محتأرة بتخصصي .. اختار انجليزي ولا عربي ! سإعدوني

[فديتوني..q8]

السلام عليكم
بنات التربيه اللي تخصصها انجليزي متوسط ثانوي
عفيه ابيها تقولي كل شي عن تخصصها سهل
ولا صعب الدكاترة شلونهم .. لان انا بحول تخصصي

واللي تخصصها عربي هم ابي منها
تتكلم عن تخصصها

عفية بنات ابي البنات اللي ماخذين هالتخصصات يقولولي كل شي !

وابي اعرف اذا تخصص نادر الانجليزي ولا لا
وهل في شروط عشان اتخصص ابي الكل يساعدني !

انا شاطرة بالانجليزي حيييل بس قالوا لي انه صعب !
والعربي انا لوح فيه وقالوا لي انه سهل وتخرجوا منه بنات !

كنت ابي اسلامية - عربي ابتدائي بس غيرت رايي لأن مابي ابتدائي

اتمنى تساعدوني بنات لو تسألون رفيجاتكم اي احد
مشكورين !

 

[ياقلب وشفيك !]

هلا وغلا ,

بالنسبه للانجلش بما اني بتخصص انجلش انشالله
متطلبات التخصص هو
اجتياز مقرر 141 و 142 و ماده مقدمه في الادب بتقدير لايقل عن c
اذا انتي دفعه 2010 ’

, اما اذا الدفعات اللي قبل 2010 ف تاخذين مقرر 114 و 116 اذا كنتي علمي
واذا كنتي ادبي تاخذين مقرر 110 و 111
وبعدهم تاخذين مقرر مقدمه في الادب بتقدير لا يقل عن c

وبس هاذي الشروط وبعدها تقدرين تتخصصين ,

وين الاسهل ووين الاصعب , ماقدر افيدج فيها انتي وقدراتج وحبج لأي ماده فيهم
مدام تحبين الانجليزي وشاطره فيه توكلي على الله , ودراسه الانجلش بالتربيه حلوه حيل
وسهله مقارنةً بالاداب

,

اما العربي تخصص يبيله وحده تحبه وشاطره بالنحو والبلاغه وووو .. الخ

استخيري وشوفي انتي وين تلاقين نفسج ماشيه ؟

موفقه يالغاليه

 

[*لبيه*]

إذا شاطره بالانجليزي حرام دشي انجليزي وان شاء الله تبدعين فيه ..~

والخوف عادي شـي طبيعي بس اهم شي تحبين التخصص وشاطره فيه .. صراحه ماعرف احد تخصصه انجليزي .. بس اعرف رفيجتي نفسج شاطره بالانجليزي بس ماتخصصت لان خايفه من الدكاتره يقولون مو شي .!!! الله العالم ..~

والعربي يقولون سهل والدكاتره عسل ..~ وانا بحول لعربي ..~

واستخيري وان شاء الله خير .. ربــي يوفقج ان شاء الله ..~.~

 

[أيومه ..!!]

استخيري وبالتوفيق

 

[فديتوني..q8]

يعطيكم العافية بنات ..

لبيه انتي شاطرة بالعربي ولا عشان الدكاترة وهيك ؟!