مجس طبي للحامل

[ديما الكويت]

السلام عليكم ورحمة الله وبركاته

خواتي المعلمات انا معلمة ولامرة خذت مجلس طبي وهالسنة حابة اخذ غصبا علي حدي تعبانة ومافيني حيل اتحرك والطبيب ينصحني براحة التامة
رجاااااااااااااء ساعدوني ابي مجلس طبي جم شهر انا الحين بالسابع وابيه من اول دوامنا لحد تاريخ ولادتي 18/10 تكفوني ساعدوني ؟؟؟

 

[¤§ زيتونة §¤]

حبيبتي

الف لا باس عليج وعسى الله يتمم عليج وتقومين بالسلامه ويفرحج بالضنا الصالح ويارب يرزق كل من تبي الذريه الصالحه

المجلس الطبي تقدرين تاخذينه بطبياتج وتطلبينه انتي من الدوام تحويل للمجلس الطبي ويعطونج موعد تراجعينهم وتاخذين تقاريرج وكل اوراقج اللي تخص حالتج وهناك بتكشف عليج الدكتورة وباذن الله توقع لج

انا جذي يوم حملت ببنتي خذيت مجلس طول الحمال كل اسبوعين اودي لهم طبياتي واهما حولوني ورحت ووافقولي الحمدلله كانت الامور سهله..

ديري بالج على حمالج حبيبتي الضنى غالي اغلى من الدوام ومن كل شي والله يوفقج وتتيسر امورج

 

[omaseel]

الله يسهل امورك

 

[ديما الكويت]

رفع الله شانكم حبيباتي ...ويرزقكم باللي تمنونه ان شاء الله مشكورين

 

[أم جوري]

يالغالية سلامتج

ونصيحة مدام ولادتج 18/10
لا تتعبين ولا تروحين ولا تطلبين بتطلع روحج ومواعيدهم بعيدة
يعني بتتمشورين عالفاضي

الدوام 9/9
وولادتج باذن الله 18/10
يعني حوالي شهر

قزريها طبيات

اذا تعرفين احد بالمستشفى الحكومي خل يعطيج طبية اسبوعين ..
وبعدها خذي اسبوع من خاص
بعدها اسبوع من حكومة

وخلصنا ان شاء الله هههه

صدقيني مشوار المجلس الطبي طويييييييييييييييييييييييييييييييييييييل ...

 

[Angel_store]

اب اب اب

 

[love^angel]

خواتي واذا وحده بأول حمالها وتبي مجلس شلون؟ مجهضه من اربع سنين و توني يالله حملت الحمدلله بس تعبانه خايفه مابي اداوم التدريس وايد متعب

 

[أبله أريج]

اممممممممممم المجلس الطبي شنو طريقته؟

 

[beauty rose]

ورقة المجلس الطبي تاخذينها من مدرستج
و لازم تكونين مرفقة معاها تقرير طبي بان حالتج تستحق المجلس
و مدرستج يدزونها حق المنطقة التعليمية و نصيحة اخذي منها نسخه لا يضيعونها

و خليج عالطبيات ليما يدقون عليج المنطقة التعليمية يبلغونج تروحين لهم و يقولون لج موعد روحتج للمستشفى
و اي طبية تسلمينها للمدرسة خلي عندج منها نسخه

 

[ويـــزا]

انا بعد امفكره اخذ مجلس طبي
موعد ولادتي اول شهر ١١
وانا ابلة روضه
يعني بنكرف كرف اليهد مع هالياهال واستقبالهم وترتيب الصف عقب العطله
وانا باول الثامن مع بداية الدوام
بس هم مالي خلق المشاوير للمجلس الطبي

انتوا اشرايكم
صج صج صج دوام ابلة الروضه مررررررررهق

 

[Ranoon]

مجلس طبي كم شهر وألا ماله علاقة بعدد شهور ... ؟؟

يعني عادي وحده تاخذ مجلس طبي من اول حمال للولادة 9 شهور ؟؟

 

[mi corazon]

انزين بنات

انا باول حمالي زز يالي نزيف مرتين

وانا من النوع اللي اكرف وما اقعد لين تعورني ريلي بدون لا احس

والحين من اول رمضان وانا عند امي

يوم واحد رحت بيتي وطبخت ظهري شب علي يومين

هقوي الدوام بتعب اكثر

فا ريلي يقول اخذي مجلس طبي لين الولاده

وانا مستحرمه اخذ معاش وانا قاعده بالبيت

بس بنفس الوقت كله يقول لو صار شي بالبيبي انتي تتحملين ذنبه


شورولي شسوي