متى حملتي؟؟

[المدينه الفاضله]

السلام عليكم ورحمة الله وبركاته:blueSmCLR:
انا عضوه يديده معاكم....متابعتكم من زمان بس هالسؤال خلاني اسجل^^​

بنات انا عروس عرسي بعد شهرين الله يتمم على خير"ادعووووووووووووولي":eh_s(22):
وصراحه ماودي احمل بالبدايه ..انا ادرس بكليه علميه صعبه وعندي ظروف اقوى من الدراااسه
ماودي ابووح فيها
فسؤااالي>>ما بغيتي
منو خذت حبوب ببداية زواجها ...او اللي مجربه دكتووره زينه تقوولي
اذا فيه طرق ثانيه غير الحبوب يا ليت تفيدوني
بنات بليييز لا تخرعوني:eh_s(11):اللي عندها تجربه شخصيه تقولي لا تقولون سمعنا فلانه وعلانه حتى انا سمعت شكثر..بس ابي تجاربكم بليييييييييز لا تخلووني

 

[المدينه الفاضله]

بنات بليز لا تطنشوون.. والله احااااتي حيييييييييييييييييييييييييييييييييييييل

 

[ليان]

ياحياتي ياقلبي

الله يوفقج ويسترج ويهديج

تفكرين بإنج ما تحملين علشان الدراسه

يا قلبي الشئ هذا تقدرين تتحكمين فيه انتي وزوجج

تقدرين تاخذين حبوب منع حمل بس لا اطولين وانتي مانعه روحج من الجهال

والله يكتب اللي فيه الخير لكم

 

[๓ίşś зśŏłả..!]

والله مادري الحبوب مو زينه راح اتأثر عليج
وانتي توج عروس

 

[دآنة آلرشآيده]

نصيحه لاتاخذين الحبوب
بدايه زوجج تسبب لج عقم

انت توج ماتزوجتي ماتدرين يمكن
ريلج يبي عيال

الله يوفقج ويسعدج
ويهنيج ان شاء الله​

 

[كادى الحب]

نصيحة لاتاخذين الحبوب مضرة وخليها على ربج

 

[ام بوحنة]

هذا لازم بالاتفاق مع ريلج
لانه جربت طريقة العد
وايام التبويض كنا نستخدم الديوركس

والحبوب سوت حق رفيجتي عقم لمدة سنة

 

[نـوارة]

اتبعي الطرق الطبيعية ولاتاخذين الحبوب مو زينة للبكرية

 

[ملوكـه]

لاتاخذينهم
يسببون لج ضعف
عاد بعديييين تعالجين ...

 

[@الليدي لين@]

مانعي طبيعي احسن و لا تاخذين حبوب مو زينه اول شي وانتي ما حملتي ولا مره


والله يوفقج *

 

[الخاتم الذهبي]

نصيحه مني لاتاخذين حبوب وانتي ماتعرفين وضعك بالحمل

جربي اي شي غير الحبوب...اكثر البكريات يمتنعون عن الحبوب لعدم معرفتهم المسبقه بحالت جسمهم في تقبل الحمل فلا تسوين مشكله من لامشكله خصوصا ان الحبوب تاثر على مبايض

ان شاء الله اكون افدتك

ومبرروك مسبقا

 

[Q6RYA]

انا لما كنت متزوجه كنت متخوفه ان يصير عندي عيال على طول مع ان ماعندي ضروف تمنع واسمع سوالف البنات (المو معرسات ومايدرون شالسالفه) الي مالها معنى خذي حبوب استانسي مع ريلج اول ومادري شنو يعني جنه الياهل بيسببلج تعاسه

وبعدها يبت طاري الحبوب جدام امي وخالتي والعنو شكلي هههه قالولي وخري عن هالسوالف وايد خطر تاخذينه عالبجر ويمكن يسببلج عقم والصراحه اعرف بنات كانو ياخذون والحين مب قادرين يحملون وبعضهم بالعلاج وانا تزوجت صارلي الحين 5 شهور ما استخدم اي موانع بس ماحملت ترا اليهال بيد الله رزقتهم يعني الله سبحانه وتعالى حكمته عرفي اذا عطاج شي معناته بوقته وانتي مستعده له

