محاولتي 2 في مستشفي الصباح

[نبض الغلا]

مساء الخير*
شلونكم بنات
انا اليوم ثاني يوم ترجيع
سويت العمليه بالصباح عند د رائده الفضلي
والله يتم علي خير
ردو لي جنينين لان عمري اقل من 35
المهم*
اللي مخوفني انا وقت الترجيع امس
رجعت الاجنه بعدين عطت مساعدتها الواير مال نقل الاجنه
لتتاكد ان ما فيه شي*

وتطلع البطه مالت الفحص من عنق الرحم
ولكن الصدمه ان تحت المجهر اكتشفت مالت الاجنه
ان الاجنه اثنينتهم بالواير ولا نزلوا بالرحم
تخيلوا
مع ان الدكتوره موريتني نقطه بشاشة السونار*
تقول انها الاجنه
المهم ردت حطت سائل مع الاجنه بالواير وردت حاولت تدخلهم
وقالت اذا ما دخلوا راح ابدلهم باثنين غيرهم مادري ليش
واشواااا دخلو
وشيكت مساعدتها لقت الواير فاضي
لكن احس اني مو مرتاحه للحركه اللي صارت
والله كريم
لان هذي ثاني مره اسوي بالصباح
واول مره د حازم ونفس الشي ظل جنين بالواير ونزله
وماحملت الله كريم
بس الحمد لله
انا حملت بطفل انابيب بالاردن قبل 4 سنوات*
وبعد المحاوله الاولي بالصباح اللي فشلت بشهرين
سويتها عند فوزيه القطان وحملت
والحين عندي 2
اللهم لك الحمد
وكررتها الحين بالصباح
لان د رائده تمدح في الوحده مالت اطفال الانابيب
وانها تطورت
وفعلا المره اللي طافت ما كان عندي من الدرجه الاولي
بس هالمره من الدرجه الاولي
وان شاء الله يتم الحمل
ولكن ابي اي وحده مرة بهالشي وحملت تشاركني وتنصحني

 

[عسل حدي]

يارب مايمر هالشهر الا مبشرتنا بحملج

 

[نبض الغلا]

آاااااامين
الله يجزاج خير ياقلبي

 

[نبض الغلا]

وينكم يابنات

 

[عسل حدي]

اب لعيونج

 

[&هند&]

ان شاء الله يثبتون وتحملين اهم ادعي بالثلث الاخير من الليل والله كريم وشيلي الوساوس من بالج ،،،،

 

[ماتغير شي]

إنشالله تحملين

عليييج بالاستغفااار والله كرريم

 

[الجوهرا]

ان شاء الله تكونين حامل

 

[عسل حدي]

يارب
يارزاق ياوهاب ياكريم انك ترزقنا كلنا

 

[نبض الغلا]

انا مومنة بقضاء الله
واللي كاتبه لي ربي
بس كان ودي اعرف في احد صار معاه اللي صار معاي
لانه في الصباح تكرر مرتين
وماتذكر في الخاص شيكو عالواير بحملي اللي طاف
يعني بس الصباح يشيكووون
ولا شنو
يارب اكووووووون حامل
ياااااااااااااااااارب

 

[الزيـــــ^^ـــــن]

ان شالله يارب يثبتهم لج لاتحاتين ربج كريم
حبيبتي عندي استفسارات ياليت تردين علي واكون شاكرتلج
انا حاليا ملفي بالعيادات الخارجيه باقيلي اسوي اشعه الصبغه علشان يحولوني عالانابيب
شنو الخطواات وكم المده علشان يسوولي العمليه ،،؟!!

 

[روحي82]

الله يثبتهم لج يااارب وخليلج عياالج ويصلحهم

ويرزق كل واحد وحده بالظني العااافي متعااافي ويصلحهم

 

[نبض الغلا]

مشكورين ومقصرتوا والله يثبت حمال كل وحده يارب

والحين سهالات ماتنطرين اكثر شي يمكن ٣ او ٤ شهور
انا من فتحت ملف في ivf
سنة ٢٠٠٥
ولا نادوني الا سنة ٢٠١٠
عقب ما حملت بالاردن ٢٠٠٧
وسويتها عندهم ٢٠١٠ وماضبطت
وسويتها بعده بشهرين عند فوزيه شهر ٤ /٢٠١٠
والحمد لله حملت
والحين ٢٠١٢ كررتها بالصباح والله كريم
وان شاء ما يضيع تعبي يارب واحمل
مع ان جوانبي ذابحتني صوب المبايض
وظهري والله بعين*

 

[~بنت ابوها~]

آاااااامين
الله يجزاج خير ياقلبي

 

[عسل حدي]

انشالله يارب حامل

 

[عسل حدي]

اب لعيونج

 

[نبض الغلا]

مشكوووورين فديتكم
والله يارب يحقق كل امانيكم
وفديتج والله عسل حدي مداخلاتج تسعدني

 

[عسل حدي]

فديت قلبج وانشالله تبشرينا
خلج وياانا لين يثبت حملج

 

[نبض الغلا]

ان شاء الله
عسل حدي
انتي مرجعه اجنه

 

[عسل حدي]

لا انا مسويه تلقيح الخميس الي طاف