واحد مسدود فشهر تقدرين تحملين و شهر لا .. اما اذا اثنينهم مسدودي اما تفتحينهم بعمليه ولازم دكتور شاطر او انج اتسوين طفل انابيب .. وان شاء الله مافيج الا العافيه .. و حللي غدد شامل تأخر الحمل ترى .. قرقت وايد ههههههههه .. موفقه يارب

 

[anfass]

جديدة

مشكورة غناتي ع ردك .. بس الدكتور استشاري وبالنسبة لاشعة الصبغة قال ان جرت العادة اذا البنت بكر توها متزوجة ولامسوية
عمليات قبل ولاحملت فالانابيب عندها سليمة باذن الله .. وبالنسبة لهرمون الحليب جربت دوستنيكس ومادري ان نزل ورد ارتفع لاني ماحللت الا عقب شهرين والنتيجة انه زاد عن قبل بعد .. ومن استخدمت القسط الحمدلله نزل ..
وحاليا الدكتور طمنا ان الوضع طبيعي بس المسالة مسالة وقت وعطاني خيار باستخدام الكلوميد وهالشيء سبب لي حيرة ..فانا حبيت استفسر
اكثر. واغلب الظن اني بتجه للعطار افضل لي .

مشكورة غناتي ع النصيحة

 

[ام الشوامس]

الله يرزقج الذريه الصالحه

ماعندي فكره

 

[& حس فيني &]

لا تلعبين بنفسج نصيحه كثري الاستغفار وراقبي هرمون الحليب ترى الكلوميد اذا مافيج شي يسبب تكيسات وراح نفتحين على نفسج ابواب ثانية

 

[ابدا يالغالي مانساك]

حبوبه هذا أنا نفسج سنه واشهر وجعل ربي يرزقنا ويرزق الجميع وحللت واخذت كل شي كلوميد وإبرة تفجير للعلم تحاليلنا ولله الحمد سليمه اقولج شي استمري علي عصير الأناناس نفس مفعول الكلوميد خمس عشر يوم ولاتفوتي ايام التبويض وان شالله تبشرينا عن قريب يارب

 

[جديده 1]

اختي الكلوميد مالها علاقه بحالتج لان ما شاء الله البويضه عندج حجمها ممتاز فليش اصلا الكلوميد !!!!!!!!!!!!!!!!!!!!!!!!!!
انا وحده عاديه و اعرف المعلومه ان الكلوميد بس انه يزيد حجم البويضه حتى توصل للحجم المناسب .. وانتي اصلا حجم البويضه مناسب فليش اصلا كلوميد !!!!!!!!!! والله ان هالاستشاري اهبل ولا يبي يجرب فيج او ينفع صيدليتهم .. نصيحه غيريه و تقدرين تسألين ابسط دكتور عن فائده الكلوميد و بتشوفين انه ماله داعي فحالتج فضلا على انه يزيد الوزن و يسبب التكيسات !!!!!!!

اختي بخصوص اشعه الصبغه مو شرط !! .. حماتي بكر و لما سوتها طلع عندها انبوب مسدود .. لان هالشي ممكن تسببه الالتهابات .. فنصيحه فحصتي كل شي تمام .. ضبطي امور هرمون الحليب و افحصي غدد شامل ضروري و سوي اشعه الصبغه .. لان هذا اللي باقي ماسويتيه .. موفقه يارب

 

[anfass]

مشكورين يالغوالي ع ردوكم ...

جديدة

انا كنت قبل عند دكتورة غير وقالتي اني ماراح تعطيني منشطات لان مااحتاج وسويت تحليل هرمونات وكل شيء اوك الحمدلله ..
واشعة الصبغة الحمدلله ولله الحمد ماصابني التهاب لهالسبب ولا دكتور رحت له طلبها ..
انا بصبر هالكم شهر دام الهرمون عندي صار اوكي وان شاءالله واحمل بدون ماحتاج لشيء يارب


ويارب يرزق كل من يتمنى

دعواتكم

 

[فانتا ستروبري]

الله يرزقج يارب
​

 

[anfass]

تسلمي يالغلا

 

[(نبنوبه)]

نصيحتي لا تاخذين كلوميد لان تبويضج فوق الطبيعي حرام راح تضرين نفسج اعرفي ايام التبويض ويصير جماع وعليج بالاستغفار بنية الحمل وقراءة سورة البقرة ولا تفكرين بالحمل اشغلي نفسج باي شي والله يرزقج وما تشوفينها هالشهر يارررررررررررررررررررررررررررررررررررررررررب

 

[الغــــرور]

الله يرزقك يارب ويرزقنا....

بس صحيح كلام اختي جديدة ... مو شرط لانك بكر .. مايكون عندك انسداد....
انا وحدة من صديقاتي بكر.... وطلع عندها الانبوبين مسدودين..... مو شرط ياقلبي...

