مثبت وزن بعد السمنه

[دلووووعة نجد]

ابي مثبت وزن بعد السمنه اللي تعرف لا تقصر ابي مثبت لاني اذا ضعفت اضغف مره اكثر من اللي سمنته

 

[modern]

يعني قصدك دوا يثبت الوزن؟؟
انا برأيي انتبهي لوجباتك و غذائك و اشربي شاي اخضر

 

[شــــــــــــــوقــــه]

انتي يعني ضعيفة حيل و سمنتي و تبين تثبتين هالسمنة ؟

 

[i we]

اييه بنات حتى انا ابي شي يثبت وزني
لاني قاعده ازيد وزني والحمدددلله ماصدقت يزيد بالراحه
فما ابي تروح هالزياده :/

 

[شربـــات لـــوز]

اذكر لما كنت اروح لدكتوره التغذيه بشاير البدر قالتلي اذا ضعفتي راح اسويلج برنامج مدته 3 شهور عشان يثبت وزنج وماتزيدين

 

[sho-sho_93]

اذا ليقيتي قوليلي


ماكو شي بالدنيا الوزن لو كان فيه اكيد بيكون له اعراض جانبيه صدقيني اذا الي مسوين تكميم يمتنون مع المده تبين الي ضاعفين عادي مع الخربطه ما يمتنون !!

انا وحده كنت دبه وضعفت الحمدلله صج ازيد جم كيلو اذا خربطت وارد انتبه حق عمري المهم ما اتعدا وزن معين (مشالله ذكو الله )

جدامج حلين يا مثلا يوم تفتحينها وباحي الاسبوع رجيم انا ما اتوقع انه مناسب بس اسويها انا اذا لشهيه مفتووووووووجه يا مثلا الي اهو لايف ستايل واهو الافضل طبعا يا تحسبينه سعراتج الحراريه او في طريقه مقتبسه من د.عيدالله المطوع انا حربتها وايد تنفع ان مثلا تسوين ريوقج وغداج في نشويات مع مراعات الكميه حطي تحتها 100 خط يعني مثلا عيش اكلي مقدار طاسه روب ومع سلطه وايدام وجذي انتي ما حرمتي نفسج وحاولي كثر ما تقديرين تاخذين نشويات صحيه (توست اسمر - شوفان -خبز اسمر - عيش اسمر - باستا سمره - كونفلكس القمح الكامل او الاسمر ) او أي شي يكون اورقانك ومشي ساعه او نص ساعه و واذا تبين سناك بين اللغدا والعشا مثلا تفاحه برتقاله روب همممممم 3 تمرات عاد انتي وابداعاتج و اذا انتي من محبين الككاو اخذي النوع الي تبينه والي يحبه قلبج بس راعي السعرات الحراريه لا تتعدين 100 او كلش كلش 120 و العشا خليه خفيف سلطه وبروتين او فواكه او روب او واذا مو مثقله طول اليوم نوعي كورنفلس او بيض ....... طبعا ما اقدر احددلج لان ما احب احدد احب اكل الي جدامي السالفه نسبه وتناسب وكثري ماي لان ساعات اتكونين عطانه مو يوعانه بس المخ يرسلج اشاره انج يوعانه وكثري اعشاب جاي اخضر وابيض ولا تستخدمين سكر عادي و استخدمي منتجات البان قليله الدسم واذا رحتي مطعم حاولي تختارين الاختيار الاصح مثلا بدل البورقر المقلي اخذي مشوي او هابي ميل او سلطه


بأختصا حبي نفسج وصحتج واختاري الاكل الصحي كل ما يتي تاكلين تذكري ان شلون تعبتي عشان تضعفين ونصيحه خلي يوم زاوتكم مثلا اكلي غدا سلطه واكل بالزاوره الي نتبين

سوري قرقت عليج وايد بس حبيت افيدج

 

[الوناسة]

الحل انتج تسمرين على نفس أكلج

 

[sho-sho_93]

انا كتبتلج الي اتبعه ترا الخضره لازم باكلي اذا ما كانت صلطه اسويها حمسه وانا اخذ فيتامينات حق الشعر والجلد وانتي كيفج استشيري دكتور

 

[دلووووعة نجد]

اللي رديتوا مشكورين ما قصرتوا الله يعطيكم العافيه
sho-sho_93 فديتك ما قصرتي الله العافيه يا رب ماقصرتي

 

[شموخ المملكه]

طيب اختي شنو اسخدامتي وسمنتي ربي يسعدك

 

[متجر جنات عدن]

يعني قصدك حبوب ولا شنو بالضبط

 

[Nzzz'3a]

مافي شي اسمه مثبت الوزن


ٱ‏​نـِْ♡̨̐ـْتي حافضي ع نفسج
ولو تحطين عندج ميزان يوميا تقوسين الوزن
وديري بالج تهاونين من القرام والقرامين