مجموعتي للفرش مع طريقة تنظيف الفرش بالصور

[رفرف]

شلونكم يا حلوات ؟؟

حبيت احط لكم مجموعتي لفرش المكياج ورايي بكل فرشة .. وبعدين بوريكم طريقة سريعة لتنظيف الفرش شفتها باليوتيوب وعجبتني خاصة للتنظيف السريع يعني اذا بستخدم الفرشة نفسها للون ثاني انظفها واسوي شي ثاني دقايق الا هي ناشفة واقدر استخدمها مرة ثانية


اول شي فرش ماك الduo fibre من اليسار لليمين

187 الكبيرة للفاونديشن السائل وايد حلوة بس عيبها ما تصلح للاماكن الدقيقة يعني عند الخشم والشفايف
130 اصغر وحدة جربتها مع المينيرال فاونديشن الكريمي وايد حلوة وهم للبودر بس للبودر تعل القلب حجمها صغير سنة على ما اخلص ويهي كله
131 ايدد وحدة فيهم توني شاريتها جربتها للهايلايتر حلوة بس ماقدر احكم عليها ليلحين
188 اصغر من 187 شوي انا استخدمها للبلش اللي تكون الوانه قوية علشان ما يطلع جنه طراق يبين اللون خفيف وهادي




من اليسار لليمين :

190 للفاونديشن .. ما عجبتني وايد تطلع خطوط ولازم اعيد عليها بيدي فقمت ماستخدمها وايد ليش العبالة
109 للكنتور بس انا احط فيها الكومباكت بودرز وال msf natural توزيعها حلو
129 كنت استخدمها للبلش بس خشنة وشعرها يطيح قمت اغسلها ببلسم صارت زينة بس ليلحين شعرها يطيح احبها بس مادري شسوي بشعرها
116 للبلش وااايد حلوة





فرش العين ال2 من ماك احبهم ثنتينهم

اليمين : 214 اموووووت عليها للشدو تحت العين خاصة لزاوية الخارجية وحتى اذا ابي ادمجه مع الكحل عجيبة عجيبة
اليسار : 219 البنسل برش حلوة بعد لدمج الكحل مع الشدو وحق السموكي ايز احط فيها الشدو على شكل 7 في الزوايا الخارجية ..





خلصنا من ماك يينا لفرش البودي شوب
كواليتي وناعمين وايننون بس عيبهم ما عندهم فرش متخصصة لكل شي يعني نمشي حالنا بالموجود
انصح فيهم كلهم يعني لي صار عندهم عرض بو 25% على كل شي لا تطوفونهم خمو الفرش كلهم وهم البراية مالتهم حلوة بس نسيت اصورها

من اليمين لليسار

اول فرشة الكبيرة للبودر استخدمها للجسم كله اذا بحط لمعة طبعا للمناسبات
الثانية من اليمين وايد حلوة للبلش نااااعمة ولا يطيح شعرها على كثر ما اغسلها وابهدلها
الثالثة من اليمين للفاونديشن بس الصراحة ما جربتها مع اني متفائلة انها بتكون احلى من فرشاة ماك بس انا صايرة ماحط فاونديشن سائل وايد بالصيف فما حصلي الشرف اني اجربها
الرابعة من اليمين لدمج الشدو بس انا ما حسها حلوة للدمج ! انا استخدمها اذا بحط شدو او اضاءة تحت الحاجب
الخامسة لوضع الشدو عادي على الجفن المتحرك احبها استخدمها كللل يوم
السادسة الليب برش هم زينة
اللي ع اليسار هم للشدو والمينيرال شدو اللي يكون لووس بودر حلوة وكواليتي ..




تابع فرش بودي شوب
فرش الكابوكي
الثنتين حلوين ناعمييين حنونيييين انا ما ستخدمهم للفاونديشن ولا للبرونزر لأني احط برونزر بالسنة مرة او مرتين .. استخدمهم لما احط البلش ويصير لونه قوي اخففه بالكابوكي او ادمج البلش مع لون الفاونديشن على الاطراف ماحب يبين خط فاصل بينهم

يتبع .....

