متى فكرتي تفطمي طفلك وشنوالاسباب؟

[يااسمينه]

السلام عليكم
انا في العاده اطفالي بس يكبرون سنه وشهرين او ثلاثه بالكثيييير افطمهم لان الرضاعه الطبيعيه متعبه جدددا يتعلقون اكثر ويصيرون كل شوي يبون يرضعون وفي الليل تعععب ماعرف انام وارضع بالساعه الحين ولدي مابقى شي ويكمل سنه وشهرين وصاير يرضع اكثر من قبل يجلس من نومه عشان يرضع ولفتره طوويله وابي افطمه لكن كاسر خاطري ابي تجاربكم متى فكرتوا تفطمون الطفل وشنو الاسباب ؟

 

[M!SS.LOBY]

الله يحفظهم لج

 

[ام الحلوااات]

انـــا كــنــت مــخــطــطــه ارضــع لــســتــه شـهــور
بـــنـــتـــــي الــبـجــــر ثــــلاااث شــهـــوور وعـــاافـــت هـــي صــدري
نــبــي الــصـــنـــااعــــي كــلــه تـبـجــي ومــاتــبــي تــرضـعـه
بــنــتـــي الــثــانــيــه بـــس الاربــعــيــن وانــا اللــي قـطـعـتـهـا مـنـه

 

[اناظرك وكلي حزن]

انة فطمت بنتي سنه وشهرين لاني حملت واصلا شنو ارتحت لما فطمتها لاني ماكنت ارقد عدل صج الرضاعه الطبيعيه متعبه وان شاء الله مايضيع اجرنا عند رب العالمين

 

[أم دانـــه]

والله يا ياسمينه انا رضعت بنتي الاولى لغايه سنتين وشوي بعد
تصدقين مادري ليش ما حسيت ابتعب او شي
بس باجي اعيالي لا لا لا
حدهم شهر او شهرين وخلاص مادري ليش

 

[أم يزيد &سديم&]

أنا بولدي الأخير الحين بيكمل السنتين وأرضعه طبيعي وأعطيه صناعي وما أفكر افطمه إلا لما يكمل السنتين
بعد روحي
حزة الليل النوم اعطيه صناعي وطول اليوم لا طبيعي

 

[ghadeer212]

انا بنتي عمرها سنة وشهر وافكر افطمها لان ما تاكل وتقعد لي بالليل على طول

 

[أم يزيد &سديم&]

تحملي حبيبتي
كلها فترة وتعدي وتنسي
الألم ويبقى الأجر بإذن الله
أختي غدير

 

[يااسمينه]

الله يعطيكم الصحه والعافيه
انتظر البقيه ومزيد من التجارب

 

[orange blossom]

حرام رضعيه لي عمر سنتين
انا فطمت ولدي لمن صار عمره 10 شهور لأن الحليب قل عندي
و السبب الأهم انه قام واااااااايد يعضني

 

[قلب زوجي وولدي]

أنا واحد 4 شهور والثاني لي 5 أو 6 شهور تقريبا

والسبب الاساسي يرجع للدوام يتعودون عالصناعي بعدين ما يبون الطبيعي

 

[PinkLulu]

فطمته لما صار عمره 11 شهر

وما كان ودي افطمه...بس كان لازم آخذ دوا وما يصير آخذه مع الرضاعة

وكان يعضني وايد وكل فترة يلتهب صدري

فقررت أستغل الوضع وأفطمه...وكانت مرحلة صعبة وايد

 

[بنت المها]

انا ولدي الحين بيكمل السنه ومضطره افطمه لاني حملت
معور قلبي حيل وماني عارفه شلون افطمه وايد متعلق فيني

 

[سلاسل ذهبيه]

الله يخليه لج ماعندي خبره بهالمجال

 

[Habibat Abooha]

على حسب طبيعة ولدي متا ماحسيت انه خلاص اكتفى راح افطمه
مافكر افطمه الا بعد السنه
يكون اخذ كفايته
وايد قالوا اذا تعلق من البدايه راح يكون الفطام وايد صعب فمادري مافكرت بهذا الشي لانه مبجر
ولدي داش بالاربع شهور واحسه وايد متعلق بالرضاعه يرفض يشرب مميته
تعود اني اعطيه المميه عند النوم بس عشان تثقل نومته لا ويقصص بعد
ويبجي وحالته حاله حاولت اعطيه غير وقت نومته بس يعذبني
خصوصا مع الطلعه والروحه والرده وايد صعب بس شسوي تعلم جذي
الله يعين

 

[Q6RYA]

انا ولدي رضعته لين الاربع شهور وفطمته لان حليب صدري قل مادري لاني داومت والا بلشت رياضه وحزات احس الرياضه نشفت صدري وفي نفس الوقت غيرتله حلمة المرضاعه لسايز ميديم فيمكن تعود عالمص السهل مايبي يتعب نفسه مع الصدر مادري الصراحه وايد اشياْ صارت مع بعض ةناويه انشالله اذا جاني بيبي ثاني ارضعه لين ال6 شهور عالاقل

بس الصراحه من فطمته حسيت نفسي شنو فررري ههه سافرت جم يوم مع ريلي وصار وقت الرضعه اقدر اخلي حد غيري يعطيه مب متقيده يعني بس سبحان الله كلشي بأجره ةالحمدلله علي كل حال