محبي المسلسلات اليابانية حياكم

[sweetgirl121]

أنا من محبي المسلسلات اليابانية وايد و أحب مسلسلات آسيوية أخرى بعد مثل مسلسلات تايونيزية و كورية (هالسنة هابة أطالع كوري أكثر من أول هههههه).
في ٢٠٠٧ أول مسلسل ياباني شفته أهو hana yori dango حبيت ذاك الوقت و من عقبها و أنا من متابعين المسلسلات اليابانية

هذى أماكن للمعلومات عن المسلسلات اليابانية للمحتاج (كل بالأنجليزي):
- http://wiki.d-addicts.com/Category:JDrama
- http://www.d-addicts.com/forum/viewforum_4.htm
- http://www.jdorama.com
-http://jdramas.wordpress.com

مواقع لمشاهدة المسلسلات(ترجمه انجليزي):
- http://www.mysoju.com/#japanese-drama
- http://www.dramacrazy.net
- http://aznv.tv (للي عندها MAC ماأنصحك في، أنا تدبست في للثلاث السنين الي طافو T-T)
(تقدرون تسون بحث في google و راح تلقون وايد ههههه).

تحبين المسلسلات اليابانية و حابة تشاركين في تجربتج عنها، حابة تتكلمين عن مسلسلاتج و ممثلينج إلي تفضلين، حابة تتكلمين عن آخر أكتشافاتج، أو حابة تتعرفين على و تابعين المسلسلات اليابانية....
حياكم :eh_s(6):

 

[ninni]

رد : محبي المسلسلات اليابانية حياكم

يعطييييييييييييييييج العافية علي هالموضوع لاني انا بعد احب المسلسلات اليابانية و الكورية.
صج اني ما شفت وايد بس اللستة ماراح توقف انشاءالله

 

[sweetgirl121]

زين في أحد، عبالي بس أنا ههههه، anyways إذا تبين أقتراحات مستعدة.

 

[MiSs SaLsA]

أنا أعششششششششششق المسلسلات اليابانية و الكوية
و شفت واااااااااايد

و هذا موقع مني لكم فيه أفلاااااااااااااااام و مسلسلاااااااااااات من أقددددم شي إلى أجددد شيي
و الترجمة بالإنجليزي

http://silentregrets.com/

 

[LuLiTa]

يسلمووو و انا اتابع رسوم متحركة يابانية

 

[نور الضي]

انا اموت علي المسلسلات الكوريه واليابانيه و الصينيه بعد
هارد ديسكي انترس غير هارديسك رفيجتي واختها
عندي شكثر ما شفتهم
وغير اللي شريتهم من ماليزيا

 

[نـور عيني]

انا توني ماصارلي اسبوع شفت هالقسم بالمنتدى وانصدمت انه فيه بنات يطالعون مسلسلات يابانيه وكوريه قاعده اقول ويني انا عن الدنيا لوول عاد قلت بشووف وطالعت hana yori dango اتوقع النسخه اليابانيه ,, وااي حده عجييييب ,, والحين ابي اشوف مسلسل ثاني

 

[نور الضي]

انا توني ماصارلي اسبوع شفت هالقسم بالمنتدى وانصدمت انه فيه بنات يطالعون مسلسلات يابانيه وكوريه قاعده اقول ويني انا عن الدنيا لوول عاد قلت بشووف وطالعت hana yori dango اتوقع النسخه اليابانيه ,, وااي حده عجييييب ,, والحين ابي اشوف مسلسل ثاني

تدرين انا مثلج اول مسلسل شفته هانا يوري دانقو
تابعت الجزئين والفيلم
ومنه حبيت الافلام الاسيويه
شوفي my girl الكوري عجيب

 

[sweetgirl121]

انا توني ماصارلي اسبوع شفت هالقسم بالمنتدى وانصدمت انه فيه بنات يطالعون مسلسلات يابانيه وكوريه قاعده اقول ويني انا عن الدنيا لوول عاد قلت بشووف وطالعت hana yori dango اتوقع النسخه اليابانيه ,, وااي حده عجييييب ,, والحين ابي اشوف مسلسل ثاني

