مجمعات تجارية

[rayaan]

قوة بنات شلونكم شخباركم

انا بسافر مصر ان شاء الله بالصيف الياي

وودي اعرف أحلى المجمعات اللي فيها واذا فيها دواعيس تبيع اشياء غريبة

من ملابس وجواتي وجناط ومواعين

لأني اشوف اللي يروح مصر يرد معاه اشياء اول مره اشوفها وارخص من الكويت بوايد

ومشكورين وما تقصرون

 

[زيـنـه]

مشاركة: مجمعات تجارية

عندهم مجمع فيرست مول كله ماركات و كشخه .. و عندهم واحد يديد ينقال له ميجا ستار او ستار سيتي .. المهم في كلمة ستار حلو و راقي و كل شي فيه .. هذا اللي اعرفه .

 

[شجووون]

مشاركة: مجمعات تجارية

اعتقد اسمه ستي ستار وعندهم الملاحق مثل ملحق هلتون رمسيس وفي عندهم اليمامه سنتر بس هذا من جم سنه انا كنت رايحتله مادري اشلون صار الحين طبعا عندج كرداسه مالت الدراريع ووسط البلد في حلاوه مال الاقطان واذا ذكرت شئ قتلج

 

[شهدQ]

مشاركة: مجمعات تجارية

شوفي موضوعي ان شاء الله ينفعك

http://www.q8yat.net/showthread.php?t=24629


بس تعالي ليش ماتغيرين الوجهه مصر موبؤه شتبين فيها

 

[ام رغودة]

مشاركة: مجمعات تجارية

مجمع فيرست مول حلو للقعدة مفتوح لمنتصف الليل يعنى فية كافية حلوة قعدتة بس المحلات انا نفسى ماشريت شى بس من المكتبة الموجودة تحصلين كتب للاطفال حلوة وفيها محلات مجوهرات حلوة واهى موجودة بالجيزة تابعة لفندق فورسيزن يعنى المكان راقى وعلى خبرى فيها من سنتين

 

[bambena]

مشاركة: مجمعات تجارية

فيه مجمع اركاديا وجنينه مول والمعادي مول وكارفور وش جامعه الدول العربيه وش شهاب وطيبه مول ومجمع فندق جراند حياة اعتقد

 

[rayaan]

مشاركة: مجمعات تجارية

مشكوووووووووووووووووورين على الردود اللي تبرد القلب

 

[bambena]

مشاركة: مجمعات تجارية

المجمع للكونراد مو لجراند حياه اسفه

 

[bambena]

مشاركة: مجمعات تجارية

ارد اعدل ماعليه دايخه

مجمع الكونراد سكروه اكو مجمع لجراند حياة واكو مجمع يديد اسمه بايمن كايرو للفورسيزن اليديد هذا بس فيه ماركات