محبطة جدا تعالوا...

[Miss M]

قوه بنات شلونكم؟؟ :68_asmilies-com:


واااي بنات دش بالموضوع على طول انا وحده حدييي متحبطة من تخصصي رياض الاطفال:0bee2e8d89:
في البداية كنت مستانسه بس كثر ما شفت رفيجاتي متحبطين و ضايق خلقهم و الكل ما يمدح بهالشغله احس اني انغمت

بنات عفية يا مدرسات علموني شلون طبيعة الشغل في الروضة هل صج متعب و كل يوم تردون البيت تحضرون و المعاش كله طايره على هالروضة

انا الكورس الياي تربية عملية:eh_s(6): و خاااايفه حدي رفيجاتي كلهم تخرجوا و ما يمدحون لي كلش
بغيت اعرف هل رفيجاتي يبالغون ولا صج
لانه قاعده افكر ادور لي اي شغله ثانية غير الروضة..

بليز لا احد يطنشني ردوا على لو بكلمه و مشكووورين :ggdw:

:gathering:

 

[بنت الحوت عنابى]

هلا اختى - مالج شغل بكلام البنات حبى التخصص وابدعى فى عملج بالروضة وراح ترتاحين - والكورس الجاى راح تشوفين بنفسج وتحكمين

 

[swarvoski^girl]

انا بالنسبه لي
والله الروضه وناسه مع اليهال

انتي حبي اليهال وراح تحبين كل شي على شانهم

عامليهم على انهم عيالج
وشوفي

 

[بقايا همس]

والله انا للحين ما توظفت بس بصراااحه اسمع شكثر من البنات مرتاحين بوظيفتهم ويمدحونها والباجي يذمونها وانتي لا تسمعين كلام الناس مدامج ماشفتي بعينج طبيعه الشغل شلون يكون والله يوفقج يارب...
وشوفي ان شاء الله لي صرت عملي راح اسألج اقولج شلون الوظيفه معاي وانا مثلج تخصص رياض اطفااال...

 

[%CLaSs-LaDY%]

نفس ماقالو البنات انتي للحين ماجربتي جربي وعقب احكمي وكل وحده تختلف عن الثانيه.......واذا على التشكي ترى مافي احد مرتاح بوظيفته الكل يتشكى بدال مايحمدون ويشكرون ربهم على هالنعمه يتشكون ويلوعون كبود الاوااادم.........انا عن نفسي الحمدلله مرتاحه والله يوفقج انشالله واهم شي بالهوظيفة انج تحبين الاطفال

 

[أم.زينب]

والله الصراحه عن نفسي احس مع الروضه اني مبدعه لانه الرياض كله ابداع وسالفه انج اتقطين فلوس هذا على حسب انتي شنو تبين اذا استلمتي صف انتي عن نفسج تبين اتسوينه رووعه لانه كله تنافس في الصفوف وثاني شي اذا كان درسج عن اي خبرة لا تروحين تشترين حالتج حاله اذنا شسوي اقوم ارسم على حسب شخصيات الخبرة او اي شي رسم الون واكتب الكلمه بنفسي ومدلولات وغيرها حتى البطاقات الدعوة بروحي اسويه والله بروحي اسويه اذا كان عرايس بروحي اغلبه من الخامات البيئيه وبعدين ابدعه فيه بالفني .... والله من غير مديح عن نفسي الكل بروضه يمدحوني والموجهه تقلولي انتي مبدعه احب اشوف لمسات المعلمه مع شرحها

فيه اشياء اشتريها وقيه اسويه برحي لا حد يقولج كل قطين الفلوس على الروضه اسمحولي الي يولج هذي ماتعرف تبدع

 

[*candygirl*]

مالج شغل باحد اهوا صج متعب
بس الي يبط الجبد القرارات الي ماالها داعي
تغث القرارات سواء من الادراه ولا من التوجيه

 

[*أم*خالد*]

