متى يردون ...

[_عذبة الأوصاف_]

السلام عليكم ورحمة الله وبركاته
يسعد صباحكم يآرب :chica:
بنات أنا جاني خطاب واهله جو عندنا وشافوني وكان يوم الأربعاء وإلى الآن ماردوا بإيه أو لا وأنا تعبت نفسيا ومليت من الانتظار والتفكير يايقولوا ايوه أو لا ..فحبيت أسألكم العاده متى يردوا

 

[Tom ♥ Jerry]

,


صبري بعد جم يوم .. و الله كريم

 

[google92]

حاسة فيج
قبل اسبوعين يالي خطيب
و لي الحين لا حس ولا خبر..
قلت بالطقاق دامهم ماردو وعلقوني جذي حتى لو دقو يبوني بقولهم مابي عووع تعبو نفسيتي علفاضي..
نصيحة لا تشغلين نفسج بالموضوع وخليها على الله..

 

[chalange girl]

الله يوفقج يارب

 

[Pinky -cat]

انشاله خيره باذن الله ، موفقة

 

[بنت والنعم فيني]

أنا نفسج من العام تقدملي واحد وشافني وقال أبيها وجوا الحريم وبعدها الرجاجيل وكلموا ابوي واخواني
وللحين لاحس ولاخبر
امي تقول عيب احنا نتصل دام ماردوا معناته ماكو نصيب
بس جد حركة بايخة وفيها قلة ذوق

.
.

انا اقول يمكن قاعدين يسألون عنكم
وكل تأخيرة فيها خيره ان شاء الله
ونصيحة طنشي ولاتهتمين
وان شاء الله اذا لج نصيب معاه بيردون وتبشرينا قريب

 

[fatma A]

حتى انا جذي يوم يالي خاطب بعدها ما اتصلو ولا شي قلت طنش خيره يمكن اتزوجه وابتلش فيه الحمدالله على كل حال ما تدرين شنو خاش لج باجر

 

[برنسس كاتي]

فيه ناس جذي يجون ويشوفون ولا يردون خبر !!
من الذوق انهم يتصلون ويقولون لو يبون او ماكو نصيب
انتي انطري جم يوم ما ردو خييره :eh_s(17):

 

[يتيمة جابر العز]

شوفي انطري يومين زياده اذا ماردوا معناته مايبوون وبالطقاااااااااااق حبيبتي

 

[فوولي]

نططري شووي

 

[زوجة عزيز]

الله يرزقج بالزوج الصالح اللي يسعدج ويسهل كل امورج

 

[Patcholli]

العاده يردون اما صاني يوم او ٣ ايام او بالكثير اسبوع

 

[oshi_q88]

يآآرب يردون وتفرحييين

 

[ماكواسم2]

اشصار طمنينه ؟؟؟

 

[Shinexo]

يمكن اول مره يخطبون وحاطين في بالهم ان انتي تردين عليهم ب اي ولا لاء مش اهم , في نآس جذي مايعرفون ترى جايين يخطبون يعني يبونج مش يفكرون .. بس تحسين عيب تتصلين تعرفين .... الله يكتبلج اللي فيه الخير

 

[ريتاج_90]

غريبه المفروض يردون لكم خبر
ماعليه حبيبتي لو انه الله كاتبه مٍـٍْ♡̨̐ـِْْنْ نصيبج
بيصيبج
واذا مو نصيبج الله بيعوضج باللي احسن منه

والله يووفقج

 

[قاهره عذالي]

يمكن جايين يتفرجون ويدشون كذا بيت بعدين يختارون

 

[تولة مسك030]

عااادي جدا
بالطقااااق والله اذا مايبوني
ههههههههههههه
انا قبل لا اتزوج يوني اثنين وطاررررو
عااادي
والثالثه ياني زوجي فديته ههههههههه
وصار نصيب
بس استخيري ووكلي امرج لرب العالمين
انا كنت استخير
واقول اذا فيه خير لي بييون وبيتم كل شي
واذا مافيه خير فالله يبعده عني
ونفس الشي استخرت بريلي وارتحت وصار نصيب سبحان الله
والحمدلله على كل شي

 

[تولة مسك030]

يمكن جايين يتفرجون ويدشون كذا بيت بعدين يختارون

ههههههههههههههههه
ضحكتيني
هههههههه تصير ترى
:eh_s(4):

 

[رنا 2012]

ادعي وقولي يارب ان كان لي خير وصلاح في هالرجال افتح في قلبهم لي وان كان مالي خير وصلاح اصرفهم عني