متى الفحص في الشهر التاسع؟

[everafter]

السلام بنات متى تفحصني الدكتورة أنا الاسبوع الياي ادخل شهري تهقون من اول مراجعه ولا بعد؟؟؟ احااااتي

 

["*آآآنؤؤؤقهـ*"]

الله يهون عليج

 

[ام الشوامس]

علي حسب طريقة دكتورتج
بس اول اسبوع ما اتوقع تفحصج

الله يسهل عليج يارب

 

[عذبة الروح..]

اتوقع على حسب سونارج اهو يحدد اذا ولادتج قريبه والبيبي نازل حيل تفحصج

 

[ghadeeeer]

حبيبتي لو خذيتي نفس عميييييييييييق وما شديتي على حالج وقت الفحص ترا بيكون جدا عادي ولا تحاتين
بالنسبة لي من أول ما دخلت التاسع الدكتورة فحصتني لأن المشيمة تكلست مبجر عندي وعنق الرحم صار قصير وتبطل من السابع يمكن آنا حالة خاصة

 

[-فلانة-]

أول شي لحد يقص عليج و يقولج الفحص يعور،،
إخذي نفس عميق وماراح تحسين بشي..
وبالنسبة حق وقت الفحص انا دكتورتي فحصتني بالأسبوع الثاني من التاسع لأني قلتلها إني حاسة بنغزات تحت فكانت تبي تشوف إذا الرحم مبطل أو لأ..
انا نصيحتي لج لا تخلينها تفحصج قبل الأسبوع 37 عشان لو تهيج الرحم و حاشج الطلق تكون رئة البيبي مكتملة بإذن الله و ماعليه شر لو انولد،، ماله داعي تفحص بأول أسبوع إلا إذا إنتي حاسة بشي..
الله يهون عليج و يقومج بالسلامة ويرزقج الولادة السهلة الميسرة إن شاء الله..​

 

[everafter]

مشكوووورين حبايبي الله يوفقكم و يحفظلكم عيالكم

 

[دلال و غلا]

حبيبتي ربي يهون عليييج

 

[afrah2010]

ع الاغلب بعد مرور اسبوعين من التاسع ،،،وطبعا علي حسب الحالة بس الأمن بعد الأسبوع ٣٧ لا تحاتين اتوقع دكتور يبلغك انا دخلت تاسع تاريخ 25/3
ومراجعاتي ب مستشفي صباح ودكتوري قلي كل شي طبيعي وحطلي موعد مراجعته بالعيادة بعد اسبوعين 17/4
وقالي الموعد الجاي رح افحصك يعني اكون خلصت اسبوعين او ثلاث تقريبا من تاسع وهذا حملي الثاني مو الاول وقلي ممكن تولدين قبل لاتيجي وافحصك ...

 

[everafter]

الله يسهل علينا جميعا