متي تبدا سوالف لشموع والفواحاات قولو تجاربكم

[الله يفرجه]

مرحبا بنات ابي كل بنت تحت تجربته عشان نستفيد

بنات متي احط لشموع والفواحات انا صارلي اشهر متزوجه والا سويت شي

عادي الحين والا لا وماعرف شي ساعدووووني بستفيد من تجاربكم

 

[الله يفرجه]

ااااااااااااب بنات اشدعوووووه

 

[رانس]

مادري بس احس توج عروسه خليها بعدين او كيفج انتي متى ماتبين حطي وموفقه يارب

 

[الله يفرجه]

الريال مو داري عني اي عروس راحت علينا ماكملت شهر صار شغله بسرعه بسرعه

 

[A7la-3roosa]

اب اب

 

[((shoOoshoOo))]

بلشي فيهم وربي يهدي زوجج

 

[شواخي]

عادي يعني كيفج

احنا نحط شموع وفواحات بالخله عادي

ديكور هذا مايبي له وقت وممناسبه

حسيتج تقولين متي احط مزهريه هههههه

 

[شغلي غير]

uppppppppppppp

 

[الله يفرجه]

مافهمتوني اشلون يعني احط وشسوي خلاص مشكورين ماقصرتو فدييتكم

 

[هيبة ملك]

مايبي. لها. فهامبه كم. شمعه. واختاري الشكل. اللي. يعجبك. وانت. وذوقج

 

[انسام الكويت]

دام انج عروس بلشي فيها باجر لي حملتي مع نسات والثقل والبيبي مراح تحصلين وقت تسوين هالسوالف

حطي شموع اتييج على اشكال مدوره او قلب حب عالطاوله او سوي حركه عالارض دشي قوقل وكتبي اكيد بيطلع شي يفيدج

وبالصور وطبقي مثلهم

 

[nutella22]

انا اقول من الحين قبل الحمل والثقل

 

[(*ام عهــــد *)]

الله يسعدج

 

[Laidy n3ooma]

عادي حطي باي وقت الحين العزابيات يحطووووون الشموووع مالها وقت هذي ادل على رومانسية الوحده

 

[كميليا]

حبيبتي الفواحات والشموع صار مالها وقت وبالعكس خليج على طوول شابتهم
انا عن نفسي كل يوم عقب الغدى اشب الفواحات
و بليل اشب الشموع اللي لها ريحه بداري تعطي جو رومانسي حتى لو مايصير شي
بس حلو و الرياييل يحبون هالأشياء و التغير 24 ساعه
** اعتبري الفواحه مثل البخور خلي مكانج دايما معطر

 

[مي دودي]

عادي الفواحه و البخور ب اي وقت عطري البيت بعد الطبخ و قبل لا يجي من الدوام بوقت يجي يشم ريحة البيت حلووووه والشموع بعد شغليهم ب اي وقت تسوي جو رااايق مالهم وقت

 

[مآيكبرني نك]

محد فهمهآ غيري ههههـ :/

قصدهآ آلليآلي الرؤمآنسية اللي فيهآ شموع وجو رآآيق وهكككذآآ

هذآ الله يسلمج متى مآصآر حيآتج صار فيهآ روتين قآتل

من بديتي تشمين ريحة الملل يعني , ونصيحة لآتكثرين من الليآلي الرومآنسية وآآيد

بتستوي آرف شي مكرر ! يعني خليهآ كل 4 آو 5 شهور

امآ بالنسبة لحآلتج آبدي فيهآ يعني بعد 6 شهر من الزوآج

وربي يجعل حيآتج سعآدة بـ سعآدة ^^

 

[احلى ـآ وحده]

حطي من الحين عيشي حياتج

 

[مكاييل]

بالنسبة لي متى ماصرت رايقة طقيت زيني وعلى سنقة عشرة بس طبعا لبسي بجايم بحكم اني حامل وبالثامن الله يهون علي وعلى كل حامل يارب ويرزق كل محرومة وحطيت شموع وفواحات واخذت راحتي بالسرير ومتى ماجاء زوجي جبت قهوتي او عصير مو شرط يكون فيه شي او لازم يصير اكتشفت ان هالحركة تجذب زوجي وتخليه يحكي لي كل اللي بخاطرة يفضفض يعني خاصه اذا كنت مسوية قهوة كابتشينوا ومن هالسوالف وصرت اعتمدها بالويك اند اغلب الايام يعني شبه روتين والحمدالله خفت المشاكل بينا

 

[modern]

ابدي من الحين