السلام عليكم بنات المنتدى
بصراحه ترددت وايد اني اكتب الي امر فيه بس الحيره ذابحتني وموعارفه شسوي؟
انا بنت ملجت قبل 4 شهور من رجل كان مالج شهرين ومطلق من 4 سنوات .المهم شهرين من اول الملجه كل يوم بجي وصياح من زوجي يعصب ويهاوش على اقل شي وانا كنت انضغط منه نفسيا يعني مثلا مره جاب لي هديه وكان كاتب عليها شي انا ما انتبهت عليها ويوم كلمته اشكره ع الهدايا يقولي اشرايج بالدبدوب قلتله حلو قالي بس حلو اي وايد وايد حلو المهم جان يعصب ويصارخ حد يقول بس هالكلام انزين شقول؟!! وتم يصارخ ويصارخ وانا موفاهمه الا اخر شي قلت له انا جفتها ع السريع وجفت باقي الهدايا الا يقولي جان قلتي من قبل هالكلام ما انتبهتي ع شي يعني قلت له لا عقب رحت اشوف مره ثانيه الدبدوب الا كاتب اسمي, طيب هالموقف يستاهل هالعصبيه!!! وطبعا مواقف كثيره مشابه ع اشيا تافه يتهاوش ودوم كانت اعصابي متشنجه ومتوتره وكذا مره امي تراضينا ع بعض ومرتين قلت له ابي ننفصل لانه من الكبت الي في قلبي بعد هالشهرين تزاعلنا وخلاص طفح الكيل الا ثاني يوم الام متصله ولدي مضايق منكم!!! ياسلام المهم امي قالت لها كل يوم اشلون تجوفيني وكذا مره تدخل علي والله من عند باب غرفتي تسمع اصراخه من التلفون!! اختصار المكالمه قالت امي لامه مايرمسها الا لين يجي ويعتذر وعقبها سافر اسبوع وتم يطرش بس مسجات خاطرج في شي واشتقتلج بس مره مادري مرتين وتم شهر عقب جا بيتنا مع امه واهلي اقعدوا معاه بس نفس الشي تم يحط الغلط كله علي اهو عنده اسلوب انه يطلع من السالفه مثل الشعره من العجين ومن عقب ماجاو ماكلمني الا بعد اسبوع وكان كلامه عادي وتزاعل معاي ع تحديد موعد العرس وتم بعدها نص شهر مايكلمني لين يوم العيد جا البيت وهم تهاوش ع شي سخيف وطلع عني
المهم انا كلمته قلت له خلاص اذا بتم على نفس هالاسلوب لازم ننفصل لاني ماقدر استحمل انا كنت ناوية نفتح صفحه جديده من عقب هالكلام تغير 180 درجه وكلمني بعدها اسبوعين حسيت صج اني مخطوبه بس المشكله اهلي امي واخوي مايبونه وموبالعينه بالمره ومن فتره طرشت له مسج يمكن مايكون بينا نصيب ومن بعدها عصب وتضايق مره تبوني ومره لا.
بقولكم عنه ولامره يجيني ويده فاضية وبعض المرات لو صارخ علي بزياده يكلمني ويقولي كلام حلو وجذي بس مشكلته التعصب والهواش ع اشيا تاااافه ويتكلم في الموضوع كذا مره
مع انه انا كنت اقوله هذي فتره ملجه اكيد بتلاقي شي او تصرف مايعجبك مني او يضايقك تفاهم معاي قولي بهدوء ماله داعي العصبيه وانا بعد بكلمك بهدوء واحنا فتره تعارف بس ماكان يسمع مني, وكانت مشكلتنا بس الهواش ع اشيا تاااافه مع انه عمره 30 .
