السلام عليكم ورحمة الله وبركاته
اشلونكم بنات ... ان شاءالله بخير :ch12:
واضح من العنوان سويت لكم ردس لاخفاء الحواجب بشكل سريع
مع الادوات الي استخدمتهم
واسفه ع رداءة التصوير لانه شحن الكيمره خلص جااان اصور بالتلفون :eh_s(11)::eh_s(11):
انا ما احف بس اشقر ... والحمدلله مرتاحه ع ذي الطريقه وايد :eh_s(7):
طبعا تغطية الحاجب ما انصح فيها للايام العاديه يعني ماتغطين حواجبج الا اذا سويتي مكياج كامل حق اعراس او حفلات ... اما حق دوام او طلعه ... ابتعدي عن هالشي لانه راح يبين في شيء غلط بحواجبج..... ماراح اطول عليكم
صورة الحواجب قبل وبعد
نجي للخطوات
1_ الحاجب قبل عملية التجميل 
2_ نضع الصمغ ع الحاجب مع تمشيط الشعر ع فوق .. ثم نمرر اصبعنا ع الحاجب ... عشان ننوم شعر الحواجب <<< الاخت ما اقدرة تواصل باللغه العربيه :O_SHH_: خلونا بالعاميه احسن
3_ حطينا الكونسيلر دار مدار الحواجب يعني ع اطراف الحاجب من كل الجهات
4_ وعقب حطينا الفاونديشن ع كامل الوجه وما ننسى دار مدار الحاجب بعد
5_ نثبت الفاونديشن بلوس باودر ... افضل تستخدمون اللوس باودر الشفاف عشان يطلع نفس لون الوجه
6_ وبالاخير نرسم الحاجب بالشكل الي نبيه وانا فضلت اني اخليه عريض شوي من البدايه
الادوات المستعمله بالدرس
1_ الصمغ + الفرشه ... لاتستغربون من صمغ المدارس ترى اغلب خبراء التجميل الاجانب يستخدمونها لانها سهله بالاستعمال ... ويوم تغسلين المكياج يطير مع الماي مايحتاج فازلين او فكس نفس صمغ عجينة الحواجب ... والفرشه استخدمها لتمشيط الشعر ع فوق
2_ كونسيلر كريولاين ( الاستيك فونديشن ) وانتوا تقدرون تستخدمون اي كونسيلر ترتاحون له بس بشرط يكون قوامه ثقيل
3_ فونديشن ديرماكول وهم نفس الشيء استخدمي اي فونديشن ترتاحين له ..
4_ لوس باودر ... ما اعرف اسم البراند ومعلومه اذا ماعندج لوس باودر تقدرين تستخدمين بودرة الاطفال .. والبشره راح تتشربها بعد فتره
5_ جل ايلاينر بني غامق ... افضل براند لوريال + مبلين + فوريفر عندي
تعبت اتمنى تستفيدون من الدرس لاني صج تعبت وانا اعدل وانزل لكم الدرس
وبالاخير ما ابي منكم غير دعوه طالعه من اعماق اعماق قلوبكم :eh_s(22)::eh_s(22)::eh_s(22):