على حسب البيئة اللي تشتغلين فيها والمنطقة التعليمية

يعني حولي او مبارك الكبير انتحري احسن لج

الوظيفة يبيلها شغل مو مثل باجي وظايف الوزارات اكل ومرعى لأ شغل شغل شغل

الحلو فيها انه التعامل مع الأطفال روعه وفيه تجديد

بس بشكل عااااااااااااااااااااااااااااااام لا تدشين اهني لأن الوضع حده زباله
وماكو احد يقدر شغلج حتى التقييم امتياز ولا جيد والدرجه ماتشوفينها يعل حوبه المدرسات ماتتعدى الظالم اللي حط هالقرار

نحشه يا بونيه !

 

[الشيهاانة]

بصرحه ماجربت اليهال وحنتهم ... بس عندي خواتي وبنات عمتي كلهم مدرسات فيه اللي يمدح وفيه اللي يذم
بس اعتقد اذا انتي حابة شغلج راح تكونين مستانسه فيه حتى لو متعب
مدري هذا رايي......:33_1185028183:

 

[عهود الحب]

اذا انتي تبين التدريس احنا بالرياض ارحم المراحل بالتعب والكراف
اما اذا تبين وظيفة ادارية اتوقع اريح حيل حيل من التدريس
وانتي وكيفج لاتسمعين الكلام
استفتي قلبك مثل مايقولون

 

[كاتبه حيرانه]

اذا انتي تبين التدريس احنا بالرياض ارحم المراحل بالتعب والكراف
اما اذا تبين وظيفة ادارية اتوقع اريح حيل حيل من التدريس
وانتي وكيفج لاتسمعين الكلام
استفتي قلبك مثل مايقولون[/QU

اتفق مع كلامها ميه بالميه


بس انا ادور النحشه ابي اصير اداريه
الاطفال يهبلون والمدرسات عسل بس المشكله كل ما تضبطين اداره تروح وتجي اداره ثانيه والحريم ماوراهم الا الفلس
اذا شخصيتك قويه وضد الصدمات ونوعيتج طنااااش تعيشين ملكه في الروضه

بس اذا حساسه وفيج دلع اوووووت المهنه للرجاله :dddds:

 

[moody-q8]

ياحلو الرياض والاطفال يهبلووووووون
تدريس الطقل متعه حبي شغلج وابدعي فيه راح تحسين براحه

وماعليج من اي كلام راعي ربج بالطفل واهم شي السلوكيات والناحيه الدينيه والله يوفقج

 

[3arostk ana]

مافي احد مرتاااااااااح

ماعليج من احد

انا توني متوظفه في الروضه احس حلووو مدري عشاني توني مستانسه مادري بس احس ممتع

وهم كله يسبونه ومالهم خلق .. شي طبيعي

انتي طول عمرج كذا

تدرسين تقولين متى اخلص حتى لو انج تدرسين شي تحبينه ابن ادم طبعه ملووول ..

يعني يمكن يجي يوم تقولين اوووف بس مو معناته منتي مرتاحه في دوامك

لايأثرون عليك كل الوظاااااااااااااااااااااايف ممله هذي على الاقل يونسونج الاطفال شوووي ويكسرون الروتين حركاتهم تلعبينهم تودينهم والوقت يروح بسرعه


الله يوفقنا وياك اجمعين

 

[^ليلاس^]

تخصصنا مو ذاك السووء ويعتمد عليج اذا حبيتي شغلج بتبدعين واذا لا بتنحبطين بس بالنسبة لي التدريس وبكل مراحله
متعب ولا تسمعين كلام احد شوفي نفسج بالميداني

 

[الكادي 1981]

لله يوفقـــج

 

[Miss M]

مشكوووورييين بنات على الردود

 

[Miss M]

بنات دشيت اليوتيوب و شفت فيديوات عن الرياض في امريكا بصراحه شب صج في ابداع شلون طريقتهم في التعليم يوم شفت الفيديو استانست الحصه كلها حيويه و نشاط و العيال يهبلون شلون مندمجين و متفاعلين مع مدرستهم