متى نبدي نوكل البيبي وشنو نبدي فيه؟؟؟

[A7lam]

السلام عليكم

السؤال واضح وياريت ألقى جواب واضح: متى نبدي نوكل البيبي وشنو نبدي فيه؟؟؟

لان الدكتور قالي مو قبل ما تكمل 6 شهور بس البنية صايرة عصلة وما تشتهي الحليب

فيدوني الله يخليلكم عيالكم وأحبابكم

 

[mafio98]

اناعن نفسي وكلته لماكان عمره خمس اشهر بديت معاه بخضار سوتيه كوسه بطاط بس تذويقه شوي شوي قمت اعطيه روب وجم مرة عطيته معلبات تحصلينها بجيان من عمر 4 اشهر ماركة casion

 

[انوار المحبه]

من 6 اشهر يقولون افظل

 

[بشه المنفشه]

وكليها من 6 شهور مو قبل ديري بالج

وكليها نوع واحد خضار مسلوقة ( جزر، كوسا، بطاط بس ترى يسوي إمساك ) أوعيش مشخول ومطحون حيل ويكون رطب مو يابس واستمري فترة

وشوي شوي طحني العيش مع نوع واحد خضار أو نوعين خضار مع بعض و بالتدريج زيدي الأنواع

وتقدرين تبدين من المعلبات اللي فيها عيش مع فيتامينات وحديد مثل ميلوبا

يقولج العيش تبدين فيه قبل القمح أحسن لأنه نادر ما يسوي حساسية للطفل

 

[A7lam]

مشكورين ما قصرتو،،

بس نبدي من 6 شهور يعني مكملة ال6 ولا توها بادية ال6؟؟؟؟؟؟؟؟؟؟؟؟؟؟

 

[ام اغلى الناس]

نفس ما قالج الدكتور من 6 شهور
لا تستعجلين

 

[حب الرّمان]

عادي ابدي وعطيهاا انا كنت اعطي عيالي على الغده خضره مع بطاطا الحلوه (الفندال) وحط معااا عيش او معكرونه وافوحهم وينطحن بالخلاط

واعطيهم وجبة غدااااا عادي بعد التوست مع القيمرر وشويه مربه وااوو تدري شنووو يستانس عليها الياهل حق اليرووق

وتقدرين تاخذين تفاحه وقظيها من كل صوب بالسجين وحطيها بالفرن تفاحه مشوي راح تاكلها وتستسيغها تره

لان الجوو حار والحليب مايوفي ترااا ... ومع حليبتها حطي بسكوت تشووفينها عرووس يارب

 

[noorq8]

حتى من الشهر الرابع توكلينها ,شوية محلبيه وشوية كستر وتوسته وقيمر أو لبنه وخضار مفيوحه مع عيش مهروس .

 

[بشه المنفشه]

حب الرمان من صجج توكلين بنتج قيمر ومربى !! يا حياتي صج الحلو حق الحلو هههههههه

ترى المربى متروس شكر ما ينهضم والقيمر دسم وثقيل على معدة الياهل يعني حيل حيل تو الناس .. هذا ياله قريب السنة نعطيهم

 

[حب الرّمان]

لمن يكون ست شهور مره وحده ههههه والله سم الله عليهم ماصار فيهم شي خخخخخخخخخخ

والله انا عطيتهم خخخخخخخ

 

[دلوعة المطران]

انا بديت اعطي بنتي يوم كملت الست الشهور .. وبديت بالخضار المسلوقه (( بطاط وجزر وكوسا))

وتحصلين سيريلاك من 4 شهور على ارز .. جربي تعطين بنتج .. واذا انتي تعطين بنتج حليب صناعي انا سمعت عادي تبدين توكلينها من 5 شهور ..

