محتاااااااارة

[toooota2404]

:eh_s(16): السلام عليكم ....
أنا أفكر اروح أمريكا هالصيف بس وايد محتارة بين فلوريدا (أورلاندو ) و كاليفورنيا . لاني سألت ناس وايد وكانت اراءهم متناقظة أبي أعرف من ناحية الديزني و اليونيفيرسال في أي ولاية أحسن ...
يا ريت اللي زايرة الثنتين تفيدني لأني حيل متوهقة :eh_s(22):

 

[رفرف]

والله انا مارحت بس ريلي كان رايح أورلاندو عنده كورس هناك شنو كييييييييف يقول تهبل وبخاطره يروح مرة ثانية كثر ما عجبته ..

 

[toooota2404]

مشكوورة حبيبتي عالرد

 

[xtraCooL]

انا رحت فلوريدا وانشالله قريب بروح كاليفورنيا بس اذا رايحه بس عشان ديزني روحي اورلاندو اما اذا رايحه عشان مولات وسوق ومطاعم و وناسه روحي كاليفورنيا فيها كلشي وغير ديزني فيها سكس فلاغز هم عجيبه وحق كبار
عليج بالعافيه

 

[فن وذوق]

انا رحت اورلاندو واهي تهبل حق الالعاب والوناسه واهناك عندهم المركز الرئيسي لدزني واكبر واحد وحتى اليونيفرسال ستوديو بس عيبها ان جوها وايد حار والرطوبة تلوع الجبد والمشكلة انه فجأه يقلب على مطر غزير والرعوود اللي تخرع وبصراحه انا قمت اخاف من فلوريدا من كثر ما نسمع عن الاعاصير اللي فيها.... اما بالنسبه للسوق فهو حلو لاباس

بس رفيجتي راحت كاليفورنيا وتقول تهبل واهي فيها كل الملاهي الموجوده في اورلاندو بس على اصغر بشوي والسوق تمدحه حيييل

وانا بصراحه لو افكر اروح مره ثانيه راح اروح كاليفورنيا لأن جوها وايد احلى والملاهي نفس اللي موجوده في اورلاندو والسوق أحلى وبعدين كاليفورنيا فيها مناطق حلوة ممكن تزورينها احلى من فلوريدا

 

[toooota2404]

يعطيكم العافية عالرد
بصراحة انا رايحة حق ملاهي و تسوق بنفس الوقت
ليييش سوق فلوريدا مو حلو !!!!!!!
:eh_s(22):

 

[فن وذوق]

لا حلو بس كاليفورنيا احلى ومتنوع اكثر على كلام رفيجتي والله
لأني ما شفت وايد سوقه بفلوريدا

 

[مسك 3]

اذا بتروحين ومعاج يهال فلوريدا احسن بوايد من كاليقورنيا
والملاهي أكبر وأونس والجو مو ملوث ولا فيها ذيج الجنسيات المرعبه
وشكل العرب قريب من المكسيكان فماراح تحصلون نظرات غريبه
وبالنسبه للأسواق أمريكا كل مكان فيه أسواق واتوقع ميامي فيها مولات احلى من اورلاندو
واستخيري وعليكم بالعافيه

 

[toooota2404]

مشكوووووووورة عالرد حبيبتي مسك
و الله يعافيج

 

[رواحل]

انا رحت الثنتين

كالفورنيا: سان ديغو ( هذي منطقه اعتقد تبعد ساعه ونص هالمحاري من لوس انجلس)

فيها سي ورلد نفس الشركه الي موجوده في فلوريدا
حديقه حيوان من افضل حدائق الحيوان في العالم
فيها اسوقه بس انا مافتريت وايد

لوس انجلس
زحمه حيل هذا الي معروف عنها
فيها اسوقه
يونيفرسال
وما اعرف اذا فيها شي غير هذا

اناهايم

فيها دزني لاند
طبعا دزني لاند مالتهم ابدااااااا ماتقارن بدزني فلوريدا صغيره واااايد
هذا المكان الوحيد الي رحتله بعد السوق بس لوس انجلس ماطبيتها



