متينة و ابي اصير كشخة وستايل ... شلون؟

[donat]

السلام عليكم

بنات انا متينة وزني 100 و دايما ما الاقي لبس كشخة و ستايل يعني ستايلي كله قديم ويع (موديلات ابلة الناظرة) وييييع

مادري وين الاقي هدوم كشخة و ستايل حق دوام و طلعات عادية مليت من ايفانز و جيري ويبر و هالطقة احس اني جدة .....

لا تقولون ضعفي لاعت جبدي ماني قادرة لدرجة مفكرة اسوي تكميم .....:eh_s(2)::eh_s(2):

عفية اللي تعرف مكان ممكن الاقي فيه ملابس حلوة و ستايلهم يديد وحلو تقول لي بلييييييييييييز

 

[[كـالا]]

مالج الا انج تفصلين

انا وزني قريب منج .. وبالغالب افصل

 

[حبيبه جاسم]

طيب سووووووي ريجيم وحاااولي يكوون عندج اراااداه
وعزييمه وصدقيني مارااح تندمين بلا تفصيل بلا يحنزنون

وووودي لج

 

[الكيكه دندن]

بلشي امشي وتخفيف اكل وان شاء الله راح تضعفين وبعدها سجلي بنادي

وبالنسبه للملابس انتي ركبي ستايلات شوفي بموضوع انا هذا ستايلي ونتي شنو ستايلج في بنات متان وكشيخين ماشاء الله ساليهم من وين يشترون

بالتوفيق حبيبتي

 

[((رورو))]

مو شرط الكشخه للنحيفات بس لا حتى المتان بعضهم ستايل وهم سمينات
لا تتقيدين بالسوق جلسي على النت ودوري لج مديلات تعجبج وروحي فصليهم اغلب الناس طايحين في هذي الحركه حتى النحيفات صاروا يفصلون

 

[Om-BmbOSha]

في محل بالافنيوز اسمه افانز في مقاسات كبيره

بس نصيحه لج اللبس دايما يكون احلى على الرشيقه لانه يبين موديله

حاولي تضععفين

 

[Miss sensitive]

الله يعينج يا قلبي فعلا في محلات فيها مقاسات كبيره
حاولي بس ماتلبسين الضيج عشان ما يبين السمنه
كثري قطع الملابس تخش المتن شوي
بنطرونات الستريت ومن فوق قطعتين وسكارف

 

[واي بفضفض]

ظيم ماكو فاااايده ضعفي اي شي ظيم عليك

نصيحه سوي تكميم

 

[donat]

ظيم ماكو فاااايده ضعفي اي شي ظيم عليك

نصيحه سوي تكميم

صح لسانج

اي و الله ضين الضيم بعد
شريت رخيص ضيم - شريت غالي بالميات و هم ضيم - شريت كاجوال يطلع جني هندية كاشخه

ياريت ريلي و امي يوافقون على التكميم لاعت جبدي وانا اقنع فيهم :eh_s(16):و اهما :bbbiu: رافضين الفكرة شكلا وموضوعا وما عندهم الا كلمة صكي حلجج تضعفين

الشكوى لله :eh_s(2)::eh_s(2):

 

[donat]

الله يعينج يا قلبي فعلا في محلات فيها مقاسات كبيره
حاولي بس ماتلبسين الضيج عشان ما يبين السمنه
كثري قطع الملابس تخش المتن شوي
بنطرونات الستريت ومن فوق قطعتين وسكارف

مشكورة بعد عمري
بس اذا لبست ضيج بينت الصفطات و المطبات :eh_s(16): واذا لبست واسع صرت اكبر من عمري و احس اني لابسة بنجابي سيلانية :eh_s(11): والله توهقت بالمتن و المشكلة الكيلو تزيدينه بساعه و تنزلينه باسبوع وااااااااااااااي

 

[donat]

في محل بالافنيوز اسمه افانز في مقاسات كبيره

بس نصيحه لج اللبس دايما يكون احلى على الرشيقه لانه يبين موديله

حاولي تضععفين

انا زبونه ايفانز و حافظيني البياعين بكل الافرع :eh_s(16)::eh_s(16):

 

[brettey]

