متى اول مره دخلتي المطبخ وش صاربالمطبخ واهل البيت؟؟؟؟

[حلاوه تمشي]

السلام بنات وش اخباركم وش مسوين بالعيد والخرفان (طولت بالسواليف )
الموضوع مبين من العنوان واهو ان كل وحدهه تقول متى ادخلت المطبخ وسوت اكله ووسوت مصيبه بالمطببخ او باهل البيت :082502bye_prv:وش صار فيهم وفيك ومن بعدها حرمتي تدخلين المطبخ

 

[..<< ندى الورد >>..]

رد : متى اول مره دخلتي المطبخ وش صاربالمطبخ واهل البيت؟؟؟؟

هههههههههههههههههه
ذكرتيني باللذي مضى
والله ياطويله العمر اول مره دخلت المطبخ كان عمري 15 سنه
وعندي عماتي واهلي القراب وقالو ودنا نذوق طبخج وقلت ابشرو مع اني ما اعرف اطبخ خفت ينقدون
عل هههه واطالع امي انقذيني وهي تبتسم ابتسامه نصر
وادخل وانا اختج وابي اسوي مكبوس دجاج واحمس البصل بدون زين الا شوي البصله صايره ربيانه
وعلى طول حطيت الدجاجه فوقها والله لا يوريكم على الريحه العجيبه ههههه
بس الله يخلي الخدامه انقذتني .... وبس
ومره كنت سهرانه واخوي جنني سويلي جاي وانا مالي خلق
واقوم اسويله شاي مع ملح وفلفل والله وكيلج ليومج هذا ما قالي سويلي

 

[miss recycle]

رد : متى اول مره دخلتي المطبخ وش صاربالمطبخ واهل البيت؟؟؟؟

لا الحمدالله ماسويت مصيبة ولا مرة
ربة بيت سنعة لوووول

 

[Mtwah8a b3marha]

رد : متى اول مره دخلتي المطبخ وش صاربالمطبخ واهل البيت؟؟؟؟

هههه مره بسويلي حلو واقرا بالوصفة ملعقة شاي ملح وروح احطلج مقدار قفشة جاي بالحلو هههههه صج هندية ومافهم طبعا كنت صغيرة ههههه
ومره بسويلي صينية بيدجان مع صوص طماط وكوسا وجم شغلة تنحط بالفرن ويوم خلصت طلعت حدها حدها مالحة و من الجوع كليتها و قعدت يوميتن بطني يعورني ههههه الجوع كافر

 

[& شرطان الذهب &]

رد : متى اول مره دخلتي المطبخ وش صاربالمطبخ واهل البيت؟؟؟؟

دخات المطبخ عمري 12 لا تنصدمون ههههههههه

عشان ابوي الله يرحمه كان منوم بالطبيب وامي عنده


وانا يعني سنعه بسوي لاخواني غدا واسويلج كبسه دجاج منزوع الجلد عذبته وانا اقطعه هههههههههه

واب العيش عليه 5 دقايق جان انجب لهم حب ومنتف وملح
ههههههههههههههه

مابقا شيء ماقالوووووه لي

بس وربي الحيييييييييين الكل يحلف يقول شرطان احسن وحده تطبخ

وحتى يقولون لحريمهم تعلمو منها ههههههههههههههههههههههه


وشكرا لانج ذكرتيني بذكريات حلوووووووووووه


>>>>>>>>>>تقول قصه حياتها

 

[كنعونه]

رد : متى اول مره دخلتي المطبخ وش صاربالمطبخ واهل البيت؟؟؟؟

اول مره دخلت المطبخ
كنت صغير وحبيت اطبخلهم
طبختلهم عيش مع طماطم احمر
وروب كانت جميله
وكلوها مجبورين لان مافي غدا غيره
وشكرا على الموضوع الجميل
:icon30:​

 

[الزين عشقي]

رد : متى اول مره دخلتي المطبخ وش صاربالمطبخ واهل البيت؟؟؟؟

الحمدالله ولاا مره سووويت مصييبه <<<اسماللهـ علي مسنعه

 

[حلاوه تمشي]

رد : متى اول مره دخلتي المطبخ وش صاربالمطبخ واهل البيت؟؟؟؟

تعب قلبي زين انج حطيتي فلفل مع الشاي عشان يحرم يذوق الشاي
شرطان الذهب العيش حبه حبه الله يعينج بس بالاخير سنعه

 

[حلاوه تمشي]

