متى وقت التزاوج

[شيــوخه]

اشلونكم شخباركم

متى وقت التزااااوج حق القطاوه

عندي قطوتييييييييي ازوينه مو كبيره ولا صغيره صار لها جم شهر عندي بس الحين اذا صار الفير

تقعد بس اتعووووووووووووووووووووووووي اذبحتنااااااا يعني ودي اقوم مو اخبزها ودي اقوم انتفها والواحد نايم واليهال نايمين وهي تحننننننننننن

عاد قلت خنشوف ليكون وقت التزاوج خنيب لها ريلي ؟؟؟؟ مادري :dddds:

 

[M!SS CHARISMA]

هلا غاليتي تبدأ القطط بالزواج من عمر 7 شهور واحيانا 6 وكل فصيله لها وقت غير
تمر القطط الانثى بمرحله الشبق و التطور الجنسى يكتمل عندها من الستة الى عشرة اشهر .. ويمكن تتاخر شوي.. فكلما كان النوع اصلى احتمال تأخره يزيد

ومن هني بتعرفين انها تطلب التزاوج وهذي بعض علامات طلب الزواج لدى القطه :
1-تقوم بالتقلب على الارض مع المواء.
2-تورم الفتحة التناسلية للأنثى وانتفاخها وتصبح مبللة بالإفرازات المهبلية .
3- تغير واضح في سلوك الأنثى وتصبح قلقة وتزداد حركاتها في كل مكان وإذا كانت داخل المنزل تجري في قلق من غرفة إلى أخرى وتتوقف وتموء عند باب الغرفة أو الشباك وتتبول كثيرا, وتحك رأسها والخاصرة على قطع أثاث المنزل وذلك لنشر الهرمونات الجنسية حيث أنها بمثابة رسائل كيميائية تبعثها إلى الذكور للحث على التزاوج والجماع .
4-تصبح الأنثى أكثر محبه وعطف ورقة وكثيرة الاحتكاك بصاحبها .
اتمنى افدتج بشي حبوبه
تقبلي مروري

 

[Stay alive]

ماله وقت التزاوج
انا قبل عبالي فيه له وقت معين بس مع التجربه اكتشفت انه ماله وقت
مرات الذكر يبي التزاوج والنثيه ماتبي ومرات العكس مصيبه عيوا يتفقون هههههههه

المهم اشلون تعرفين ؟
انا اقولج
مثل اعراض قطوتج تغثج ودج تكفخينها ولما تمسحينها على ظهرها بترفعلج مؤخرتها فووق
اما الاعراض الجايده اللي لازم اتيبين لها عتوي انها زود على اللي قلته راح تتسدح عالارض على ظهرها وتتلوى

بس شوفي حقريها ولا تزوجينها اول ماتطلب التزاوج يعني على عمر 6 او 7 شهور لانها توها ماكتمل نموها واحتمال بالولاده تتعسر
صبري عليها وخليها ام 9 شهور وفوق افضل

 

[AmOoNa-]

اذا قطوتج صغيره تره طبيعي من يصير الصبح يقومون يحنون يبون يحوسون ويلعبون وياكلون لوتلاحظين من تقعدون معاها وتلعبون بتسكت

 

[شيــوخه]

مشكورين حبايباتي

بس يمكن تبي تزاوج لانه تتحكحك واييييييييييييييييييييييييييييد فيني وبزوجي

ومالها خلق تلعب مع اليهال على حسب يعني مرات تتلعب ومرات لا

وتحب شي اسمه نووووووووووووووم يعني الضهر تنام والعصر تنااااااام تنام وين ماتحطينها تلقينها تقط وجنها مريضضضه تتسدح

 

[Q8stylle]

وقت التزاوج شهر واحد وشهر 2

 

[lojeeen]

والله مثل ما قالت صريحه القطاوه مزاجيين يعني ما لها وقت من السنه تنشط عندها الرغبه بالزواج فأنتي احسن شي ربي عندج قطو ذكر اهو يعرف لها كل ما صرفت ههههههههه

بس لا تزوجينها إلا لي كملت التسع شهور ترى وايد شفت قطاوه شيرازيين تزوجو و حملو قبل هل عمر و ماتو من النزيف

 

[Stay alive]

دامها تتسدح وتبي النوم ماعتقد تبي التزاوج
لان لو تبي التزاوج راح تلاقينها بس تبي تنحاش فديري بالج لا تنحاش بالشارع عشان تتزوج من قطاوة الشوارع
ومن كثر ما تماوي احتمال تلاقين قطو شارع طاب في حوشكم تراها تناديه وعاد قطاوة الشارع ماتقصر ههههههه

بس مثل ماقلتلج فترة التزاوج بتلاحظين القطوه ودها تنحاش وانتي ديري بالج عليها بهالفتره لا تنحاش

 

[تمنيتك]

7
7

صارت بقطوتي السياميه قبل مع قطو شيرازي كان عندي بس طلع وصار من عيال الشوارع لوول يعني هم متعود علي مايخاف مني بس منعتهم وخشيت قطوتي واهي تعااني لوول اخر شي بعتها