متى تنتهي مرحلة الخطر ان شاءالله ؟

[الله يحفظ امي]

السلام عليكم ورحمة الله

شلونكم صبايا ؟ اخبااااااركم واخبار الحمل معاكم ؟؟

الحمدالله انا الحين وصلت الاسبوع العاشر لكن ؟؟؟؟؟؟

ينزل علي دم وافرازات الحمدالله على كل حال ..

الدكتوره قالتلي راحه تاااامه من السرير للحمام ومن الحمام للسرير وممنوع كل شي ..،

انا بدت معاي الافرازات البنيه من الاسبوع السابع تقريبا ووقف اسبوع ورد نزل علي دممممممم

صرفتلي حبوب مثبت صارلي اكلهم اقل من شهر وتو اصرفتلي لما نزل الدم تحاميل cyclogest تكرمون احطها من الشرج بس تعوووووور بالبطن من تحت وسوتلي اسهال عزكم الله ...
الله ياجرنا ان شااءالله ...

اكيد الف وحده صارلها مثلي ..

بنات ابي تجاربكم متى اصير انسانه عاديه اتمشى ع راحتي اطلع السوق ارفه عن نفسي متا يصير عادي جماع سوري بس اقصد متى تصير امور الحياه طبيعيه ؟؟

الله يثبت حملي وتقر عيني بشوفته كامل لافيه لازياده ولا نقصان حسن الخَلق والخُلق قوي الدين والبدن والله يثبت حمالكم ويرزق المحروم ...
اللهم اني استودعتك مافي رحمي تستغة اشهر اللهم واجعله من الذريه الصالحه الباره واعني انا وابوه على تربيته التربيه اللتي ترضاها يا كريم ...

 

[شنوووفه]

ربي يتمم عليج انشالله بس تخلصيين الرابع كل اموورج زيينه بس دام ليلحين ينزل علليج دم ديري بالج لاتتحركين واايد ولا تصعديين سلم :>
موفقه

 

[الله يحفظ امي]

جزااااااج الله خير شنوفه ما قصرتي
الله يتمم على خير :*

 

[Meeesh]

هو اهم شي تعدي فترة ال 3 شهور على خير
واذا دخلتي الرابع ان شاء الله الخطر يروح

 

[H&M love]

بعد الاسبوع ال١٢ يتحدد كل شي
و مرات باباسبوع ال١٦

الله يسهل عليج و يثبته يارب

 

[الله يحفظ امي]

فديتتتكم ماااا قصرتوا
جعلها الله في ميزان حساناتكم :*

 

[&هند&]

حبيبتي الله يتمم لج وفترة الخطر تخلص لما تدخلين الخامس ان شاءالله ،،،

 

[ام فوااز]

الله يثبته لج يارب وتقر عينج بشوفته
لاتتحركين ارتاحي لين ترتفعين

 

[Eng.Kokoro]

الله يثبته وتفرحين بشوووفته ياااارب

 

[@ام يوسف@]

الله يتمم لج على خير ويثبته

 

[غيرتي نار]

لاتحاتين ان شالله بتعدي علي خير انا الحمل السابق ديما اشوف دم بعد الجماع لونه احمر فاتح والحمدلله تمت علي خير لازمي الاستغفار

 

[أم ملاس]

الله يتمم عليج حملج ...وتقر عينج بشووفه وحضنه

 

[الحلوه معاكم]

السلام عليكم بنات
طبعا ثير منا يعرف موقع روعة السعادة الزوجية النسائي
الى اصلح كثير من الامور الزوجيه والاسريه وحل اكثر المشاكل العامه والخاصه
مابي اكثر عليكم بالكلام بس ابي اطرح لكم رابط المنتدى حق لى ماتعرفه

ومحتاجه لحل مشكلتها الزوجيه او الخاصه او العامه
والتثقيف الزوجي بكل اموره ​

اضغطي هنـــــــــا روعة السعادة الزوجية النسائي​

 

[غند-777]

الله يعينج ويثبت حملج الله كريم بس ديري بالج لا تحركين واستمري عالادويه وباذن الله تخلصين 20 اسبوع او 16 اسبوع ترتاحين بس مو تضغطين على نفسج يعني التمشي نفس قبل انسيه ممكن بعد الاسبوع 16 تقدرين تمشين بس مو حيل الله يعينج مريت نفسج يوم كنت حامل بعيالي والحين اختي نفس حالتج

 

[عناقيد الجنه]

نفس حالتي وانا بالاسبوع العاشر بعد
بس أنا معاي إفرازات بنيه وهرمون الحمل عندي نازل
وصفلي الدكتور تحميلة بس بالفتحة التناسلية مؤ الشرج
أنا بأمريكا حاليا وأراجع عند دكتور أهني
مرحلة الخطر تنتهي بنهاية الاسبوع ١٤
يعني على بداية الرابع تقريبا على كلام الدكتور
عسى الله يثبت

 

[سوزي الشرقية]

اهم شيء تلتزمي بكلام الدكتورة لش وهم بالعاده يقولون مرحلة الخطر هي الثلاث شهور الاولية من الحمل ..........الي سهل علي ال3شهوريسهلها عليش يارب ياكرم

 

[الله يحفظ امي]

جزااااااااكم الله الف خير