متى يتحرك البيبي ؟

[mahawy-q8]

مرحبا بنات شخبارك ..


انا حامل وصارلي يومين من دشيت الخامس ..


وموقاعده احس بحركه للبيبي ؟

سؤالي :

بأي شهر يبدي يتحرك البيبي ؟​

 

[نـور الكويت]

ياقلبي عسى الله يتمم عليج

بالخامس يتحرك يمكن توج داشه الخامس وإن شاءالله يتحرك ولا تحاتين ..

والله يتمم عليج ياقلبي

 

[سموره 87]

على حسب
انا بحملي بنتي تحركت اخر يومين بالرابع وفي ناس يتحرك البيبي نص الخامس

 

[memories*]

بالخامس يتحرك نطري بعد جم يوم

 

[دنيتى زوجي M]

انا تحرك البيبي باخر يوم بالرابع وكانت حيل خفيفه الحركه يعني حسيت بطقتين خفاف اخر بطنى

وشوي شوي قمت احس بالحركه اكثر وترى موشرط يختلف من وحده لي الثانيه لاتحاتين ان شاءالله ماكو الا العافيه

 

[(أم نونو)]

رد : متى يتحرك البيبي ؟

دكتورتي قالتلي اذا بجر ماتحسين بالحركه الا في اخر الخامس وانا حسيت بالحركه بص الخامس

 

[كويتيه مذهله 87]

علي حسب كل جسم

اذا شوي متروسه تتأخر شوي الحركه عندج
اذا بجريه نص الخامس

ويمكن يتحرك النونو بس ما تحسين لان اول مره وشي غريب ما ايي علي بالج ان هذي الحركه

 

[شوكة رنانه]

عادي لا تحاتين شي طبيعي يختلف من وحده لي وحده...

في بنات تبين معاهم الحركه مبجر وفي بنات لا..

انا بدت تقريبا من ثاني اسبوع من الخامس وكانت قلييييييييييله وكل ماتزيد الايام تزيد الحركه..

الله يسهل عليج ويتمم على خير

 

[ام كوشه منكووشه]

رد : متى يتحرك البيبي ؟

انا بنوتي باخر الرابع تحركت بس كان شي بسيط يادووب يتلاحظ

بس لا تحاتين ترا يفرق من وحده لوحده

 

[MissChoco]

انا حسيت فيها بالسادس لاني بجر ومااعرف اذا البيبي يتحرك او بطني غازات لوووول

 

[غاليه واتغلى]

حتى أنا بجر وتحرك باخر الخامس
حبيبتي آنتي نفسي لما سألت الدكتوره قالت لأنج بجر ماراح تحسين فيها الا باخر الخامس

 

[مجنونة بس عاقلة]

بالخامس
انتظري كم يوم لانك بكر وماراح تميزينها على طول

 

[كل الشكر]

رد : متى يتحرك البيبي ؟

تقريبا الأسبوع 17 او 18 تحس فيها الحاامل اكثر من بيبي


اما البجر فعبالها غازات او نقزااات... ما تحس الا اذا رفس بقوة وهذا نص بالاسبوع 21 او 22 تقريبا


جربي قربي كوشيه على بطنج - لميها- راح تحسين ان شا الله بشي يرفف عالخفيف

 

[جذابه بنت ذيابه]

رد : متى يتحرك البيبي ؟

بنص الخامس ياقلبي اذا انتي بجر ..

 

[KOKO_284I]

رد : متى يتحرك البيبي ؟

حبوبه الله يتمم عليج اهو تكون حركته الحين عباره عن نبضات خفيفه صوب السره بعدين على اخر الخامس او من نصه انشالله يمارس نشاطاته ويبلش تبوكس فيج ما يخليج اتنامين

 

[^noonaa^]

بالاسبوع 19 او 20

 

[BaTTy]

نفس ما قالوا البنات اذا بجر نفس حالتي فا اهوا كان يتحرك من نص الرابع او اخره بس انا عبالي غازات طلع اهوا يتحرك لول
لانه الحركه خفيفه فا تشكين
بس بالخامس يمكن نصه جذي لاا تأكدت انه هذي حركه لانه نفس الشي بس صارت على اقوى فا وضحت انها حركه
و انتي لا تحاتين شوفي لمن تسوين سونار سألي الدكتورة شلون الحركه

 

[LiL MaMa]

رد : متى يتحرك البيبي ؟

بنص الخامس

و مرات تكون حركته خفييفه كأنها غازات

 

[رفيف الخير]

حبيبتي لاتحاتين لان الحركات الاولى حيل خفيفة وان شاء تحسين فيها قريب

 

[الجفول&]

رد : متى يتحرك البيبي ؟

انا ثاني اسبوع من الخامس..