محتاااااره

[وحش سعود]

شلونكم بنات
عندي استشاره بسررعه ابي رايكم فيها
تلفوني نسيته في بيت اهلي
وزوجي عطاني تلفونه الثاني المهم انا بغيت رقم خالتي لقيت اكثر من رقم
احترت بعدها قعدت ادور باسماء القائمه
ولا القى رقم باسم جرحتيني
رقم غريب
محتاره اسال زوجي عنه ولا ادق اشوف
ساعدوني بليز والله احس نفسي على نار

 

[ملح و سكر]

بعد مايبيلها حجى دقى علي الرقم وشوفى وبعدين اذا اطلعت مره عاد اهنى لازم تستجوبينه ............ومااعتقد ان بيطلع ريال ومكتوب جرحتينى .....

 

[ام دليار]

رد : محتاااااره

أسالي زوجك يمكن يكون صديقه لاتفتحي نار الغيرة

 

[هنـــــد]

اخذي الرقم ودقي عليه من تلفون ثاني
اذا طلعت وحده واجهي زوجج فيها وقولي منو هذي ؟
وغسلي شرررراعه



يمه يقهرووون الرجاجيل <<< احترّت

 

[صمــت_ALsHfaaH]

ووووووووووووووااااااااااااااااااااي الله يعينج

انا لو مكاانج والله ادق وعيني قووية بعد وخل تطلع مررة

 

[وحش سعود]

اختي ملح وسكر
هو الحين على وصول
خاطري ادق بس اخاف
هو تغير فتره والحين رد لطبيعته
ومره كان يسولف ويقول دزيت مسج لرفيجي اني انا اللي اغازل بالتويتر لان زوجته طاحت عليه
وجدامي غير الرقم السري
وقبلها بيومين صار خلاف وقال اوعدج اني اتغير
من جذي اخاف ومحتاره
وخاطري اساله واخاف ماضي واقوم اذكره
واحوس نفسي بعد التغير
وبقلبي نار

 

[وحش سعود]

رد: رد : محتاااااره

أسالي زوجك يمكن يكون صديقه لاتفتحي نار الغيرة

ليش كاتب جرحتيني
هو مايحب يسجل الاسم لقب

 

[وحش سعود]

اخذي الرقم ودقي عليه من تلفون ثاني
اذا طلعت وحده واجهي زوجج فيها وقولي منو هذي ؟
وغسلي شرررراعه



يمه يقهرووون الرجاجيل <<< احترّت

مشكلتي الحين ماعندي الا رقمه هو بس
وخطي بيت اهلي وما احب احد يعرف بالموضوع لو منو يكون من الناس اللي اعرفهم

 

[وحش سعود]

ووووووووووووووااااااااااااااااااااي الله يعينج

انا لو مكاانج والله ادق وعيني قووية بعد وخل تطلع مررة

في بالي احتمال تكون من خالاته مثلا شنو موقفي داقه من وراه
يمكن اجذب على نفسي بس ممكن وبعد ماتوقع

 

[Miss Chanel]

رد : محتاااااره

حفظي الرقم ودقي من تلفونج او تلفون احد اذا رحتي لهلج ومسحيه من تلفونه

 

[*ريما*]

عادي اسئلية
شي طبيعي اخذتي تلفون زوجك اكيد بتفتشينة فاسئلية عادي

 

[الـفـجـر الـبـعـيـد]

سأليه واذا ما اقتنعتي اخذي الرقم ودقي من تلفون ثاني وتأكدي

وبعدين واجهيه

 

[كلنا نحب الكويت]

اب اب اب

 

[رومانس آيدياز]

ماادري بس اذا التلفون فيه شي ليش يعطيج اياه؟؟؟
وليش اشكره يكتب جرحتيني

سالفة تدوخ !!!!

 

[a7la MUM]

حبيبتي ترا الرياييل مو اغبيا

لو هالتليفون ولا الرقم فيه شي جان ماعطاج اياااااااااااااه صدقيني
مالج شغل وشيلي هالوساوس من بالج تكفين ريحي نفسج

انا متأكده من هالشي والله لان لو فيه شي جان ماعطاج التليفون وطبييييييعييي بتنبشين فواثق ان ماكو شي


لاتهدمين الثقه بينكم

ومالج شغل باللي تقول دقي ومادقي لاتضيعين نفسج حبيبتي

 

[!الجادل الصعب!]

آنتي آدرا بنفسج .. اذا تقدرين تنسين هالشي امسحي الرقم وخلآص واذا ماتقدرين آحفظيه وامسحيه ودقي بعدين من آي خط ثآني ..
وكآن الله غفور رحيم .. !

 

[باربية الكوووويت]

دقي على الرقم من تلفون زوجج وكلميها بهدوء وعرفي السالفه منها احسن واظمن من لف ودوران ونكران زوجج اكيد ماراح يقولج الصج

ولا اخذي الرقم ودزي مسج باجر من تلفونج كتلبي حبيبتي ابيج بموضوع ضروري وبعدها دقي وكلميها بعقل وهدوء عشان تاخذين حجي الصج منها قولي لها شنو العلاقه الي بينج وبين هرقم وقولي لها رقم زوجج قوليلها انا بس بعرف منج لاني متاكده انتي مراءه وبتحسين وتفهمين احساسي
ويمكن تمرين بيوم بنفس موقفي وتنجرحين من الرجل

بس خلج هلفتره طبيعيه معاه لين تعرفين سالفتها
والله يهدي سركم

 

[ام كوشه منكووشه]

رد : محتاااااره

حبيبتي لو ريلج عنده شي جاان ماعطاج تليفونه وخلاه عندج

يمكن هالرقم كان لوحده يعرفها من قبل ونسى يسمح رقمها

لا تخلين الشيطان يدخل بينكم وتخربين علاقتكم ببعض دام انتي بنفسج تقوالين انه زين معاج وماشفتي عليه شي من قبل

 

[أحلى الألماس]

لو تسألينه احسن ولاتخافين شي طبيعي معطيج موبايله
اكيد بتشوفين اللي فيه وهو لو مو واثق من نفسه جان قبل
لايعطيج اياه مسح الاسم

 

[دلوعة حمني]

حبيبتي حفظي لرقم عندج...
و لي شفتي زوجج سأليه عن الرقم.... و اذا ما اقنعج رده نطري لين تبرد السالفة من جهته و دقي و شوفي منو.. ادري يبيلها طولة بال و صبر بس علشان ما تخربين على عمرج والله يعينج