مجبوس لحم

[مدمنة ككاو]

اول شي تاخدين اللحم بعد ما تغسلينه خليه يطبخ بماي وملح خشن 5 دقايق يطير الريحه
بعدين تكبين الماي وتحطين ماي جديد وتحطين بصلتين مقطعين ارباع وطماطتين مقطين ارباع ولوميه سوده وعودين دارسين و3 حبات هيل وعلب فلفل اخضر وفلفل اسود وملح بهاراتج انا احط بزار احنا نسويه بالبيت خلطة يداتي الخاصه
واكو بزار بحريني خاص باللحم جربوه وايد خنين


وخليه يطبخ على نار هاديه لمدة 4 ساعات عشان اللحم يصير ترف ويدوب وانتي تاكلينه ويشرب كل البهارات الموجوده عدل

بعدين تشخلين اللحم تخلينه على جنب وتاخدين اللومي الاسود والطماط الموجود وتضيفين عليه رشة لومي اسود مطحون وصبي عليه شويه من ماي اللحم ودقدقيه اخدي شويه من هالخلطه وحطيه بمروق اللحم وخليه شوي يطبخ وصفيه وجبسي العيش بالمروق
حطي اللحم على اللومي الاسود والطماط وضيفي له بزار او بهاراتج وخليه على نار هاديه ياخد ريحة الخلطه وطعمها ولونها

وسوي الحشو بصل ونخي وكشمش وكازو على ماي مروق اللحم تكونين شايلته من قبل

وبعد ما يستوي حطي بويه جدر العيش نصه الحشو والنص الثاني اللحم مع خلطته وصكري الجدر وخليه هم شوي عالحديده على نار خفيفه خليه يتسكر

وادا ييتي بتنجبين اول شي شيلي الحشو بصحن واللحم وخلطته بصحن قلبي العيش اللي تحت فوق بس ديري بالج بطريقه ما تخلين العيش يتفتت

ونجبيه بقنجه وحطي الحشو فوقه واخدي بس اللحم بدون خلطته حطيه فوق الحشو

وبالعافيه

 

[الأميرة جوري]

تسلم ايدج..

 

[Snow angel]

يسلموووو ياقلبي

 

[جارة القمر]

مشكوووووووووووووووووووره



وتسلميييييييييييييييييييييين

 

[أحلى غزالة]

تسلم ايدج
بس موجنه وايد 4 ساعات على اللحم
اعتقد يتفتت
مشكووره،،​

 

[مدمنة ككاو]

تسلم ايدج

بس موجنه وايد 4 ساعات على اللحم
اعتقد يتفتت

مشكووره،،​

يسلمج حبيبتي

لا والله ما يتفتت على نار هاديه ويستوي عالراحه

 

[Killer^Girl]

تسلم ايدج

 

[أنهار الورد]

يعطيج الف عافية

 

[lamsety]

شغل عدل .. يعطيج العافيه

 

[بنت ديرة العز]

مشكوره

 

[فلفل اسود]

يعطيج العافيه

 

[• JoJo •]

مشكوووورة

 

[ساره ال محمد]

 

[قـطـوه فـوشـيـه]

يعطيج العافيه

 

[hatoona]

تسلم الايادي​

 

[مدمنة ككاو]

العفو

الله يسلمكم ويعافيكم

حياكم الله


اللي تقول وايد عاللحم 4 ساعات بالعكس خليه على نار هاديه يستوي عالراحه وياخذ كل طعم البهارات

بلعافيه عليكم

 

[الزهرة الخضراء]

يسلمووووووووووو

 

[ABEER FLOWER]

مشكوره

ويعطيج ألف عافيه

 

[نور العجمي]

يعطيك العاااافيه