رد : متى اول مره دخلتي المطبخ وش صاربالمطبخ واهل البيت؟؟؟؟

مشكككككككككككووووووورررين على الردود

 

[شــغــب]

امس سويت لبويّ جآي
والحمدلله عدت على خيرّ لوول

 

[كويتيه kool]

رد : متى اول مره دخلتي المطبخ وش صاربالمطبخ واهل البيت؟؟؟؟

والله انا ليلحين ماعرف ادش للمطبخ مو ماعرف ادش اعرف امشي اوصل للمطبخ بريولي خخخخخخخ بس اقصد اطبخ او شي امي مره كانت تبي تشوفني اعرف اطبخ اكانت عندنا عزيمة سحوور برمضان وناس ولويا بس ريايل جان امي تدري ان انا ماعرف اطبخ جان تقولي قشري الفواكه عشان انسوي سلطة فواكه مع عصير المانجا المهم امي قاعده جدامي وتشوف شلون اقشر والله العظيم ماعرف اقشر تفاح تخيلوا امي اطالع مو مصدقه امي تقول قشري بس القشر الي فوق انا اقشر نص التفاح وبالاخير جرحت يدي جان امي قالت انه بدخلني دورات عشان الطبخ وجذي بس الحين نست الموضوع احسنن يسلمو قلبي على الموضوع

 

[memo97]

رد : متى اول مره دخلتي المطبخ وش صاربالمطبخ واهل البيت؟؟؟؟

هههههههههههههه الحمدالله ولا مره سووويت مصييبه احم احم :$

 

[جروح خالده]

رد : متى اول مره دخلتي المطبخ وش صاربالمطبخ واهل البيت؟؟؟؟

الحمدالله اعرف اطببخ من انا صغيره تعملت شغلات صغيررره لين ماكبرت

 

[~ آسٓگنتگ عٓيونـيٓ ~]

...{

موضوعج عجيــــب لوول بالنسبة لي اول مادخلت المطبخ كـــان تحدي قولولي ليـــش ؟؟ الله يسلمكم كانو خوالي متجمعين عندنا واخواني وخواتي كلهم موجودين وعيال خالاتي المهم قاعدين يطنزووون علي اني مااعرف اطبخ ولا شيء:eh_s(2): قالولي تتحدين عااد آنا احب شيء اسمه تحدي قلت يلاا نبي نشووف لووول الله لا يوريكم الكل تــــاب وماتحدوني مره ثانيه والله اذكر خالي شوي ويموووت من اكلي :krkrkr::krkrkr:
اتذكر سويتلهم معكرونيه بيضااء وقتها كنت اشوووف ريتشل راي وابي اقلدها رحت حطيت لكم نص علبة الزيت بماي المعكرونيه وخلصت الملح كله لاني كل مااذوق الماي اقول ليش باهت جذي واخر شيء طلعت المعكرونيه مليانه مللح استغفر الله

ووقتهاا امي حلفت علي ماادش المطبخ لووووول

بـــس >>>واخيرا خلصتي قلتي قصة حياتج مو موقف

...}

 

[-MaYa-]

موضوع حلو
بس انا صراحه ولا مره دخلت المطبخ الا للخفايف مثل السندويش
ومافكر اطبخ ابدا لان مو هوايتي الطبخ والوقفه بالمطبخ

 

[دلوعة العائلة]

رد : متى اول مره دخلتي المطبخ وش صاربالمطبخ واهل البيت؟؟؟؟

لا الحمدالله ماسويت مصيبة ولا مرة

 

[ملووكه كووول]

رد : متى اول مره دخلتي المطبخ وش صاربالمطبخ واهل البيت؟؟؟؟

هههههههههههه
أول مره طبخت
كنت توني مالجه وامي قالت لازم تتعلمين طبخ
خبركم بعد انا بصوب والمطبخ بصوب
قمت سويت عيش ودجاج ومرق بطاط
يومها اختي كانت نايمه عندنا وتحب طباخ امي
المسكينه انصدمت تشوف المرق والا البصل يعوم جنه ليمون اسود مطحون
والعيش اشوه كان سليم نوعا ما بس الحكوكه محترررقه
والدجاج شايله كيلو زيت يقططرررر
ههههههههه
اكيد لاعت جبودكم

 

[غداً القاك]

رد : متى اول مره دخلتي المطبخ وش صاربالمطبخ واهل البيت؟؟؟؟

هههههههههههههاي ادخل المطبخ بس حدي قهوه وشاي وخفايف بيض وماشابه
بس طبخ طبخ ولاوالله ابطي عظم
مااعرف