مجبوس مكروونة؟؟؟او مكرونة مخلووطة

[Lovely_R]

بنااااااااات ذقت مكرووونة عجييبة مشالله لذيذة هني في البحرين مع خضروات وبهاارررات بس ما اعرف شلون يضبطوونها وشنو ونوع البهاررات للي يحطوونها...؟؟؟؟؟؟
افيدووني بلييييييييز.

 

[Lovely_R]

??????????????????????????

 

[الغاليه نونو]

خليني اعلمج الطريقه الزينه يمه حق المعكرونيه العفيسه بالخضار علي قولتج


المعكرونيه تفوحينها بماي وملح وزيت وشوي كركم وماجي وتفووحينها زيييييييييين علي ماتستوي


تاخذين راس بصل راهي وتقصينه صغار صغار كلش وتقصين بطاط مكعبات صغيره وجزر مكعبات بعد ون حبيتي شوي بزاليا خضره المثلجه مو تحطين المعلبه لانها تتفقص حيل ون حبيتي تحطين علوب فلفل حار ماكوو مشكله وثوم مهروس وطماط مقصص صغار كلش وتاخذين كزبر اخذر ربطه وحده صغيره وتفرمينها عدل


تزهبين الشغل كله وتالي علي ماتستوي المعكرونيه بماي الفووح وشفتيها صارت لينه تشخلينها وتاخذين طااسه صغيره تترسينها ماي من البراده وتكبينه عالمعكرونيه

بتقولين ليششششششش شالفايده


المعركونيه ههههههه علي قولت حفيدي فديت خشمه

المعكرونيه يمه لي فحتيها النشا اللي كان فيها يطلع نصه بالماي الحار ولي شخلتيها وهي حاره وتركتيها تلصق فبعضها تصير مثل العييييينه موحلوه لينه حييييييييييييل

المهمممممممممم تصبين عليها الماي البارد علشان تتماسك حباتها وماتصلق


كمل الطريقه بالجدر مال المعكرونيه تحمسين اول شي البصل شوي وتالي الخضره اللي عندج تحمسينها الحين تبين البهارات تحطين شوي كركم ونتيفة كمون وكزبر بودر وشوي زنجبيل بودر وشوي كاري وعليهم تحطين لوميتين سود وبالاخير معجون الطماااااط وتحمسينهم زين مازييييييييييين وعقب تحطين الطماط والكزبر الاخضر وشوي ملح وتحوسينهم تخلطينهم وتحطين الحديده تحت الجدر وتقصرين الجوله شوي بووو اقل من عشر دقايق وتالي اتييبيييييييييييين المعكرونيه وتخلطينها مع الحمسسسسسه

تبين سر النطااعه بالمعكرونيه سويها وطبخيها امبجر وخليها ليما المرحله الاخيره كلش عقب مااتخلطين المعكروينه بالحمسه لاشبين الجوله تحتها الا قبل ماتنجبينها بساعه تقريبا

ولا تنسنين الحديده حطيها تحت الجدر وخلي الجدر عالعين الصغيرونه وبس

احلي صلصله اسويها دووم مع المعكرونيه شوي جبن كرافت ومينيز وعصير ليمونه وحده وصلصه الفلفل الحلوه وفلفل معبووج يشلووط واحط علي الصلصه ونتيفة زيت زيتون واخلطهم
واكون مقليه البطاط وحلقات البصل يحبونه العيال مع المعكرونيه والشوربه مع الفتوش شي اساسي


سويهاالطريقه وادعيلي