مجموعة حلويات اعجبتني ...

[امورة زماني]

مرحباااا...
شخباااركن ...
جبت لكن مجموعه حلويااات اعجبتني وان شاء الله تعجبكن ..
بسم الله نبدا ..



المقادير والطريقه:

اول شي نجيب صحون بلاستك شفاف صغار زي اللي بالصوره

بعدين نجيب بسكويت اوريو ونغمسه بحليب ونحطه في قاع الصحن

بعدين نضع بالخلاط علبتين قشطه، ضرف كريمه، وكأس حليب محموس، وفنجال سكر

إذا خلطناهم نصبهم ع الاوريو

بعدين نطحن علبه نستله كبيره مع 8 جبن كيري

نزينه برشه نسكويك او اي شي عندك

*****************************
كيكة الدريم ويب

في الخلاط :نأخذ كأس سكر + 4 بيضات + ملعقه فانيلا + وملعقه صغيره هيل مطحون

ومن ثم نأخذ مقدار : كأس ونص طحين + ملعقة بيكنج بودر

ونضيفه على الخليط السابق ..

ونضيف مقدار من : 1/2 كأس زيت ،، وثم نبدأ في العجن الكهربائي ..

لين تصبح تصير جي

وقت العجن نحضر : 2 مغلف من الدريم ويب + 2 فنجان حليب ،،،، ونخلطهم مع بعض

ونسكب المقدار فوق الخليط ،، ونبدأ بالعجن مرة ثانية

وبهالطريقة نكون خلصنا من العجن .. ولاحظوا بأنها مب خفيفة ولا غليظة يعني متوسطة ..

نحضر صينية الكيك بأي شكل تبونه ،، وندهنها بالزيت .. وثم نسكب المقدار فيها ... وندخلها الفرن

بعد ما طلعناها من الفرن ،، نخليها تبرد شوي .. ونجلبها في صينية أكبر ... عسب نزينها

نسوي التوفي وهو عبارة عن : 2 فنجان سكر + علبة قشطة
(( نبدأ بتذوب السكر على النار وبعد ما يذوب نهائياً نرفعه
من على النار ونحط فوقه القشطة ونبدأ بالتحريك السريع
عشان ما يتعقد السكر ويذوب بالكامل )) ،،، وندهن الكيكه بالتوفي ..

نزينها بأي شي تحبونه ،، سواء جوز الهند المبشور أو المكسرات المطحونه ،،، على حسب الرغبة
وندخلها الثلاجة شوي تبرد ..

بالأخير نقطعها ونقدمها ..

يارب ماينحذف هالمررره

بليززززززززززز لحد يرد ...

 

[امورة زماني]

المقادير

الطبقة الاولى

2 بسكوت اولكر صغير مطحون
lملعقةزبدة صغيرة + ملعقة قشطة

تخلط مع بعض وناخذ منها مقدار ملعقة صغيرة ونضعه في ورق الكب كيك مثل هذا

الطبقة الثانية

نص علبة نستلة كبير
7 حبات كيري
قشطة
تخلط بالخلاط ... بعدها نضع منها على البسكوت

يدخل الفرن مدة 25 دقيقة من تحت فقط ونار هادئة حتى يتماسك
لكن..انتبهي ان لا يحترق..


الطبقة الثالثة (ال توفي)

نصف كاس سكر في قدر على نار هادية حتى يذوب..بعدها نضيف قشطة ونحرك بسرعة ليصبح
هكذا

اتركيها تبرد وادخليها الثلاجة و اتركي التوفي نصف ساعه..وبعدها ضعي مقدار ملعقة على
كل حبة وزينيها بالفستق والمقدار كفى 30 حبة ,,
وهده الصور تتكلم



وهذا شكله بعد ما يبرد


***********************************************

كيكة قدرة قادر

نذوب على النار كأس سكر ، إلى أن يصبح كراميل .. ونصبه في صينية الكيك

الطبقة الثانية:
بيضتان
ثلاث أرباع كأس سكر
ملعقة فانيليا
كأس ونص حليب بودرة
2 كأس ماء

نخلط جميع المقادير في الخلاط الكأس .. ونصبه فوق الكراميل

مقادير الكيك :
بيضتان
كأس وربع طحين
نص كأس زيت
ملعقة فانيليا
ملعقة ونص بيكنج بودر
نص كأس حليب سائل
ملعقتين كاكاو بودرة
ثلاث أرباع كأس سكر

نخلط جميع المقادير جيداً ..

ونصب الخليط فوق الخلطه السابقة بالتساوي في كل مكان نوزعه ..

نحط الصينية في صينية أكبر ونصب فيها ماء
وندخلها في الفرن على درجة حرارة متوسطة ونتركها تنضج ..