بس اذا انتي عندج ظروف وانا اعرف شلون ظروف الجامعه والدراسه اتفقي مع زوجج بالاول انج تبين تنطرين شوي وحتى لو انج بتحملين وانتي تدرسين حاولي تخلين وقت ولادتج في الاجازات او بعد التخرج اهم شي تكونون على صفحه وحده واتبعو (الوسائل الطبيعية) عشان ماتسببين لجسمج مشاكل ترا والله الحبوب (بكل انواعها) لو تقرين الاعراض الجانيه عليها تموتين خوف الله يحفظنا

عالعموم حبيبتي اسمحيلي طولت عليج والف مبروك الزواج والله يوفقج بزواجج ودراستج ويزقج الذريه الصالحه الي تفرح قلبج

 

[المدينه الفاضله]

يعطيكم العافيه كلكم...
سوري توني ارد علييكم...والسبب الدراسه والله بنات ما عندي وقت كللللش هذا وانا بنت شلون لو تزوجت وعندي يهاال >>الله ييسر
...دائما اسمع ان الحبوب تسوي عقم بس لما اشوف هالممثلات الوحده تقعد جم سنه بعدين تييب عادي ...عندكم حليمه كاهي حملت وفي ممثله سوريه ما يحظرني اسمها كانت تاخذ الحبوب مدة 7 سنوات>>فيس مبقق عيوونه ..تخيلو والحين ما فيها الا العافيه​

...زوجي ما عندي مانع انا نأجل الفكره اخته قالتلي..بس المشكله انا ما احاجيه ولا اشووفه كلش..عرفتو
ف فشله اصدمه اول يووم موانع طبيعيه والعد اعرف نفسي اخذ شهر وانا ما تحجيت..فما ابي اتحسف بعدين باخذ حبوب جم شهر بعدين اتفق معاه على العد وجذي>>مع اني ما ادري شنو العد اصلا مو فاهمه بالضبط..شهالهبله=) بس قوقل ما يقصر اذا فضيت بشوف شلون الطريقه....
قطريه: يعطيج العافيه حبيبتي..والله يبارك فيج ويوفقنا اجمعين ويرزقنا بالذريه الصالحه السليمه المعافاه
الخاتم الذهبي:مشكووره حبيبتي والله يبارك فيج
الليدي لين:ما قصرتي حبيبتي والله يوفق الجميع
ملووكه:الله يكافينا الشر وما قصرتي حبووبه
نواره:يعطيج العافيه
ام بو حنه: ما قصرتي حبيبي
كادي الحب:الله كريم =)..ومشكورهحبووبه
دانة الرشايده:مشكوره حبووبه والله يبعد العقم عنا وعنج
مس عسووله: مشكووره حبيبتي
ليان:اي والله يا اختج مأثره علي بشكل مو طبيعي هالدراسه ..الله يوفقني واعدي هالسنين على خير وما تأخر..ياااارب
ومشكوووووه حبيبتي

​

 

[noo7a]

مثل ماقالولج البنات
لاتاخذين الحبوب من اول شي
لان انتي ماتعرفين طبيعه جسمج
وعن حليمه معروف انها حملت من بعد علاج ماتشوفينها شلون انتفخت مره وحده من العلاج والله يثبت لها جنينها

 

[Q6RYA]

حبيبتي انتي ماتعرفين هذيله شنو مرو فيه عشان يردون يحملون مستشفيات وعمليات وماتعرفين شنو المشاكل الي راح تصيرلهم في المستقبل والله يحفظ الجميع انشالله واذا عالدراسه انتي مب اول وحدة تحمل وتولد وهي تدرس وكاهم كلهم تخرجو ماشالله وانتي انشالله عندج خواتج وامج او اهل زوجج كلهم بيقفون معاج ويساعدونج انشالله

