متى اخذ حبوب منع الحمل بعد الولادة

[كوكيية]

السلام عليكم

انا والد صارلي 9 ايام


امس رحت لدكتورتي و صرفتلي حبوب مارفيلون
و قالتلي اخذهم اليوم 30 من النفاس


انا الي سمعته ان بعد الاربعين اخذهم....


بجرية و ما اعرف شي
ياليت تفيدوني


و منو جربت مارفيلون؟؟؟
و صحيح ان يزيد الوزن؟

 

[كوكيز بالكريمة]

هلا اخيتي حمدالله على سلامتج اوﻻ" .. انا جربت مارفيلون و اتفخوني صج غير الصداع واللوعه و غيرتهم خذيت سيلست مع اني ما ارضع وهذول يسمونهم حبوب الرضاعه للي ترضع بس اخف من مارفلون والحمدالله ناسبوني ..

خذيت حبوب المانع من بعد اخت النفاس دايركت (( تكرمين اول دوره بعد النفاس و كل شي مر تمام ولله الحمد

 

[جوزائيه مغروره]

اتذكر دكتورتي قالت اذا بتاخذين مانع اخذيه ٣٥ من النفاس بس انا ما خذيت موانع

 

[مــتــنــحــة]

واي مانصحج بمارفيلون مع ان والله ناس تمدحها وناسبتهم

بس انا ترستني ماي واسوي رجيم هاده حيلي ويالله ينزل وزني نص وربع وانا ماشيه على رجيم صح

غير النفسيه ذبحتني بالعصبيه وصرت اتهاوش مع زوجي واهلي جني مينونه !!!

اخر شي صراحه قطعتها والحمدالله ارتحت وتخيلي استمريت على نفس الرجيم والله قمت اقط بالكيلوين والثلاثه بالشهر

وقبل الربع كيلو يطلع لي بالحسره !

هذي تجربتي والله مع مارفيلون .

 

[New_bride]

انا الدكتوره كتبتلي على مارفيلون بعد ماجهضت بس كنت نفاس ٣٠ يوم خذته لاني كنت بروح الحج ولازم اوقف النفاس
بس تحسفت لان الدوره تلخبطت عندي

انتي اذا تقدرين بعد النفاس تمنعين طبيعي ممتاز واخذي الحبوب من الدوره اللي تجي بعد النفاس
شوفي اللي مكتوب عاللعلبه مكتوبلج من اي يوم تاخذينه

 

[حمرة الورد]

٣٥ يوم من النفاس بكل عيالي جذي

 

[noo7a]

35 يوم من الولاده
و اذا نزلت عليج دوره الاربعين عادي كملي عليهم

 

[ام عبد العزيز م]

35 يوم احسن حبيبتي عشان تكوني نضفتي

 

[srsr]

انا 37 يوم من لنفاس واستخدم مارفيلون بس صج تفختني واعصااااب
ودي اغيرهم