بعد الاستواء نطلعها من الفرن ونتركها نص ساعه تبرد خارج
وندخلها الثلاجة تبرد ما يقل عن 6 ساعات .. وكل ما زاد الوقت يكون أحسن

نطلعها من الثلاجة ونقلبها في صحن التقديم ..
نقطعها على حسب الذوق ونقدمها ..

بالعافيه ..
******************************
بليييز لحد يرد

 

[امورة زماني]

بسبوسة الشوكلاتة مع الجلاكسي

المقادير :
3حبات بيض + رشة فانيلا
فنجال شاى زيت
علبة قشطة نستلة <<<<<<وبنفس العلبة نعبي====
(2/1 1علبة سميد + 2/1 علبة جوز هند + 1 علبة سكر )
1ملعقة طعام نسكافية
1ملعقة طعام كاكاو
1ملعقة طعام باكينج بودر
التغطية :
علبة حليب نستلة المركز المحلى
2 جلاكسي سادة

وال شي نسخن الفرن على درجة حرارة 180 وندهن صينية متوسطة بقليل من الطحينية
والان نبدا بخلطالمقادير السائئلة مع بعض ثم نضع عليها الكاكاو والنسكافي ونخلط حتى يذوب النسكافية قليلا

ثم نضع عليها المقادير الجافة ونخلط جيدا حتى تتجانس ثم تصب في الصينية وتدخل الفرن حتى النضج



والان بعد ان استوت وطلعناها من الفرن نضع عليها النستلة ممكن العلبة كلها وممكن نصف العلبة طبعا يرجع لذوقك ثم يبرش واحد جلاكسي على وجهها وتركتها حتى تبرد ثم يبرش الثاني وتقطع وتقدم





**********************************************
حلـى بســاط الريح ...

المقاديـــر

١ قشطه
1ظرف دريم ويب
٤ م ك كاكاو
٨ أصابع كتكات
فنجال سكر
ظرف واحد كريمه


الطريقـــة :
نضع في الخلاط ما يلي
١ قشطه - ١ظرف دريم ويب - ٤ م ك كاكاو - ٨ أصابع كتكات - فنجال سكر
تخلط المقادير بالخلاط ويغمس بسكويت عادي او جوازء بحليب سائل أي نوع إلى تحبين ويصف بالصينية ثم توضع نصف الخلطة
وتوضع طبقه بسكويت عادي او جوزاء وطبقه أخرى من ألخلطه ..
ثم تزين بـاوريو منزوع الكريمة و مطحون
و بسكوت شاي مطحون
و بسكوت الجوزاء مطحون
و فستق مجروش طبعاً هو ما فيه فستق بس قلنا خل نزيد الألوان
و جوز هند
وهذي صورهم

والان ارسمي على كيف كيفك وطلعي مواهبك في الرسم


:eh_s(6): لحد يرد

 

[امورة زماني]

حلى التايجر

نصف طبقة بسكوت في صينية .. ممكن اي نوووع بسكوووت

مقادير الطبقه الثانيه ...
كأس حليب بودرة محمر + فنجان سكر + ملعقة زيت + علبة قشطة ( انتبهو لا تحمرون الحليب وايد
لانه بيستوي مر .. خلوة لين يستوي بني خفيف
ويخلط المقادير جميعا مع بعض ..
ويفرد على طبقة البسكوت ..

ونصف طبقه ثانية من البسكوت ..



ثلاث أرباع كأس حليب + 2 كراميل

نغلي كأس الحليب ، وثم نضع عليه الكراميل .. ثم نرفعه عن النار
ونضيف علبه قشطة عليه .. ونحرك جيد حتى يتجانس
ونصبه فوق طبقة البسكوت .. ونساويه كما في الصوره ...

ونزينه بحلاوه السائلة الهيرشي .. تسوون خط طويل بالهيرشي عقب تيبون عود الاسنان وتسون الشكل اللي
تبونه

ونقطع الحلاوة مربعات .. ونقدمها بالعافية

*************************************************
حلاوة اولكر
نصف طبقة من البسكوت مبلل بالحليب .. (( انا ما ابلله بحليب احس يطلع احلى ))

مقادير الطبقه الثانيه...
2 كأس حليب بودرة محمر
زبدة سائحة 200 غرام
كأس سكر
قشطة

نخلط جميع المقادير مع بعض ..
ونصبه فوق البسكوت بالتساوي ..

هذه حلاوة أولكر ..

نصف حلاوة أولكر فوق الطبقة بهذا الشكل ..
ونحضر : علبة صغيرة حليب مركز + 3 حبات جبن كيري
ونخلطهم جيدا بالخلاط .. ونصبه فوق الحلاوة بهذا الشكل ..

ونرش فستق مطحون فوقه .. وندخله الثلاجة يبرد
ونقطعه مربعات وقت التقديم ..
وبالعافية ..
***********************************************

:eh_s(6):

 

[امورة زماني]

حلى رووووعه ...

