متى ينزل معاش المعلمات اليدد

[ام حساني]

متى ينزل معاش مدرسات الي داومو بشهر 9؟

 

[حنتوشه]

انا بعد تعيين يديد


اتوقع تنزل مع معاشات هالشهر


يعني 24-10


ما بقى شي

 

[fofowa_q8]

ينزل تاريخ 24 او 25 هالشهر ان شالله

وانا مداومه تاريخ 10/9 ولما دقو علينا الماليه سالته جم راح ينزل لي؟

قالي راح ينزل لج 1450

وقالي هالكلام اكيد ..

 

[[..كـــــرك..]]

شلون 1450 ؟؟ وانتي تعيين يديد ؟

 

[nero]

كرك

هذا معاش اكثر من شهر يعطونهم اياه دفعه وحده

 

[[..كـــــرك..]]

امبيه ليش شويه ؟

 

[fofowa_q8]

حبيبتي كرك هذا معاش شهر ونص تقريبا

اهم حاسبينه بالضبط على عدد الايام اللي داومنا فيها

 

[ع ــندك / خ ــبر]

والله تستاهلون اكثر ..


بروحهم كارفينكم

بعدين المدرسات اليدد من وين بيصرفون على الصف

تاخذوون من الوالد أو الزووج ؟


<< عليها اسئلة ^_^

 

[fofowa_q8]

اي والله انا من اول ماداومت لي الحين وانا اخذ من ابوي الله يخليه لي

والله احس فشله مرات بس شسوي خخخخخخخخخخخ

من وين اييب لهم حق الصف والدروس والنشاط

والطلبات اللي لها اول مالها تالي .. يالله ماباقي شي كلها جم يوم وينزل المعاش

 

[ع ــندك / خ ــبر]

امبيه

يعني انتي اللي تزينين الصف ؟؟ مو ابله قديمه

توج يديده شنو هذا

 

[سنـــــا]

بنات مو شرط ينزل عالشهر على حسب اذا وااصل قرار التعيين للماليه او للحين ماوصل ....انصحكم تراجعون الرواتب وتشوفون قراركم واصل ولا لا واذا لا وصلوه بايدينكم

 

[Om_Ksha]

مو ينزل بعد 45 يوم من التعين !

 

[fofowa_q8]

عندك خبر والله انا جهزت الصف مع المدرسه القديمه لان تقريبا دامت عقبها باسبوع

وشريت وحطيت وكنت اقعد برمضان لي العصر اجهز الصف شنسوي بعد ..

 

[fofowa_q8]

حبيبتي سنا احنا دقو على روضتنا الماليه وقالو حق الوكيله البنات اللي توهم متعينين

خيروحون البنك مالهم ويحولون حسابهم حق ( حساب متكامل ) لان وصلو قرارات تعيينهم

عندنا ونبي نصرف لهم المعاش لازم يكون بحسابهم تاريخ 24 او 25 من هالشهر

ورحنا البنك وقلنا لهم وحولو حساباتنا وقالو لنا بالبنك دقو على الماليه وقولو لهم ان حولناه متكامل

وخلصنا عشان مايعطلون معاشاتكم ودقينا وقالو اوكي ...

هذا اللي صار بنات انصحكم ادقون على الماليه او تروحون لهم وتتأكدون من سالفة المعاش

وهل وصلتهم كشوف التعيين اليديد ولا لا ولازم تسوون حسابكم متكامل على قولتهم ..

 

[سنـــــا]

اي اذا دقوا اوكي ,,,بس مو شرط بعد 45 يوم هذي فكره خطأ لان الراتب ممكن ينزل بعد شهر واحد بس اذا بياناتج كامله وقرار تعيينج وااصل لكن لازم تتأكدون اذا قراركم واصل ولا لا

 

[عطر الحروف]

انا زاد مصروفي بعد ماتوظفت

كل يوم رازه الوجه عند الحبيب

ابي المكتبه

بجيب هدايا
باجر علي القهوه وبجيب ستكانات ومطاطير للدوام وسله خفيفه
ابي طابعه وسكنر
ابي النجار بسوي ارفف للوسائل
لا هذا غير حطات الدوام
حطة صبغ وحطة مادري شنو
وانا حدي مفتشله من زوجي

الابلات الخبره قالوا ان معاشهم نزل بعد شهر ونص

الله يسهل