 

[رفرف]

نخلص من فرش بودي شوب انيي للفرش المتفرقة ..
فرش ماركة autograph من ماركس وسبنسر ..
اهمه ينباعون سيت كامل من 4 فرش حلوين ما عدا فرشة البودر وايد حلو توزيعها بس خشنة وشعرها يطيح نفس مشكلة فرشة 129 من ماك .. وتلفتني ما قمت استخدمها قطيتها علشان جذي ناقصة المجموعة

من اليمين فرشة الفاونديشن .. استخدمتها للهايلاتير حلوة قلت لكم صايرة ماستخدم فاونديشن سائل او كريمي وايد بالصيف عن التدهن
اللي بالنص للآي شدو وايد حلوة شوي عريضة تنفع اذا بتحطون لون واحد وتطلعون
اللي عاليسار الليب برش اتينن







فرش سيفورا
هذول اللي صج عجيبييييين .. صج سعرهم شوي غالي يعني اغلى من بودي شوب وارخص من ماك خذيت 3 كتجربة وشكلي بخمط كل شي لأنهم صج يهبلون


من فوق لتحت

فرشة الآي لاينر .. ضعيييفة حلوة لرسم البوز
اللي بالنص حبيبة قلبي اللي صرت ماستغنى عنها .. للكومباكت بودر والmsf natural واللوس بودر توزيعها اينن متبتبة وشعرها ما يطيح وناعمة وكاملة الاوصاف هاذي must have
اللي تحت دبل لها صوبين .. صوب لتوزيع الشدو عادي .. وصوب smudge نفس فرشة ماك 214 للشدو تحت العين والزوايا الخارجية ودمج الشدو مع الكحل ..






هذولا فرش كوكتيل

من اليمين من بودي شوب نسيت اصورها معاهم .. لدمج الكحل بس ماحبها
الثانية والثالثة هذولا رووووعة للدمج .. من وين ؟؟ من مكياج المنصور ماركتهم RED STAR جنه خذيتهم مع سيت فرش والباجي ما عجبوني عطيتهم بنتي بس هذولا اللي احتفظت فيهم ما ادمج الا فيهم استخدمهم يومي ونوعيتهم ممتازة ولا تطيح منهم ولا شعرة
الرابعة المعكوفة لللآي لاينر من انجلوت وايد حلوة بس شوي عريضة يبيلها دقة بس حلوة وتساعد
اخر وحدة اللي عاليسار فرشاة الكونسيلر من Bare essentuals خذيتها مع سيت الفاونديشن المينيرال فاليو سيت معاها كانو 3 مادري 4 فرش ماعجبوني خشنين وما استخدمت الا اهيه حلوة







فرش مكياجي شريتهم للسفر وما سافرت شكلهم حلو وكذا وحدة مدحتهم لي .. ليلحين ما استخدمتهم بس شكلهم حلوين

صورة درج الفرش والحوسة اللي فيه ..
في اشياء ما صورتها لأني ما حسيتها تسوى

يتبع طريقة تنظيف الفرش بالرد القادم

 

[رفرف]

انيي لطريقة تنظيف الفرش

التنظيف العميق اما بشامبو احطه بيدي وانظف فيه الفرشة عدل عدل تالي اغسلها ببلسم وبعدين مرة ثانية بالماي ..

او مسوية غسول من كيفي فيه معقم ديتول وبلسم وشامبو .. احط شوية بماعون وازيده ماي .. اغط الفرشة واحركها عدل بالماعون لين ينزل اللون اللي فيها تالي اغسلها بماي وانشفها طبعا واعدل شعرها واسدحها على كلينكس لين تنشف


التنظيف السريع مثل ما قلت شفته باليوتيوب ووايد فادتني الطريقة واقتصادية فصورته لكم ..
المطلوب .. منظف الفرش من ماك .. وكلينكس .. وفرشكم اللي بتنظفونها ..
اخترت لكم البنسل برش من ماك لأن فيها لون اسود قوي فتبين معاكم قبل وبعد

اول شي تطبقون الكلينكس بالنص .. وبعدين تطبقونه مره ثانية يصير مربع
على الطرف تحطون نتفة منظف الفرش من ماك .. لا ترعصونه علشان لا يطلع وايد .. اهوه بروحه بيطلع

لحين تاخذون الفرشة وتمشونها او تفركونها على الكلينكس رايح راد او بشكل دائري على حسب الفرشة ..
بتشوفون شلون اللون والوصخ قاعد يطلع معاكم .. تمام ؟؟

الحين لي حسيتو ان البقعة صارت وصخة خلاص .. تقدرون تستخدمون جهة ثانية من الكلينكس يعني فتحوه راح تلقون 4 بقع من المنظف .. استخدمو اي وحدة فيهم بنفس الطريقة تمشون الفرشة عليها رايح راد ..
بتلقون ان من اول او ثاني مرة نظفت الفرشة .. تقدرون تنظفون فرشة ثانية بنفس نتفة الغسول اللي حطيتوها .. 4 بقع من الغصول بتكفيكم تنظفون ع الاقل فرشة او فرشتين يعني ماراح تحتاجون غسول زيادة
اذا ال4 بقع او ال4 جهات من الكلينكس استخدمتوهم كلهم .. ردو كررو نفس الخطوات ..