الطبقه الاولى ....
بسكويت شاي يصف با الترتيب في صينية تشيز كيك مغلفه
ونضع عليه ,, (( علبة قشطه + 2 جلكسي ساده + ملعقتين هرشي سائل + ملعقة سكر بودره ))
يذوب في حمام مائي او في المكرويف

ونضع عليه طبقه ثانيه بسكويت شاهي

الطبقه الثانيه
في الخلاط (( ظرفين دريم ويب + 1 كاس حليب بارد + 3 ملاعق سكر بودره
4 كيري + نص علبة قشطه))

الطبقه الثالثه
ايس كريم سندويش مقطع

يصف على الطبقه الثانيه بعد ما تتماسك نوعا ما

والنوع الرابع والاخير شوكلاته فلك ,,

ندخلها الفريز لمن تتماسك تمام

وقطعه لا احلى منتدى

************************************
حلى قالب الفواكه


المقادير:
كأس ونص بسكوت مطحون
كأس ونص حليب بودره محمر
كأس سكر
نص أصبع زبده سائحه
علبه قشطة

الطريقة :
نعجن جميع المقادير مع بعض ،، ثم نرصه في القالب ( شكل الفواكه ) وهو قالب كقوالب الثلج ..
ونحطه في الثلاجة ليبرد ..
ثم نقدمه

****************************************
عجوه التمر

نطحن بسكوت ونعجنه مع أصبع زبدة وقليل من الحليب ،، ونساويه في صينيه

نحضر تمر معجون بدون نوى ،، ونشكله كرات صغيره ،، ونصفه بالترتيب فوق خلطة البسكوت ..

في الخلاط :
3 ملاعق حليب مركز
وحبتين كيري
ملعقتين حليب بودرة
ربع كوب حليب طازج
نص علبة قيمر (( أو قشطة ))

ونخلطهم بالخلاط ...
نصبه فوق التمر ..

نحمر على النار :
ثلاث ملاعق سميد + ثلاث ملاعق مكسرات مطحونة
ونرشه فوقهم ...
وندخلها الفرن من فوق عشان تجمد الطبقة البيضاء وتحمر من فوق ..

ونطلعها من الفرن ،، ونقطعها مربعات بهذا الشكل ..
ونقدمها بالعافية ...
******************************************

 

[Snow angel]

روعه ماشاء الله يسلموووووو

حبيبتي يتم الحذف اذا كان مخالف ارجعي لقوانين قسم مائدتك

 

[10000]

مشكوره

 

[امورة زماني]

كريم كراميل بالاوريو

المقادير :...
كريم كراميل ..
2 مغلف كريم كراميل
كأسين ونص ماء
كأس حليب بودرة
نحط المقادير مع بعض على النار لحد الغليان ..

بسكوت اوريو ..

نحضر الكراميل : وهو اذابة نص كأس سكر حتى يصبح لونه اشقر ونصبه في صينية بأي شكل .. ونتركه يبرد شوي

نصب الكريم كراميل في الصينية ،، ونكسر حبات بسكوت الاوريو ونحطها عليه وندخلها الثلاجة لتجمد ..

بعد ما تجمد نقلبها في صينية التقديم ..
وتظهر بهذا الشكل ...
وبالعافية عليكم ...

*************************************************
حلـــــــــــــــــى رووعه ..

المــقـاديــر
8حبات جبن كيري
1 علبة حليبب نسلته محلى كبير
1 قشطة قيمر
1 قشطة نستله
بسكويت اوريو
شوكولاته هيرشي
سائل كاكاو هيرشي
الطريقة
اولاً /
1- ناخذ صينية تيفال مستطيلة ( مخصصه للحلويات )و نغلفها من جوا بـ ورق البلاستيك
2- ثم نأخذ بسكويت اوريو و نكسره في قاعه الصينيه
ثانياً /
8 حبات جبن كيري
1 علبة حليبب نسلته محلى كبير
1 قشطة قيمر
1 قشطة نستله
نخلطهم بالخلاط مع بعض ونحطهم بالصينيه فوق الاوريو .. ثم نغلف الصينيه من فوق بالبلاستيك وندخلها الفريز اقل شي 6 ساعات الى ما تجمد ..
ثالثاً
لما تجمد نطلعها و نقلبها بصحن و نزيل البلاستيك ..
و نزينها بـ كاكاو الهيرشي السائل و حبات شوكلاته هيرشي
وبالعافيــــــــــــه
***********************************************
حلاوة الوربات
المقادير :
عجينة جلاش
2 كوب حليب طازج
نص كوب نشأ
2 ملعقة سكر
ملعقة صغيرة ماء ورد
شيرة
فستق مطحون

نحضر الحشوة :
على النار نحط الحليب + السكر + النشأ ،، ونستمر في التحريك لين يغلظ الخليط .. ونضيف ملعقة الماء ورد ،، ونحطه في صحن وندخله الثلاجة ليبرد ..

