مجمع النمران بالفروانية شرايكم فيه(للقرقيعان)؟؟؟

[أم حمني المزيون]

مبارك عليكم الشهر

بسألكم إذا فيكم وحدة رايحة مجمع النمران في الفروانية اللي يبيعون فية ملابس القرقيعان حق

اليهال...أكو وحده راحت هالأيام منكم....؟؟

فيه شي حلو ؟؟؟وااااااايد امدحولي شغلهم....أبي الرد بسرعة تكفون أبي أشتري حق عيالي وأفتك

 

[شانيل نمبر 5]

رحت له قبل 3 ايام واكو كم محل منزلين قرقيعان موديل بنطرون علاء الدين بس ماعجبي
انا علمكج طريقتي تبين تلبسبن بتاتكج من النمران ويسألونكج الناس؟؟؟ويقلون من وين؟؟
وانتي تقولين من النمران وماراح يصدقونكج؟؟؟؟انه راح يقالون واشفنه؟؟؟؟؟؟؟؟؟؟؟

ادور بالنمران ملابس الاعراس مثلا بنطرون ذهبي شغلات عرضين للاعراس لانه الناس راح تكون مركزه علي لبس
للقرقعان وانتي ركزي علي لبس الاعراس بس قولي للخياط سوي لي خريطه قرقيعان؟؟؟



اوصلت لكج الطريقه؟؟؟؟؟؟؟؟
اشرايكم؟؟؟؟؟؟؟؟؟

 

[ضحكة الدنيا]

بصراحه مامريته بس تقريبا المحلات كلها نفس البضاعه العام شفت كلهم متشابهين
والكل لابس منهم يعنى مافى تميز

 

[أم حمني المزيون]

مشكورين حبايبي على الرد _

أحاول أمر هاليومين عن الحسافة وأشوف يمكن ألقى شي!

 

[so^so]

مرحبا

والله انا رحت له لوووووعه مافيه شي حلو

شريت لي خامه حلووه وشريت معاها كلف وقطيتها على خياط الجمعيه والله سواه لي اشحلاته راقي وناعم
اشتري خامه ساده وسويها بنجابي او دراعه وركبي عليها كلف احلى
بصراحه النمران خاماتهم كلش مو حلوه اتفشل والموديلات مكرره

والله يوفقج

 

[الريماس]

النمران مايعجبني بالمره لاللعروس ولا القرقيعان!!!!!!!!!!

 

[ام مضاوي]

والله انا مثلج محتاره ابي لبس مميز لبنتي

ويكون موديل ستايل وادخل عليه شغلات تراثيه

بس مخي مقفل

 

[جود الكويتيه]

اي والله صح كلامكم ^_*

نصيحه مني قصواا خاام و خيطووا احسن ..

 

[مُــنية]

كانت في وحده منزله هدوم قرقيعان تشوق في بيت 32 بس ما اعرف اسمها لووول

 

[أم حمني المزيون]

مشكورين خواتي كلكم

بصراحة ليلحين ما رحتله وجنكم خليتوني أهون عنه ...!!!

وبالنسبة حق الخياط كلش مالي حظ فيه مع انه عندي أفكاررررررر!!!!

بس كم مرة يخربهم الخياط ويزفني ريلي وقايلي لا يكوووون تخيطين مرة ثانية! فكينا واشتري

جاهز!!!:eh_s(14):

 

[ناتشوو]

رفع

 

[Sa7rt al9looop]

مثل ما قالو البنات النمران مكرر وايد

خلي بنتج تتميز من أفكارج انتي قصي الخام والكلف شكثرها تينن سويلها موديل مميز مع ربطه والجوتي تكرمين

ترى وايد حريم يسوون عند خياط الجمعيه ويطلع فنتق