 

[om__jana]

حبيبتي من تكمل 6 شهور ابدي معاها شوي شوي كل نوع بروح تجربينه 3 تيام وبعدين تغيرين النوع ولمن تتأكدين ان الانواع اللي جربيتيها ماسببت حساسية او شي تقدرين تخلطين الانواع مع بعضها

وهذا الموقع نزلت منهم كتاب الكتروني في كل شي يخطر على بالج وفي من 6-8 شنو الخضار والفاكهه والحبوب اللي تعطينه للبيبي وبعدين من 8-10 وبعدها من 10-12

من الانواع الاقل حساسية الى الاكثر واااايد حلو وفيه كل نوع من الاكل مفيد حق شنو وشنو الفيتامينات والبروتينيات اللي فيه ان شاء الله يفيدج

http://www.wholesomebabyfood.com/readyforsolids.htm

 

[om__jana]

اي نسيت اقولج وذاكرلج ليش مايوكلون البيبي قبل 6 اشهر
لأنه الامعاء تكون بعدها مو مكتمله فأي اكل غير الحليب راح يعتبره الجسم شي غريب فيحاول يقاومه على شكل حساسية او اشكال ثانيه عوار بطن- امساك -اسهال- ترجيع- حبوب بالويه الخ

وهذه النقطه مهمه

 

[A7lam]

مشكورين كلكم وما قصرتو،،

الله يخليلكم عيالكم واحبابكم،،

أحبكم وايد جنكم خوات واكثر

 

[صدى الأفراح]

انا ضد فكرة الانتظااااار للشهر السادس مع احترامي للكل والدكاتره كلمه وحكوها واعتمدوها صحيح هم خبره بس للامانه لو للشهر السادس بديتي مع البيبي أكل رح تلاقيه بصعبوه رح يبلع ورح يضل فتره عالأكل السائل وهيك غلط

انا بنتي من نص الرابع بدأت معها مهلبية نشا وحليب طبيعي لأنهابترفض الصنااااااااعي
وبعدها جبت رز الميلوبا من 4 شهور والخضار من 4 شهور مكتوب عالعلبه 4 شهور وبصراحه لااااااايعلى عمنتجات ميلوبا

ومن أول الشهر الخامس كل يوووووووووم خضار مسلوقه ( جزر وكوسا وبطاطا عاديه أو حلوه ) أسلقهم بماي وبس يستوي بالخلاط بحط معهم ملعقتين رز مطحون ولو مافي من بداية السلق حطي رز مصري عادي والله وربي شاهد صحتها روعه عليهم وكتير حبتهم وصارت لحالها بس يصير موعد الغدا تبكي واعرف انها جاعت وبدها تتغدى سبحانة الله الطفل بيفهم
والمغرب معلقة موز وقطعة تفاحه بغليها بالماي وبضيفها عالموزه مع شوي من ماء سلق التفاح
أو حبتين تمر منقوعين بماي حااااار مع ملعقة رز مطحون
أو بسكوته من ميلوبا خاااااالي من القمح والجلوتين من عمر 4 شهور بشوية حليب من حليب الطفل

انا بصرااااااااااااااحه بحب أهتم بأكل الطفل وغرااااامي اعمل وصفات مفيده والحمدالله بنتي عمرها ماشكت امساك أو اسهال او مغص وكل اللي بعطيها ياه من عمر 4 شهور وهي بالخامس
الله يحمي أطفالنا ويحفظهم لازم نهتم بأكلهم بعد تجربتي بابني تعلمت كنت بخاف أطعميه اي شي وماوصل عمره 5 سنين عمل 9 أسنان شيل عصب وبنج كامل يقبر قلبي من وقتها عرفت ان التغذيه بتلعب دور

 

[noorq8]

http://food.bdr130.net/3133.html
وبقولج شغله كلللللللللللللل دكاترة العالم ترفضها ..................انا من شهر ونص أوكل البيبي بسكوتة فارليز,

 

[a7la MUM]

انا بعد ودي اسأل ولدي توه داش الثالث اقدر اوكله شي خفيف يعني تذويقه؟؟

 

[Om_Ksha]

ومنكم نستفيد

 

[ام فطوووم]

امممممممممممممممممممممم
وانه بعد وياكم ابي استفيد بنتي دشت 3 شهور

 

[ام فطوووم]

امممممممممممممممممممممم
وانه بعد وياكم ابي استفيد بنتي دشت 3 شهور