فلوريدا
توني رايحه لها
شي خيالي
4 مدن كبار لدزني ( انمل بارك - ماجيك كندم - ايبكوت - ام جي ام ستوديو)
انا اصلا استغربت وحده من اللعاب لعبت مثلها في كالفورنيا ويت لعبتها في فلوريدا صج فرق بفلوريدا العبه احلى وايد زايدين عليها شغلات

في بدزني بعد ريوق للشخصيات روعه انصح بشيف مكي يونس بس هذا لازم حجز مسبق بمده طوييييييييييييييييله عشان تحصلين مكان
في بدزني بعد برود ووك هذا للتمشي في بحيره بالنص وحواليها فنادق ومطاعم في تاجرين قواري ودورين حول البحيره والبحيره نفسها فيها قوارب جت سكي ومن السوالف
في بعد داون تاون دزني بعد حلوه للتمشي مطاعم ومحلات

واحس شي انج تقعدين فتره داخل دزني تسكنين في فندق من فنادق دزني وايد اريح عندهم باصات توديت كل مدن دزني وهذا غير خدمة انج اذا شريتي شي من اي مدينة يوصلونه لج الى الفندق ماتشيلينه معاج
بس لا تقعدين فيها وايد سكني فيها المقدار الي يكفيج تخلصينها كلها
وبعدين سكني يم الانترناشونال درايف هذا كل شي فيه عشان تصيرين يم سي ورلد ويونيفرسال


هذا في دزني بس اما غيره

عندج ينوفرسال مدينتين كل وحده يوم بروحها هذا اذا ماكان في وقت الزحمة

الاسوقه هناك حلوه رحت اوتلت اورلاندو عجيب وفي فلوريدا مول ومالينيوم مول

سي ورلد فيها العاب بعد وعروض
في متاحف غريبه مثل وندر لاند وبليفت وفي معرض للتايتنك وايد حلو ياخذونج على اساس انج وحده من ركاب التايتنك ويقولولج القصه وفي صور وشرح كامل شلون غرقت السفينه واخر شي كل واحد يشوف الاسم الي على بطاقته ويشوف اذا كان نجى ولا لا

اولد تاون فيها العاب خطره مثل الي بالشعب الي يربطونج بالحبل ويقطونج بس هذي اطول واااايد اطول وحده في العالم وفي العاب غيرها بعد

في منطقه تبعد عنهم ساعه تقريبا اسمها تامبا
فيها مول يقولون حلو بس مارحتله
فيها بوش قاردن وااايد حلوه مدينة ملاهي

طبعا في باصات لها اماكن معينه توديت من اورلاندو الى بوش قاردن سيده ورخيصه وايد 3 دنانير للشخص ارخص من التكسي ورايح راد اما التكسي روحه وحده خمسين دينار

في قاعدة فضاء مثل متحف بس مارحت لها كيب كنابرا

وفي بيت للرعب تحددين درجة الرعب الي تبينها بس مادخلته موناقصين تخرع

ونصيحتي اورلاندو احسن من ناحية الالعاب اما من ناحية السوق فما ادري

 

[ام منيره]

انا رحت اورلاندو الصيف اللي فااات

حيل حلوه بس المشكله حاره شوي بس كل شي فيها وقريب من بعض

بس اللي بكاليفورنيا على كلام ريلي كل شي بعيد عن بعض عكس اورلاندو

والله حلوه واستانسنا ...

السوق حلو حيل وترى اسواق امريكا تقريبا نفس الشي براي

طبعا رواحل كفت ووفت ..

في سوق بريميوم اوت ليت حيل حلو

الله يوفقج يارب

 

[toooota2404]

مشكووورين يا رواح و ام ميرة عالرد
و ماقصرتي يا رزاحل على هالتفصيل اني راح اخش هالاماكن و اسامي السوقة اذا بغيت اروح انشا الله و جزاكم الله خير :eh_s(8):

 

[toooota2404]

ادري ردي في بدليات وايد بس لان ولدي يمي ينني
حتى اساميكم غلطت فيها رواحل و ام منيرة