متى حملتي بعد بجرج الأول ...؟؟

[سعادة قلبي وياه]

هـآآآي بنـات ..

شخباركم ياحوامل ...؟؟

العنوان واضح متى حملتي بعد بجرج الاول بعد كم شهر او سنه ..؟

شلون قدرتي على تربيتهم اثنينهم وهل في صعوبات افكر احمل من يديد لانه

ومن فيكم جرب الجدول الصيني اسمع امس صديقتي تقول مجربينة اهلها وضبط معاهم ..!!!

انتو شرايكم من جرب :eh_s(10)::eh_s(10):

 

[ملح الكون]

انا اول ماتزوجت حملت وقعدت سنتين والحين حامل واذا ولدت بالسلامه ان شاء الله بينهم سنتين و8شهور ..

مادري شلون تكون حياتي مع طفلين .. بس اولد اقولج ..

 

[ماي زهر]

عادي حبيبتي العيال حلوين لا تاخذين موانعو الله يعينج على تربيتهم و كل ياهل رزقه معاه
الله يرزقج و يرزقنا و يرزق كل من يبي عيال

 

[طموحه بزياده]

اتوقع احسن شي لما يكمل سنتين تحملين عشان لي ولدتي صار عمره 3 سنين شوي شايل نفسه

 

[ككوته]

عمر ولدي سنه وشهر حملت ان شاءالله لمن اولد اقولج بس انا شفت اختي يابت عيالها ورا بعض تعبت وايد بالتربيه

 

[om_saleem]

تزوجت ٢٠٠٣ وفكرت اني احمل ب٢٠٠٥ ومن قررت الحمدلله الله كتبلي الحمل بسرعه بحمالي الثاني سنة ٢٠١١ يعني لما صر عمر ولدي ست اسنين حسيت بوناسه وجني بجر لان ولدي كبر ويفهم كل شي وما ياذيني وشايل نفسه مثل ما يقولون ولما ولدت متقبل الوضع وبالعكس يبدي اخوه على نفسه الحمدلله وطبعا الحين اهما عصابه مع بعض يلعبون وازعاجهم ولويتهم ولا جنه في بينهم فرق سنين والكبير ما يلعب مع عيال عمه الي كبره الا لما يلعبون اخوه ويدافع عن اخوه ويحاميله و و و و .. الحين عقب سنتين ونص حملت وطلعت روحي لان حسيت حيل مبجر بالغصب قطعت المميه منه والحين اهو بعمر لازم يقطع البامبرز بس مع الثقل حيل طولت وماقدر بالسباحه اتعب معاه بالغسيل كذلك .. وحتى لما العب معاه خاصه اهو صبي يعني دفش نوعا ما اخاف يطق بطني او ينط عليه .. حسيت ظلمت الياهل الثاني ماعطيته حقه .. غير جذي بالحضانه البجر كنت اعلمه وادرسه وكل شي الحين مالي خلق اعلم الثاني وادرسه يالله اخلص واجبات العود علشان انسدح .. احسن شي بين كل ياهل وياهل خمس ينين اذا عمرج صغير وماتبين يهال وايد .. هذا الشي طبعا رايي وشخصيتي وطاقتي بس في حريم مشاءالله يحبون اليهال ويوفقون بين التربيه والحمل واللويا وطاقتهم اكبر

 

[@سيدة نفسي@]

ياحبايبي صج حلو ان تخلين فچة بين جاهل والثاني بس على فكرة انتوا تكبرون ماتصغرون

اذا بتخلون ٦ سنوات مثلا بينهم يعني عشان تجيبين ٣ بيكون عمر البچر ١٨ سنة والصغير بيحتاج

رعاية ١٨ سنة ثانية .. احنا بشر مو ديناصورات والرسول عليه الصلاة والسلام قال تزوجوا الولود الودود

 

[سمراء كالخمري]

اهوو حلاته بين كل ياهل وياهل سنتين او ثلاث علاقل الياهل الثاني يمشي ويقطع حفاااظه ومميه بس مشكلتي انا حملت على بنتي واهي عمرها بالشهر يعني على ولادتي اهي عمرها سنه ونص الله يعيني صراحه صايره حنانه والا تلزق فينني ماتبي احد غيري :eh_s(11):

 

[روان_الكويت]

حلاته اول اثنين ورا بعض بعدين حطي فجه بس مو اكثر من ٣ سنين
يبيهم وانت صغيره لان لي كبرتي بتتعبين اكثر جيبهم وربيهم مع بعض
واذا كبرو ترتاحين

 

[الزيـــــ^^ـــــن]

لما كمل ولدي سنه و3 شهور حملت الحين

تعب والله حلاته ال3 سنين عقب تحملين

الله يتمم علي ويعيني على تربيتهم

ان شاءالله حاطه ببالي بعد ولادتي نو وي حمال لين يدش الروضه

 

[حبيبي مالكني]

لما كملت بنتي 3 سنوات حملت عليها
وعقب ماصار عمر الثانية 5 سنوات
يبت بنتي الثالثة
انا اخب اهد فجه بين عيالي ارتاح واهم ياخذون حقهم من الرعاية والاهتمام

 

[انتيكا]

بعد سنه احسن عشان تصير اعمارهم متقاربه ويصيرون ربع

بس كل شخص واللي يريحه وظروفه الشخصية

 

[طير يحب سجانه]

يوم كملت بنتي 3 سنوات بضبط بنفس الشهر
حملت والحين بشهر الرابع والله رزقتي ثوام
دعواتكم ليي بساله وتيسير الحمل لانه حمل الثوام حيل متعب

 

[أم مهره وميثاء]

سنه وشهر

 

[بنت الامارات-]

كان عمره 3 شهور وبالغلط صار وصراحه تعب
وااااااااااااااااااايد الافضل كل ما واحد يدش الروضه
ييبي ثاني لن اللحين ماشاء الله صغار يدخلون

 

[أمورته]

للحين بجريه
بس سنتين ثلاث وتحملين حلو عساس يكونون قراب بالعمر والاول بدء يشيل نفسه
بعدين توقفين لما يدشون مدرسه

 

[بنت الامارات-]

----------

 

[بنت الامارات-]

--------

 

[نزغه]

رفع

 

["*آآآنؤؤؤقهـ*"]

الله يرزقج باللي تتمنين����