متى تستن؟؟؟

[chole_84]

شلونكم احلا امهات
بنتي اسم الله عليها عمرها سنه ماسننت عادي؟؟
دكتور شافها لما كان عمرها تسع شهور وقال في نقص كالسيوم بدون مايحللها وقال عطيها فيتامين وشريته بس خفت اعطيها
شرايكم

 

[غنوة ستايل]

لا عادي
انا ولدي كمل سنه وما في شي سنه وشهر سبحان الله طلعوا مع بعض اول شي سنين فوق وبعدها باسبوع سنين تحت
بس الله يساعدج ع الاسهال .

اخته ب 9 شهور سننت

ترا طفل عن طفل يفرق وكنت خايفه ووديته الطبيب وعطاني كالسيوم و دوا . وقال نقص بالشمس و الكالسيوم
وعطيته بس يومين وما التزمت .

خليه ترا يسنن بعدين لا تحاتين

علامات التسنين ( اسهال ) ريحته مو حلوه وسائل ويجي بكثره

 

[ملاك ^ الحب]

عادي ولد اختي سنه وجم شهر ماسنن

بعدين سنن

لاتحاتين

 

[om 7amoodi]

لازم تعطينها كالسيوم و تعرضينها للشمس يمكن نقص فيتامين د
اهي اكيد راح تسنن لا تحاتين بس الياهل اذا تأخر عن السنه لازم تعطينه مكملات تساعدينه لان الطبيعي بعمر 6 شهور او اكثر شوي و مرات اقل من جذي

 

[نوسآ]

الله يستر انا ولدي بيكمل 7 شهور للحين ماسنن

والصراحة مايتعرض للشمس

 

[mama-dodo]

انا بنتي عمرها ثمان شهور طلعو تحت اثنين
والحين بتخلص التسع شهور وماطلع شي
كل جسم غير عن الثاني

 

[ranh]

هلا حبيبتي
هذا يرجع لجيناتها
في اطفال يسننون من ثلاث اشهر وفي من ست
وفي يسنن من 14 او 15 شهر يعني بعد اكثر من سنه
احيانا يكون قلة رضاعه طبيعيه
لو ترضعينها طبيعي حاولي تاخذين انت الكاسيوم بدل ما تعطيها كالسيوم لو خايفه
ولو صناعي حاولي تدخلين مكملات مثل السيريلاك وضيفي عليه حليب الاطفال بدل ماي بالاضافه لوجبتها الاساسيه بالحليب


اكل الاطفال اغلبه مدعم بالكالسيوم وكافي ما في داعي تعطيها كالسيوم اضافي

الله يخليها لج ان شاء الله
مبارك عليكم الشهر حبيبتي
تحياتي

 

[نـعـومـه]

كلشييييييي جينااات

واحد من اهلنا 7 شهور عمره يرضع طبيعي ماسنن

 

[chole_84]

حبايبي مبارك عليكم الشهر وماااااااااقصرتوا فديتكم
الله يجزاكم الف خير ويخليلكم عيالكم