نصيحه ضعفي والله المتن انا جربته ويييييييييع
تخيلي انا طولي 154 ويوم تزوجت وزني 49 كله سمول واكس سمول وناسه البس الي ابيه وعقب ولدي الثاني بديت امتن سنه ورا سنه ليما وصلت 85 وييييع ما القى ملابس حلوه وشكلي كان حده xxxxxxxx تخيلي من عقب الضعف
والحين الحمدلله نزلت وزني صار 65 عقب مايبت ولدي الثالث والبس الي ابيه الحمدلله الله يتمم عليي
نصيحه قاومي وسوي رجيم

 

[أ.س.م.ا.ء]

لااااااااااااااتيأسين الي ضعفوا مو احسن منج ولا فيهم زود عنج بس عندهم اراااااااااااااااادة اكثر منج

وبالنسبة للملابس اتوقع تفصلين افضل ... شوفي المعارض وشغل البنات والي يعجبج سويلج اوردر

بس لا تكثرين لانج ان شاء الله بتنزلين وزنج وبتصيرين رشييييييييييقة بصحة وعافية باذن الله

 

[الدلوعه2008]

حبيبتي سجلي بالنادي

انا اعرف وحده وزنها كثر من وزنج تقريبن وزنها 400 تخيلي 3 سنين لقيتها رشيقه يمه يمه شهل الجمال

نصيحه مني لج سجلي بالنادي وشدي حيلج ووخلي لج يوم او يومين ستراحه احسن

وهم شتركي بالغداء يسوون لج مسج لشد الجسم بكبرها صدقيني بتنحفين ولا تفكرين ولا تحتين خلي مزاجج اوكي

سمعي كلامنا وخلي عنج تسكير المعده وخليج قويه ودخلي النادي وشوري رجالج


واذا ما تبين

حبوبه مافي غير انج تفصلين لج عبايه تبرز جسمج حطي فيها حركات شكثر مدرسات يلبسون عبايه فنتاق

مو شرط تلبسين بدله كل يوم يوم عبايه يوم بدله كلاسي يوم بدله رسميه جذي قصي لج خام وخمصي موديل من النت ومن المعرض ​

 

[ام بشار]

سكري حلقج وعيشي عمرج بعدين انتي عندج خيارين اختاري منهم تبين

متعت الأكل والجسم x:botetoo: ولا متعت اللبس والجسم سمبتيكة:rerrerek:

 

[ღfatoshaღ]

7boba mafi shi esma shofoli 7l el7l beedch enti lazm tsween rjeem la tsween tkmeem mafe faida etha mafe erada wlla mara7 ynf3 ana abi abda rjeem shraych nbde m3 b3th w ele tbi tdsh tdsh m3ana w nshj3 b3th shraych w nswe grup ​

 

[ولهااااانه]

شوفيلج موديلات وفصليلج

 

[FOZQ8]

والله انا شفت موضوع ستايلي وستايلج ... في عضوه متروسه مو متينه اسمها مس باتبوتا بالانجليزي ستايلها يهبل يهبل محترمه جسمها وتعرف اللي يناسبها ماشالله .. دشي الموضوع مثبت بقسم الازياء واخذي فكره

 

[جيرازksa]

حبيبتي انا كنت اكثر منك وزني 130 والحين 70 الحمدلله سويت عمليه تكميم المعده بسنه نزلت هذا الون

المهم انا كنت انيقه وكل الي حولي يستغربو تخينه وانيقه فيه محل اسمه ايفانز ماعرف عندكم منه او لا وبرضو سيتي ماكس في قسم المقاسات الكبيره

لاتفكري انك تخينه ومابتلاقي الي بنفسك اشتريه واذا مالقيتي تفصلي منه بس لاتحرمي نفسك من شي ابدا استانسي المتن مو عيب او حرام ياقلبي خليكي واثقه من نفسك

اذا بتسوي شي عشان صحتك مو عشان الناس

<<< ادري طولت عليكي بس انا تخينه سابقا ولله الحمد

 

[manooorii]

حبيبتي h&m الافنيوز في قسم حق المتان
وعندج new lock مقاسات كبيره
اتوقع next
ماركس وسبنسر

بس هذول اللي اعرفهم اتمنى اني اكوت افدتج