وبعض الاشياء تعرفين اذا فيك انسداد او لا .... منها وانتوا بكرامة.. عل قبل الدورة تنزل منك افرازات بنيه.. وبعد تجيك الدورة...
هذا اول شي ياكد الانسداد... ثاني شي انتظريشهرين وبعدين جربيها ماراح تخسرين شي... كلها الا ربع ساعه....

ونصيحة اخت روحي لوحده تمرخك... يمكن الرحم فيه شي نازل او صاد.... ويارب تبشرينا...

بس الكلوميد لااااا ياحبيبتي....

وحطي في بالك شي... ان كل شي بيد رب العالمين.. يمكن تسوين كل شــــــــــي بس رب العالمين مااراد ان يتم تلقيح البويضة..
انتي سوي اللي عليك.. وتوكلي على الله سبحانه.....

 

[AVE.NJ]

حبيت ادعي لج
الله يرزقج الذريه الصالحه ويرزق كل محروم

 

[الريشة]

تبويضك زين ما شاءالله و حاولي تحملين بدون كلوميد بس لازم كل شهرين تحللين هرمون الحليب عشان تتأكدين إنه ما يرتفع و يفضل تسوين فحص حق قنوات فالوب لأنك و لا مرة حملتي فلازم تتأكدين إن الأنابيب ما فيهم انسداد.
و إن شاء الله ما فيك إلا كل خير
زيدي في الطاعات مثل:
قراءة سورة البقرة - سورة مريم - سورة الصافات - سورة آل عمران - سورة ياسين - الرقية الشرعية.
و دفعي صدقات للفقراء و صلي الشفع و الوتر و استغفري باليوم 1000 مرة.
ترى فيه ناس حملوا بس لأنهم اجتهدوا بالطاعات و العبادات..... مو بس تراجعين الطبيب لأن الرزق بيد الله سبحانه.

 

[anfass]

:eh_s(17):

نصيحتي لا تاخذين كلوميد لان تبويضج فوق الطبيعي حرام راح تضرين نفسج اعرفي ايام التبويض ويصير جماع وعليج بالاستغفار بنية الحمل وقراءة سورة البقرة ولا تفكرين بالحمل اشغلي نفسج باي شي والله يرزقج وما تشوفينها هالشهر يارررررررررررررررررررررررررررررررررررررررررب

تسلمي خيتو ع النصيحة وان شاءالله اداوم ع الطبيعي لاني بفترتها كنت اداوم ع عصير الاناناس والميرمية والعسل مع طلع النخيل ويارب خير :eh_s(17):

الله يرزقك يارب ويرزقنا....

بس صحيح كلام اختي جديدة ... مو شرط لانك بكر .. مايكون عندك انسداد....
انا وحدة من صديقاتي بكر.... وطلع عندها الانبوبين مسدودين..... مو شرط ياقلبي...

وبعض الاشياء تعرفين اذا فيك انسداد او لا .... منها وانتوا بكرامة.. عل قبل الدورة تنزل منك افرازات بنيه.. وبعد تجيك الدورة...
هذا اول شي ياكد الانسداد... ثاني شي انتظريشهرين وبعدين جربيها ماراح تخسرين شي... كلها الا ربع ساعه....

ونصيحة اخت روحي لوحده تمرخك... يمكن الرحم فيه شي نازل او صاد.... ويارب تبشرينا...

بس الكلوميد لااااا ياحبيبتي....

وحطي في بالك شي... ان كل شي بيد رب العالمين.. يمكن تسوين كل شــــــــــي بس رب العالمين مااراد ان يتم تلقيح البويضة..
انتي سوي اللي عليك.. وتوكلي على الله سبحانه.....

تسلمي ع الرد والنصيحة وان شاءالله بنتظر هالشهرين وان شاءالله يصير حمل بدون مااحتاج لشي ان شاءالله .. :eh_s(7): والحمدلله الدورة تجي ع طول ماعندي افرازات بنية قبل

تبويضك زين ما شاءالله و حاولي تحملين بدون كلوميد بس لازم كل شهرين تحللين هرمون الحليب عشان تتأكدين إنه ما يرتفع و يفضل تسوين فحص حق قنوات فالوب لأنك و لا مرة حملتي فلازم تتأكدين إن الأنابيب ما فيهم انسداد.
و إن شاء الله ما فيك إلا كل خير
زيدي في الطاعات مثل:
قراءة سورة البقرة - سورة مريم - سورة الصافات - سورة آل عمران - سورة ياسين - الرقية الشرعية.
و دفعي صدقات للفقراء و صلي الشفع و الوتر و استغفري باليوم 1000 مرة.
ترى فيه ناس حملوا بس لأنهم اجتهدوا بالطاعات و العبادات..... مو بس تراجعين الطبيب لأن الرزق بيد الله سبحانه.

ان شاءالله .. بس شيء ابي اعرفه هل ممكن حجم البويضة يتغير من شهر لشهر ويصغرلاسمح الله ؟؟

ومشكورة ع الرد :eh_s(7):

AVE.NJ
حبيت ادعي لج
الله يرزقج الذريه الصالحه ويرزق كل محروم

تسلمي غناتي وربي يسمع منش :eh_s(7):