الحين من بعد ماتغير انا موعارفه استمر معاه او لا؟
لاني خايفه من باجر اشلون بيعاملني هل بيرد نفس قبل ولا لا؟
اتمنى تفهموني وتنصحوني
اختكم الحصبة
بصراحه ترددت وايد اني اكتب الي امر فيه بس الحيره ذابحتني وموعارفه شسوي؟
انا بنت ملجت قبل 4 شهور من رجل كان مالج شهرين ومطلق من 4 سنوات .المهم شهرين من اول الملجه كل يوم بجي وصياح من زوجي يعصب ويهاوش على اقل شي وانا كنت انضغط منه نفسيا يعني مثلا مره جاب لي هديه وكان كاتب عليها شي انا ما انتبهت عليها ويوم كلمته اشكره ع الهدايا يقولي اشرايج بالدبدوب قلتله حلو قالي بس حلو اي وايد وايد حلو المهم جان يعصب ويصارخ حد يقول بس هالكلام انزين شقول؟!! وتم يصارخ ويصارخ وانا موفاهمه الا اخر شي قلت له انا جفتها ع السريع وجفت باقي الهدايا الا يقولي جان قلتي من قبل هالكلام ما انتبهتي ع شي يعني قلت له لا عقب رحت اشوف مره ثانيه الدبدوب الا كاتب اسمي, طيب هالموقف يستاهل هالعصبيه!!! وطبعا مواقف كثيره مشابه ع اشيا تافه يتهاوش ودوم كانت اعصابي متشنجه ومتوتره وكذا مره امي تراضينا ع بعض ومرتين قلت له ابي ننفصل لانه من الكبت الي في قلبي بعد هالشهرين تزاعلنا وخلاص طفح الكيل الا ثاني يوم الام متصله ولدي مضايق منكم!!! ياسلام المهم امي قالت لها كل يوم اشلون تجوفيني وكذا مره تدخل علي والله من عند باب غرفتي تسمع اصراخه من التلفون!! اختصار المكالمه قالت امي لامه مايرمسها الا لين يجي ويعتذر وعقبها سافر اسبوع وتم يطرش بس مسجات خاطرج في شي واشتقتلج بس مره مادري مرتين وتم شهر عقب جا بيتنا مع امه واهلي اقعدوا معاه بس نفس الشي تم يحط الغلط كله علي اهو عنده اسلوب انه يطلع من السالفه مثل الشعره من العجين ومن عقب ماجاو ماكلمني الا بعد اسبوع وكان كلامه عادي وتزاعل معاي ع تحديد موعد العرس وتم بعدها نص شهر مايكلمني لين يوم العيد جا البيت وهم تهاوش ع شي سخيف وطلع عني
المهم انا كلمته قلت له خلاص اذا بتم على نفس هالاسلوب لازم ننفصل لاني ماقدر استحمل انا كنت ناوية نفتح صفحه جديده من عقب هالكلام تغير 180 درجه وكلمني بعدها اسبوعين حسيت صج اني مخطوبه بس المشكله اهلي امي واخوي مايبونه وموبالعينه بالمره ومن فتره طرشت له مسج يمكن مايكون بينا نصيب ومن بعدها عصب وتضايق مره تبوني ومره لا.
بقولكم عنه ولامره يجيني ويده فاضية وبعض المرات لو صارخ علي بزياده يكلمني ويقولي كلام حلو وجذي بس مشكلته التعصب والهواش ع اشيا تاااافه ويتكلم في الموضوع كذا مره
مع انه انا كنت اقوله هذي فتره ملجه اكيد بتلاقي شي او تصرف مايعجبك مني او يضايقك تفاهم معاي قولي بهدوء ماله داعي العصبيه وانا بعد بكلمك بهدوء واحنا فتره تعارف بس ماكان يسمع مني, وكانت مشكلتنا بس الهواش ع اشيا تاااافه مع انه عمره 30 .
الحين من بعد ماتغير انا موعارفه استمر معاه او لا؟
لاني خايفه من باجر اشلون بيعاملني هل بيرد نفس قبل ولا لا؟
اتمنى تفهموني وتنصحوني
اختكم الحصبة
