متى اقدر البس بنطلون او جينزات بعد العملية القيصرية؟؟؟

[فرآولة]

السلام عليكم

شخباركم بنات

انا بكرية ووالدة قيصري ومب عارفة شي

اللي مازم نفسيتي الحين

متى اقدر البس على راحتي

وهل لو لبست بنطلون ضيق بياثر عالجرح ولا عادي؟؟

لان اسمع الحريم يقولون ان مايصير البس شي ضيق

صرت حتى البجامات اخاف البسها

أي لين متى؟؟

وسؤال ثاني: انا صارلي والدة 19 يوم

عادي احط خلطات تبييض بالنفاس ولا مايصير؟؟:eh_s(10):


ووبس
يعطيكم العافيه

 

[كوكيز بالكريمة]

اتشرف بالرد عليج اول وحده
شوفي حبيبتي البجايم عادي انا بنفاسي البسهم بس الجينز ﻻ لمن اكمل ثلاث شهور او اربع احسن عشان مايضغط ع الرحم حيل مع انه بنت خالي تلبسهم من لها 35 يوم و ماشاءالله ما جنها والده قيصري البطن ﻻصقه

 

[ReD&FoSHia]

لمدة شهرين لبسي بنطلونات الحمل ليين شوي ترتاحين .. وبالنسبة للخلطات و التبييض اعتقد عادي فوق ال30 يوم بس لاتقربين صوب لجرح يلتهب

 

[elegantway]

up up

 

[فرآولة]

بااال وايد شهرين ثلاث

!!

زين ماياثر عالرحم لو لبستهم عقب شهرين

لان يرص عالجسم !

نفسيتي اتعبت من جسمي

 

[Bio_reem]

عادي تلبسين جينز انا كنت البس واصلا دكتورتي قالت لي البس كورسيه بعد وماصار فيني شي الحمدلله، هذا وانا بلنفاس

 

[Mrs.H]

والله شوفي حبيبتي.. انا الدكتورة منعتني من البجامة والسروال الطويل.. لاني والدة بعز الحر والجرح مايصير يعرق.. طبعا لو عرق شيصير؟رااح يقب المكان اللي حول الجرح حساسية وحبوب وحكة.. فماتسوى عليج اما بعد الاربعين كيفج واساسا عادي تلبسين اللي تبينه بالاربعين بس لازم تضمنين ان مكان العملية جاف و مو حار.. في بنات يلبسون كورسيه بس انا صارت معاي حساسية وخفت خاصة ان درجة الحرارة 50 كانت فانتي سوي اللي يريحج بس اهم شي تعقمين الجرح وماتلسين شي يضغط عليه