هذا كأن حالي سنين مدبسة بالمنتديات الأنجليزية، و سنين أطالع المسلسلات بخش و الدس جني مسوية شي غلط هههه و الله لو ما أنا و أختي كلوس و نفسني جان إمطيت ههههه

 

[ninni]

رد : محبي المسلسلات اليابانية حياكم

^ ذكرتوني في حالتي انا بعد. عموما انا عندي مسلسل ودي اقرتحه علي اللي تحب تشوفه:

- Liar Game

 

[Turquoiseya]

omosheroy

nihongo no turquoiseya desu

 

[sweetgirl121]

^ يا عين عل الياباني، صارل سنين (من غير مبالق) كلما حاول إني اتعلم كلها يوم و اتملل، أطقطق بس مصره راح اتعلم و اتقن اللغة إنشاء الله حتى لو يصيل عمري ٤٠ هههههههه.

 

[Turquoiseya]

lol

انا احب اللغات ترى
بس بنت اختي تموت على الانمي واليابانيين
وانا احبها حيل فاطالع معاها انميات عشان خاطرها
فحبيت اللغة وترى سهل تعلمها بس مشكلتها بالكتابة صعبة

فالجملة اللي كاتبتها معناتها : i'm turquoiseya for japanese language

 

[sweetgirl121]

ياحليلها، إذا مافي أحراج بس ممكن أعرف عمرج جم؟، أنا الصراحة عندي عقدة و أحس إني عيوز مقارنة مع البنات يدخلون السكشن هذا ههههههههه، هل أصلاً بنات بالعشرينات تحب أنميي و Manga و دراما الآسيوية؟ ههه

 

[Turquoiseya]

داشة الثلاثين بس للحين ماطاحت اسناني بس ضروس العقل

 

[sweetgirl121]

أمبي وناسه ماكو فرق وايد بنا، بس ماشاء الله عليج تطالعين أنمي بهالسن أنا ٢٤ و أنحرج حتى أني أقول إني أحب هالسولف lol

 

[Turquoiseya]

انا اطالعه لان بنتي اختي اتحب اطالع الانمي وانا معاها تالتني
يعني انا مجبورة لانها الغالية عندي 00 احبها حيل ولايمكن اقول لها لأ

انا احب العاب بلايستيشن << خوش ابلة
ادمان مو طبيعي بس الحين ماعندي وقت

بعدين الانمي باليابان حق الكبار بعد 00 تقدرين تقولين غالبيته
ويعتبر جزء اساسي من ثقافتهم 00 اذا بتقرين عنهم وعن تاريخهم راح يحطون لج قسم عن ابداعاتهم بالانمي اكثر من السياحة
وشيء ثاني ان مؤدي الاصوات يختارونهم بعناية حيل 00 جنهم بيصنعون صاروخ
فاذا الواحد منهم اشتغل سايو (مؤدي صوت ) هذا محد قده بالمجتمع الياباني

 

[sweetgirl121]

بعدين الانمي باليابان حق الكبار بعد 00 تقدرين تقولين غالبيته
ويعتبر جزء اساسي من ثقافتهم 00 اذا بتقرين عنهم وعن تاريخهم راح يحطون لج قسم عن ابداعاتهم بالانمي اكثر من السياحة
وشيء ثاني ان مؤدي الاصوات يختارونهم بعناية حيل 00 جنهم بيصنعون صاروخ
فاذا الواحد منهم اشتغل سايو (مؤدي صوت ) هذا محد قده بالمجتمع الياباني

أنا فاهمه بس قولي هذا حق الأهل لان دايمن الأعتقاذ بإنها للأطفال، أنا و أختي نحب أنمي من يوم كنت أنا ١٤ و أهيا ١٢ إلى سن المراهقه في ها السن أمي تمنتنا أن نكون شوي مثل البنات نتحج عن شعر و المكياج(ما تلومينه كانت ميول تعتبر غريبة في ذاك الوقت، و لا كانت منتشر مثل ألحين )، و أخواني الكبار يعايرون، معن حدهم متقبلين بس العقد للحين موجود، أنا كل المعلومات إلي كاتبته عندي علم فها بس في ذاك الوقت شلون تفهمينهوم.

