متى تغسلين اقدامه-----

[أحبك أمي]

السلام عليكم
اليوم حبيت اطرح موضوع اعجبني وحبيت انقله لكم
واسمع ارائكم
للامانه الموضوع منقول للفائده:eh_s(7):

سؤال خطر في بالي
متى تغسلين [URL="http://forum.z4ar.com/f140/t187889.html"]اقدامه [/URL]...........؟
نعم اقصد زوجك​

هل طلب منك يوماً ان تغسليها بالماء البارد اذا كان متعب ؟
ام انك ستبادرين الى ذلك بدون ان يطلب اذا شعرتي بالارهاق عليه ؟
هل تشعرين بان ذلك اهانه لك ؟
ام ان مثل هذا الطلب سيسعدك ؟​

اسئله لمعرفة اجابات حواء في مثل هذا الوقت
لا تحرموني من افادتكن اخواتي

​

والموضوع للتسليه فقط​

الان تفضلوا اليكم المايك

 

[انا لحبيبي .]

مافيها شي الزوجه تغسل رجلين زوجها ، خصوصا ازا كان الزوج منيح مع الزوجه ومقدرها

 

[رق رق]

اذا يه من دوام اييب طشت فيه ماي بارد وثلج ، واول مايفتح الباب ، اكته عليه عشان ينعنش ، ويحس بالبروده من بعد الشمس الحاااره . 
اتغششششمر اتخيلوو اسويها شنو تتوقعون رده فعله هههههههه
لا بس سج ، انا بعض المرات اييب طشت ماي دافي وملح خشن ، وانقع اريوله وبعدين اغسلها بالصابون ، وبس *

 

[أحبك أمي]

يسلموا
انا لحبيبي -رق رق
وبارك الله فيكم
وهذا من باب المحبه للزوج اذا كان يستاهل طبعا

 

[غبيشة]

كنت شارية طشت المساج حق الريول اول فترة زواجنا كنت انقع اريوله في الماي وبعدين اسحل اريوله وبعدها اقص الاظافر واحط كريم منعش للرجل بس يبت عيالي وقفت خلاص راحت ايام الغنج والدلع وسويته مرة لان مشى فالستنر اكثر من 3ساعاتوقعد يتحرطم علي سوري قلت قصة حياتي

 

[جعلي فدوه لبوي]

اي ودي اسويله بس اهو طبعه مايحب احد يمسك رجوله يغااار مايتحمل لو نايم بعز نومه وحشتهم فز من عز نومته *

 

[أحبك أمي]

غبيشه -اسعدني مرورك حبيبتي
جعلي فدوه لبوي-ههههههه
الله يعينك اهم شيء لايفز من نومه

 

[انجبر قلبي]

انا صارلي تقريبا 10 شهور متزوجة و هالفكرة براسي بس للحين ما سويتها

لاني قبل ف بيت اهلي كنت استخدم جاكوزي الخاص بالاقدام وايد عجبني و يدلك قاعه الريل

خصوصا لمه تستخدمين معاه الحجر الخاص بالريل وتكتين شوي صابون يطلع رغوة بالجاكوزي والله عجيب

و تسنفرين الريل بسنفرة و عقب كل شي كريم مرطب انتعاش

صج يريح فكرت اسويله بس حملت من اول شهر مالي خلق عمري عشان يصير لي خلق اغسل ريوله هههه

بس انشالله اسويها

 

[سفيره الكويت]

الزوج يبوس رجل زوجته اذا مقدرته وحاطته فوق راسها والعكس صحيح الزوجه تبوس رجل زوجها اذا مقدرها وحاطها فوق راسه

 

[miss_whitemocha]

أغسلهم بأحلامه إنشالله..​

 

[حبيبي عبووودي]

مافيها شي اغسل ريله ريلي وحبيبي بالعكس اصلا يستانس
انا قبل لا اتزوج كنت اغسل ريل ابوي الله يحفظه
وريلي بس مرتين جربت

 

[مألوفة]

انا اغسل ريوله بس بين فترة وفترة وامس قاصة اظافر ريوله والله شفتهم طالو وقصيتهم حقه والتهمز كله اهمز ريوله ريلي دوامه متعب يشتغل ١٢ ساعه فيكون تعبان ويستاهل التهمز لانو يشتغل عشاني وعشاني عيالي

عاد بقولج شغلة شفتها والله داك اليوم بالمستشفى وحدة لابسة برقع وعباية ووياها ريلها اهوا حيل اسمر واهي حنطية وقاعدة تمشي جدامه واهوا وراها جان اطيح عيني على ريوله من ورى مسكين ريوله مشققين وااااااااايد لدرجة انو فيها من ورى جنها صعرورة. <<<<<< ابوك يا التشبيه فقلت بقلبي يعني مرته ما تلاحظ ها الشي على الاقل تفرك ريله وتقشرها حقه اهوا المسكين مو قادر يدوس على ريوله بس اذا الريال مو نظيف وما يهتم نفس ريلها المفروض اهي تنبهه عشانها اهي تشوفه مرتب لو مو عشانه

 

[دوووووووووووبا]

يسلمو حبيبتي خوش موضوع
اب
اب
اب

 

[ضحاوي الديره]

انا قبل الزواج كنت مسسسسسستحيل افكر بهالشغله
بس تزوجت وعرفت زوجي وطبعه واخلاقه اكتشفت انه يستااااااااهل ابوس ريوله بعد مو بس اغسلهم له
ودايم لي شفت انه تعبان جاي من الدوام مرهق او من مراجعه اييب جهاز مساج الريول احط فيه ملح خشن وماي حار
بعدين افرك له ربوله بالحجر واغسلهم بصابون طبي واحط عليهم كريم وامسجهم له

اذا الريل يستاهل غسلي ريوله وبوسيهم بعد واذا مايستاهل شوتيه بريولج لصقيه بالطوفه

 

[ielmazyona]

مو متخيله الموقف


بسس

انا طبعي اللي يستاااهل


ويحبني ويقدرني اسويله اكثر بعد

 

[عيوني مودي]

طيب انا قريت نفس هالموضوع بس عكس هل تبوس رجل زوجتك
شتان بين ردودنا يالحريم وردودهم يقول صديقتي ايوا زوجتي
اذا بست رجلها بتكبر علي
وانا بالنسبة لي اقص اضافرة اهمز رجولة

 

[Nicki Minaj]

خل يكشخ ,,, وينطرني

 

[نونو العصله]

هو طلب مني هلطلب وهو يستاهل

بس ربي يسهل امري و يرجعه لي يا رب
اغسل ريوله و ايدينه راسه

بس يرجع



ملاحظه " هو مسافر مو زعلانين من بعض

الله لا يجيب الزعل

 

[zaina alotibi]

طبعا مافيها شي مو اهو زوجي وتاااج راسي وسندي في هالحياااة

 

[رووح ابووها]

عااااااااادي اغسلهم له لها ليش لا
اصلا مفكره فيها بس زوجي يغار مايحب احد يلمس رجوله هع