شوفو شكل الكلينكس وهو مفتوح .. والفرشة صارت نظيفة من ثاني مرة ..
البقعتين الباقي نظفت فيهم فرشة ثانية

والحين شوفو شكل الفرشة وهي بيضا ونظيفة .. نعيما

تم بحمد الله ادري الموضوع طويل وقرقتي وايدة بس انشالله تكونون استفدتو

 

[Cruella Devil]

mashkoora wayd , ya36ech alf 3afya :**
knt nawya aro7 ashtrey brush 190 mac 7g el liquid foundation bs shakly bhawn al7en :S
ta2thait madri ay frsha te9la7 7g el foundation

 

[Q8stylle]

يعطيج العافيه

 

[أروسا]

خوش مجموعه

و شوقتيني على فرش سيفورا .. يبيله

و حلوه طريقتج بتنظيف الفرش سهله و سريعه

يعطيج العافيه

 

[نيــلــوفــر]

ما شاء الله فرشج وااايد يعطيج الف عافية عالموضووع و شوقتيني على فرشة سيفورا البطة p:

 

[جوك احلى جو]

انا حاليا برا الكويت وشفت عرض مسوينه ماك للفرش مجوعه من الفرش وسعرهم كلهم تقريبا 12 دينار تنصحيني اشتريهم ولا العرض موجود بالكويت؟؟

 

[krkooora]

مشكووووورة

موضوع مفيد

 

[pink]

ماشالله يشوقووون الفرش ..

خوش كولكشن الله يزيدهم و يكثرهم ..

و ترى طريقة إنج تحطينهم داخل درج أحسن من

إن تعرضينهم للهوا بس أحس لما تحطينهم جدامج

عالتسريحة بكوب أو أي كونتينر اسهل وااايد ..

و يعطيج الف عااافية حبيبتي

 

[رفرف]

حياكم الله بنات منورين


جوك أحلى جو

فرش ماك الاصلية مستحيل تكون بهالسعر لأن الفرشة الوحدة ب 16 و 17 ..
بس ما يمنع يمكن تقليد وتكون زينة وكواليتي .. والسعر وايد زين ..
ترا حتى ماك جم فرشة عندي شعرها يطيح يعني مو المهم الاسم علشان جذي تلقين فرشي منها الغالي والرخيص والماركة والبو طقة ومرات فرشة عادية تعجبج احسن من الماركة فما عليج من الاسم ..
الميزة بماك أن فرشة متخصصة مو اهيه الافضل بس اهيه التشكيلة الاوسع

 

[رفرف]

بنك

انا فرشي وااااااايد وماقدر اعرضهم جدامي كافي حوسة التسريحة بعد ما اخلص مكياجي فآنا شارية كبت من ايكيا وكل درج فيه شي ارتب واحسن

 

[مزيونه وشقره]

ماشاءالله والف شكر يالغاليه



مع تحياتي ياحياتي

مزيونه وشقره ​

 

[أم سيف وسلطان]

يعطيج العافية

 

[أسيرة_أحزاني]

خووش فرش الله يعطيج العافيه رفرف

 

[ميني دونات]

يعطيج العافية

 

[عيون منوعه]

يعطيج العافيه قلبوووووو

 

[Miss_Tiger79]

رفرف

واااو
فرشج واايد حاوه
وطريقة التنظيف السريعه لو تستخدمين كلينكس المطبخ الي يصير ثقيل شوي ويابس احسن هذي وحده بماك قالتلي لانها توفرلج الغسول بعد

وبجر غسولج الي مسويته

 

[عز النفس يغنيني]

واااااااااااااااو رووووووووعـه ماشاء الله مجموعتج للفرش ..

187 . . بالعكس تصلح للاماكن الدقيقه .. انا متبعه طريقه توزيع اللي يسوونها بنات اليوتيوب ..

تتهنين فيهم إن شاء الله

 

[googoosh]

يعطيج ألف عافيه رفرف خوش كولكش فرش .. مجربه فرش ماك و بودي شوب واايد حلوين شوقتيني على فرش سيفورا عاد من زمان ودي اجربهم بس اتردد .. عاد طريقتج بتنظيف الفرش نفس طريقتي بالضبط ونااسه لووول .. صج احسن و اسهل طريقه بس انا استخدم الفوط الصغار اللي ينباعون بالجمعيه اسهل حق الفرش اللي فوهم بودره او فاونديشن ..