محتاااجة خبرتكم ومشورتكم وانتوا ما تقصرون ان شاء الله

[كويتية222]

السلام عليكم خواتي

عندي موضوع ومحتارة فيه وابي من خبرتكم تفيدوني ،الموضوع غير تجاري يعني ما عندي شي ابيعه حاليا ،علشااان ما ينحذف الموضوع .
الموضوع اللي محتاجة رايكم فيه وخبرتكم يا خواااتي المحترمات هو:
اختي في امريكا وقالتلي انها حصلت مكياااج ماااك بأسعار جملة مو طبيعية
فأنتوا شرايكم اخليها تشتري لي مجموعة من منتجاتهم ؟
وهالمنتجات شنو بالضبط يعني شنو اسم الحمر؟
الفرش اي نوع ؟
الشدوات ؟
ماك الاصلي مو الخربوطي الصيني وانا حابه اتاجر فيه واحتمااال انزل معرض فيه انتوا شرااايكم
واسعااار حمر ماك بجم ؟
والفرش بجم ؟
وشنو السعر اللي يشجع الوحدة انها تشتريه مني مبدئيا بخلي الحمرة على 5دنانير
اتمنى تتفاعلووون ويااااي خواااتي ​

 

[infinity luv]

اممم والله شوفي يعني ماك متوفر بالكويت و اسعاره مقبوله

لو تيبين شي يديد مو متوفر بالكويت يكون احسن

الحين هابين بالاظافر لول

شوفي اصباغ يديده و فناتك اممم في اصباغ الرسم عالاظافر

و في شي بعد ( قطره تبيض العين مالت ليدي قاقا) موجود بصيدليات امريكا


يعني اذا تبين اتاجرين دوري شي يديد و غريب

و بس سلاامتج

 

[كويتية222]

مشكورة حبيبتي وماااقصرتي وعساااج ع القوة

 

[مناته]

ترى مافي ماك جمله
انا ارسلت لماك وقالولي مستحيل مو اصلي
فنصيحه لا تاخاطرين
واذا تبين تتاكدين ارسلي ايميل لهم

 

[دبي العز]

مب معقولة منتجات ماك الاصلية تكون بهالسعر ان روجين بــ 5 ؟؟
بعدين منتجات ماك متوفره في دول الخلييييج

لو تروحين للاشياء الثانيه واييييييييييييييد احسسسسسسسسسسسسسن

خاصتاً يعني امريييييييكا الواحد يستغل وجوده هناك

لو اتيبين السوالف الخاصة بالنيل ارت واتيبين مكياج ماركة elf و...الخ من المنتجات الامريكية المميزة بيكون واييييييييد احسن لج

وهذا رايي =)

 

[كويتية222]

هلا خواتي تسلموووووووووووووووون ع الطلة والمرور والاراااء اللي اسعدتني


انا بعالم النت وبسوالف امريكا من سنة 1998يعني مستحيلا يقصون على ولله الحمد

انا متاكدة انهم اصليين وفي شغلات تقدرين تحصلينها باسواق واماكن بأقل من السعر وهذي ترد لشطارة الوحدة

انا قلت الحمرة الوحدة ب 5دنانير مو 2

واللي تقصدون انهم غير اصليين هذيلا الله يسلمكم من الصين تجيلين منهم بحجب الكمية من 30الى 100واكثر

لكن للاسف مو اصليين وشي ما احب اوهق البنات فيه هالشي بيني وبين ربي فاتحرى الصدق مع ربي

علشان جذي والله انهم اصليين ومتاكدة من هالشي

 

[! Miss.Q8 !]

انا افضل تيبين ماركات مو موجودة بالكويت احسن مثل توفيسيد واربن ديكاي او elf

بالنسبه لأسعار ماك

الحمر عندهم على 6.750 والاي شدو على 6وربع والفرش كل فرشه يختلف سعرها يعني من 8 دنانير لي 20 دينار

 

[eva beach]

وانا مع البنات

اذا حابه تتاجرين ييبي ماركات مو موجووده بالكويت

في وااايد ماركات وفناتق برااااااااا هذي الي الزبووون يدورها ويبيها

اما ماركه وموجوده عندنا فماتووقع يكون عليها اقبال كبيييير

وخصوصا ان الاسعار راح تكون مقاااااربه جدااااااا للاسعار في المحل

يعني ماراح تفرق معاي ازيد دينار وشوي واشتري الحمره من المحل وقلبي مرتاح انه اصلييييييه

حتى لو انتي متاكده ان اصلللي بس في ناس لما تشوف السعر اقل عبالها تقليييد وخصوصا ان السعر مو اقل بواايد

يعني الواحد ياخذ من المحل وقلبه متطمن

وانتي براحتج

موفقه

 

[MN.collection]

كلام البنات صحيح



الله يوفقك

 

[كويتية222]

مشكورررررررررررررين وما قصرتوا فيدتكم