متي يختفي حليب الام؟ صارلي خمس ايام

[عروسة داجه]

السلام عليكم بنات. شلونكم بغيت اسال عن شغلة حيل هامتني. انا ام جديدة و ودي ارضع طفلي رضاعة طبيعية لكن صارلي خمس ايام من ولدت و لارضعته ولا مرة و سمعت ان هالشي مو زين لان الحليب يختفي بعد فترة. و المكلة اني تعبانة و مرهقة حيل بسبب فقد الدم و بسبب الخياطة. فمادري شنو ممن اسوي عشان احافظ علي الحليب. و بنفس الوقت اعطي نفسي فترة نقاهة علي ما تتحسن صحتي. اقدر استفيد من تجاربكم؟

 

[<miss botamba>]

اذا ماتبين الحليب يختفي شفطيه وخزنيه بالثلاجه اذا كميته معقوله او اذا زايد بالفريزر

بس ترا الافضل انج من اول يوم ترضعين حتى لو تعبانه لان اول رضعه فيها ماده واايد مهمه للطفل ولمناعته

 

[engnera]

عصري صدرج وطلعي الحليب وعطيه بمميه

 

[Mednight Rain]

حبيبتي حليب الام يدر اذا حطيتي البيبي ع صدرج وكل ماحطيتيه ع صدرج كل مازاد الحليب وضروري ترضعينه اول الايام لان في مادة صفرا تنزل من حليب الام تسمي اللبأ سبحان الله هذي الماده لها فوايد وتزيد من مناعة البيبي
انا اول اسبوع من ولادتي حاولت ارضع وماطلع شي واهتميت باكلي وسوائل واايد والحمدلله طلع شويه
وشربي حلبة مع حليب وحاولي تنظمين وقتج ورضاعة الليل احسن
انا ع باللي الرضاعة سهلة بس بصراحة يبيلها جد اجتهاد
بنفاسي كنت تعبانه ومريضة وغير الناس اللي تزورني وقلة نوم والحين شوية شوي انظم وقتي واحطه من اولوياتي
في حبوب تساعد ع ادرار الحليباسمهاfitolat*

 

[AVE.NJ]

الله يعينج صج تعب بس متعه
حاولي لاتقولين تعبانه تراا لله يعطيج القدره بس انوي ترضعين

 

[ملح الدنيا فيني]

نفس الحاله

 

[رحيل المرافيء]

ترى الرضاعة زينة للام بعد ترد الرحم وتنقص الوزن وتعدل الهرمونات

 

[om MaRyooM]

عالاقل عطيه اول رضعة

ميخالف تحملي .. يعمري محد قال ان الولادة سهلة كلنا نكون تعابى وبنمووت بس كله بأجره

وييبي شفاطة حليب وحاولي تشفطين ..ولاتنسين الكريم للصدر عشان لايتشقق ويعورج من الشفاطة

ويقولون في اشياء تدر الحليب نفس الرهش والتمر والسمسمية

وحليب انشور من الصيدلية شربيه يزيد الحليب بعد