نأخذ تقريبا من 8-10 شرائح من عجينة الجلاش
ونبدأ في التحضير : ندهن الشريحة الاولى بالزيت او الزيدة

ونضع فوقها شريحه ثانية وندهن ،، وهكذا لين آخر طبقة

نقسم العجينة إلى مربعات ..

نحط الحشوة في وسط المربعات ،، ونطوي المربع على شكل مثلث
وندخلها الفرن في صينية مدهونة بالزيت حتى تحمر من تحت وفوق ...

نطلعها من الفرن وتكون محمر خفيف ،، بهذا الشكل
نحضر الشيرة (سكر + ماء)

نرش الحلاوة بالشيرة ونزينها بالفستق المطحون ..
ونقدمها بالعافية ...

*************************************************

 

[امورة زماني]

روعه ماشاء الله يسلموووووو

حبيبتي يتم الحذف اذا كان مخالف ارجعي لقوانين قسم مائدتك

الله يسلمج حبيبتي
والاروع تواجداج في مواضوعي

لا تكفين هالمره ماااخذت صور فيه اسماء منتديات يعني ماخذه الحيطه والحذر :eh_s(6):

 

[امورة زماني]

مشكوره

العفو ياقلبي :eh_s(6):

 

[امورة زماني]

بسكوت بالشعيرية
المقادير:
بسكوت
شعيريه باكستانيه
دريم ويب
قشطه
حليب مركز
كاكاو سائله
الطبقه الاولى :...
نصف طبقه بسكوت مبلله بالحليب ..
نكسر الشعيرية صغار ،، ونضيف الحليب المركز ونخلط .. ثم نضيف القشطه ونخلطه حتى يمتزج ..

نصب الخليط فوق البسكويت ونساويه ..

نصف طبقه بسكوت فوق الشعيريه ،، ولكن بدون ما نبلله بالحليب ..

نخلط علبه قشطه مع ظرف دريم ويب ..
ونصبه بالتساوي فوق البسكوت ..

ونزينه بالهيرشي ..
وندخله الثلاجه حتى يبرد ويتماسك ..

نقطعه مربعات صغيره .. ونقدمه
بالعافيه عليكم
*************************************************
حلى وردة الجوري
المقادير:
ا كوب طحين
1/2 كوب سميد
بيضة
3/4 علبة قشطة
3/4 زبدة تقريبا 75 جم ،، وتكون لينة
ملعقة صغيرة بيكنج بودر
رشه فانيلا

الحشوة : جبن كيري

نعجن المقادير كلها مع بعض باليد ،، وتكون عجينة متماسكة ( اذا شفتوها لينه ممكن تزيدون شوي طحين ) ..


نأخذ قطعه من العجينة ونفردها ،، وبكوب نقطعها دواير ..


من بعدها نقطع أطراف الدائرة على شكل (+) بدون لا نوصل للوسط

ونحط قطعة جبن كيري في وسط كل دائرة ..

نلف الجانب الاول على الحشوة ثم الثاني والثالث وهكذا .. لين تستوي على شكل وردة جوري ..

نكمل العجين بهذه الطريقة .. ونصفها في صينية تيفال ، وندخلها الفرن على درجة حرارة متوسطة من تحت وثم من فوق تحمير خفيف ... وثم ترش بالشيرة (اختياري)

وتكون بهذا الشكل النهائي ونقدمها لو حابين تزينون ممكن تحطون كاكا هيرشي ...
وبالعافية عليكم

ملاحظة : انا يوم جربتها ضفت نقطتين صبغه طعام احمر ع العجينه .. طلع شكلها وايد حلو
************************************************

 

[حياتي انت]

الله يعطيك العافيه

 

[امورة زماني]

الله يعافيج ياقلبي

 

[ABEER FLOWER]

أمووووووره الحلوياااااااات رووووووعه
يعطيج ألف عااااااافية حبوبه
و كل عام و إنتي بألف خير
عيد سعيد

 

[لوكي 22]

يمي .. روعه
تسلمين

 

[جارة القمر]

مشكوووووووووره

 

[غرامي تركي]

يعطيج عافيه ع وصفه حلووو
يسلموووو

 

[امورة زماني]

أمووووووره الحلوياااااااات رووووووعه
يعطيج ألف عااااااافية حبوبه
و كل عام و إنتي بألف خير
عيد سعيد

الله يعافيج حبيبتي
وانتي بهنى وسعاده
علينا وعليج

 

[امورة زماني]

يمي .. روعه
تسلمين

الله يسلمج حبيبتي

 

[امورة زماني]

مشكوووووووووره

العفوووو ياقلبو