بالنسبه للأنمي أنا عارفة النظام السيو و أن الأنمي تعتبر من ثقافة اليابان، السيو هذي تعتبر وظيف دائمة حاله حال المهندس أو غيرة من المهن، و هذي من ميزات الرسوم المتحركة في يابان عن الغرب،و الي أعرف بس مو أكيد ١٠٠٪ حتى Manga-ka (اللي يسوون المانغا) يدخلون الجامعة وتخصصون و ياخضون شهادة عليها.

أمبي قاعد أقرق و أقول قصة حياي lol

أنا وااااااااايد طلعت عن الموضوع، آخر دراما شفتة Dosokoi~Love Again Shokogun حلو عن اليخيانة الزوجية، أنا فاهمة شنو المسلسل يحاول يقول بس ما حبت الرسالة إلي وصلوها،
http://www.dramacrazy.net/japanese-drama/dosokoilove-again-shokogun/

 

[Turquoiseya]

احنا اول ما هبينا بالانمي
كانوا يضحكون علي اهلي

اول انمي شفته اللي اهو ناروتو على سبيس باور وعجبني
انا احب هالقناة بكل مافيها ورحت شريت السيديات لبنت اختي 00 وانا ماشفته كله
بس لما قعدت معاها وطالعته 00 امبيه البنية نامت وانا للحين امبققة عيوني بشوف شاخرتها

بعدين سحبت اختي اللي اكبر مني
بعدين سحبنا امي على انمي death note لوووول خوش بنات

انا عندي ان تمثيلهم ومسلسلاتهم وافلامهم مو ذاك الزود
بس الانمي وابداعهم فيه لايعلى عليه

لما كنت بعمرج امي كانت تتصرف مثل امج بالضبط
امبيه جننتني 00 لان وقتي كله العاب بلايستيشن 00 وصل فيها انها اطفي كهربة البيت عشان اتخرب لعبتي
وانزل حق الضيوف اللي جايينا
بس باسي قوي 00 ارد العب اللعبة واكشت بالضيوف

حاليا 00 انا ما اطالع انميات نفس اول ماهبينا فيها
بس حيل حبيت اللغة، عندي انها احلى من الكورية

واتابع بس مانغاتين : بليتش وناروتو بشوف هذيلة متى بيخلصون لوووول

الانمي اللي موتني ضحك اللي اهو ouran high school host club لايطوفج

والمسلسل اللي كتبتيه بشوفه ان شالله
يلا الحين الساعة 6 وثلث قايمة لدوامي المدرسة 00 قطعة ! مادري متى راح افتك

 

[sweetgirl121]

^ أنا عن نفسي ماني ذاك الزود مع الأنمي مثل ماكن أول بس غرامي المانغا ما أقاومة و لا أمل منه، و صج اللغة اليابانية وايد أحلى من الكوري، وايد ناس ما تتشون الدراما اليابانية موحلو بس عقب فتر لمن يملون من الرومانسية يبتدون يميلون للدراما اليابانية.
إذا كنتي مفكرة طالعين هذي مسلسلات حلو:
Koori no Sekai/Ice World
LIFE
BOSS
Liar Game
Ima Ai ni Yukimasu ---------> بس ماعجبني تمثيل البطل
Atsu Hime --------> تصوير جن من ألف و تسعمية وحطبة بس وايد حلو
Brother Beat
Hotaru no Hikari جزء ١ و٢
Iguana no Musume ----------> حيل قديم و جداً غريب لكن حبت ههههههه
JIN
MR. BRAIN ---------> الصراحه ما شفته، أختى تقول عنا حلو
Nodame Cantabile
Pride
Seigi no Mikata
Tsubasa no Oreta Tenshitachi Season 1 -----------> هذا قوي
Karei Naru Ichizoku
A Million Stars Falling From The Sky

هذي المسلسلات اللي شفتها و تسوى إن الواحد يطالعها، طبي و تخيري. في بعد مسلسلات يابانية وايد بخاطري أشوفها بس مافي وقت lol