وبعدين حبيبتي انتي علي اي اساس تقولين ان فلانه مافيها الا العافيه اشدراج ان ماتيها حالات صداع قويه او انتها ماتقدر تنام بالليل حالها حال الناس لا تستهينين بنصايح البنات ترا كل شي يتعوض الا الصحة *

 

[فرااااولة]

ماله داعي حبوب
مانعوا طبيعي

انا من اول ما تزوجت حاولت احمل وما مانعت وما حملت الا عقب سنتين ، عيل لو كنت امانع جان علوم لووول

وبعدين جم سنة باقيلج عالدراسة

 

[المدينه الفاضله]

والله خرعتيني يا قطووره^^
اهلين ستروبوري"...باجيلي 3 سنين=(
وبالهثلاث سنين يوووووووووميا اداوم من8 الصبح ل4 العصر تخييلي.!!!
الريال يدري وما عنده ماانع يتحمل كييفه؟؟
اما لو يبت بيبي حرام متى يمدي اجابله..يالله يمدي ارد واجابل الريال ودرووسي
..الله كريم وييسرها ان شاء
...بس انتو ادعووولي

 

[انجبر قلبي]

حبيبتي والله كان ودي افيدج بس ما اخذ حبوب انا بجرية وقالولي لا تاخذين مانع وانتي بجر تأثر عليج حق الحمل بعدين انا هذا اللي نصحوني والله بس ما جربت الحبوب وما انصح فيهم بصراحة لأنج مهما سويتي ان ربج كاتب لج عيال بيعيشون حتى لو ماخذه مانع سبحان الله
انا رفيجتي قالت مابي احمل من اول شي وخذت حبوب مانع وسبحان الله حملت على طول مع انها تاخذ المانع لان فيه شي تاخذه او حبوب كلتهم ما ادري أبطلت مفعول المانع شوفي لان الله كاتب لها تحمل بهالوقت بطل مفعول المانع وحملت
واللي قالت ابي اتزوج عشان احمل كاهي 8 سنين متزوجة مالله رزقها بيهال
انشالله الفال مو لج بس انتي ماتدرين شنو طبيعه جسمج
وترى ثلاث ارباعنا حملنا واحنا طالبات وانا حملت وانا طالبة وتوني عروس ما صارلي وما توقعت احمل من اول شي ماشاءالله
بس انا متأكدة مدام ربي كتبلي فهذا الاخير لي واذا مو قادره تحملين وتدرسين خليج مالجة على ريلج ولا تروحين عنده الا بعد سنة او سنتين
وبعدين يا قلبي مجتمع الممثلات والمغنيات كله مو صج يقعدون يألفون على راسج يمكن اهي كانت تبي تحمل والله ما رزقها وقالت انا اللي ما ابي ويمكن ويمكن ويمكن ............ العلم عند الله والا اللي تسمعينه كله حجي حتى لو طالع منهم نفسهم
وانتي توج تقولين مابي احد يقول فلان قال او سمعت فلان تبين تجارب فلا تسمعين تجارب الممثلات مو شرط يكون صج
انتي ادعي ربج يسهل امورج ويوفقج بدراستج و يرزقج بالحمل ان كان فيه خيره لج أو يأخره ان كان خيره لج الدعاء الشي الوحيد اللي يرد القضاء والله يوفقج ويرزقج اللي تتمنين انشالله​

 

[المدينه الفاضله]

وااااااااي انجبر قلبي والله جبرتي قلبي..الله يجزاج خيير كلااااامج حيييل اقنعني
وانا قررت ان شاء الله اني ابتعد عن الحبوب والله يكتب اللي فيه خيره ان شاء الله
بحاول اسوي موانع طبيعيه على قولة البنات
....والله لا يحرمني من الذريه ان شاء ويرزقني ويرزق بنات المسلمين اجمعين...