متي لاحظتي نتائج الجلسات التخاطب

[رتولة]

السلام عليكم
امهات عندي سؤال متي لاحظتي نتائج جلسات التخاطب مع ولدج او بنتج يعني بعد شهر ولا شهرين و لاثلاث انا عارفه انها فروق فرديه لكل طفل
وكم جلسه تخاطب بالاسبوع تاخذون
مده الجلسه كم ساعه ولا نص ساعه
شنو تعطي اخصائيه خلال الجلسه هو تريد كلمات مع العاب لتركيز وانتباه بس
بليز جاوبوا علي اسألتي ناطرتكم

 

[noha33]

النتيجة تبدأ تبين بعد شهر يعني أول تحسن بسيط
كان ابني ياخذ تخاطب مع سلوك لأنه كان ما يقعد وما عنده تواصل بالعين
البداية اصدار اصوات وبعدين كلمات وبعدين أغاني وبعدين قصص والحين ما شاء الله لسانه شطوله ما يسكت
بس هذا طبعا بعد سنتين جلسات تخاطب
مرتين بالأسبوع
الجلسة ساعة
الموضوع يبيله طولة بال وصبر
شفا الله عيال الجميع

 

[رتولة]

انا ولد اخوي ياخذ بالاسبوع خمس جلسات التخاطب في الاسبوع حاطيله كورس مكثف لمدة ثلاث شهور صارله شهر بس تحسن بسيط جدا
حرام زوجته تحاتي وملت تقول ميزانيه دخلت جمعيه عشان الكورس المكثف غير الحضانه
وبعدين مابدت اصوات علي طول كلمات يردد مع العلم احرف ماينطقها و مايحجي بالمرا
منو اخصائتكم التخاطب اذا ممكن

 

[noha33]

السلام عليكم
انا اتابع بمركز الرازي بالسالمية بآخر شارع بغداد
الأخصائية اسمها منى

 

[رتولة]

مشكوره حبيبتي علي تجاوبج و تفاعلج مع موضوعي