متى احسن شهر نزور فيها دبي

[sky]

متى احسن شهر نزور فيها دبي وشنو اسماء الشقق الفندقيه الزينه شنو احسن السكن فى دبي ولا الشارقه

 

[جكورة]

مشاركة: متى احسن شهر نزور فيها دبي

أحسن شهر هو 1 أو 2 أو 11

وأفضل سكن بالشارقـــــه رخيصة وهاديــه عكس دبي دايما مزدحمـــــه وغاليـــــه...

 

[زهور علي]

مشاركة: متى احسن شهر نزور فيها دبي

دبي حلوة جوها زين شهر 12 1 2 3 4 بس اسعارها خيالية بهذا الموسم بالصيف ارخص شوية حق السوق والياهال والالعاب تقدرين تروحين بالصيف بس على طول الاماكن المغلقة علشان الرطوبة عندهم مو طبيعية

 

[xxx]

مشاركة: متى احسن شهر نزور فيها دبي

شهر 12 و 1

اتهبللللللللللللللللللللل

حتى جوهم روعه

 

[خبيرة اعشاب]

مشاركة: متى احسن شهر نزور فيها دبي

و الله انا بالنسبه لي افضل شهر 1 لان الجو في دبي حيييييييييييل رطوبه و ما تتحملينه بالصيف ...
لدرجه ان شهر1 عندنا في الكويت برد و هم مصيفين .....

اما في الصيف اكون مسافره بره فاختار ان الرحله تكون ترانزيت عن طريق دبي او ابو ظبي و اخد لي يومين او 3 ايام .....استانس فيهم
لان صراحه دبي حللللوة و بضايعهم تجنن ...خصوصا العبي و العطورات ....و الذهب ارخصصصصصصص من الكويت و من اي مكان بالعالم ...( لان دبي ما تفرض اي ضرايب على الذهب)

فيبيعونه بسعر ارخص ....و تصاميم غريبه ..............

جان تبين تروحين احجزي لج شقه فندقيه من الكويت لان لا رحتي هناك تتلعوزين و ما تحصلين ...

 

[fulla]

مشاركة: متى احسن شهر نزور فيها دبي

والله انارحت الشهر اللي طاف اينن جوها غيم بالنهار وبلييل هوااا مثل جو الكويت تقريبا
بس وايد ارتفعت اسعارها اتصدقون حتى الماكدولندز اللي بدبي رافع اسعاره اتخيلون

 

[لموية العسولة]

مشاركة: متى احسن شهر نزور فيها دبي

واي على دبي تهبل ماشاءالله انا قبل 3 اسابيع واصلة منها والجو يهبببببببببببببببببل روعة ماشاءالله وطق علينا مطر واحلى جو يكون على شهر 1 و 2 و3 ...فقط .. اما باقي الاشهر حر ورطوبة ...بس تهبل لا تطوفج انا ما امل منها وبعدين التكييف بكل مكان ...ولاتطوفج المدينة الثلجية رووووووعة

 

[sky]

مشاركة: متى احسن شهر نزور فيها دبي

مشكورين على الرد وماقصرتو بس ماهي اسامي الشقق الفندقيه الجيده وهل فيها امان

 

[om_nasser]

مشاركة: متى احسن شهر نزور فيها دبي

شهر 1 2 3
اتهبل دبي
عندج ستي سنتر شقق فندقيه

 

[لموية العسولة]

مشاركة: متى احسن شهر نزور فيها دبي

في واجد شقق فندقية بس احسن شي من وجهة نظري تاج بالاس لانه الفندق الوحيد في دبي الي مافيه بار ولا يقدم مشروبات كحولية ...وموقعة حلو قريب حيل من شارع الرقة واهو كبير حيل وفي غرف وفي شقق بس ترى غالي شوي بس والله يسوا يشرح القلب... واذا تبين فنادق ...عندج القصر روعة في ميناء السلام وجراند حياة وماريوت هذول الاجدد

 

[جكورة]

مشاركة: متى احسن شهر نزور فيها دبي

هلا فيج إختي.. فندق تاج بالاس حلو أنا كنت نازلـــه فيه ومافيه خرابيط ولافي رقص وخمــــر..
وهذ صورتـــــه من الخارج...

وهذا فندق شاطئ الجميره ....

وهذا فندق أبــــراج الإمـــــارات...

وهذا كراون بلازا ........

 

[إمرأة مثالية]

مشاركة: متى احسن شهر نزور فيها دبي

أحسن شهر هو 1 أو 2 أو 11

وأفضل سكن بالشارقـــــه رخيصة وهاديــه عكس دبي دايما مزدحمـــــه وغاليـــــه...

وآنا مع أختنا جكوره

 

[sky]

مشاركة: متى احسن شهر نزور فيها دبي

مشكورين بنات وايد وماقصرتو والله يعطيكم العافيه وجكوره مشكوره وايد على الصور

 

[جكورة]

مشاركة: متى احسن شهر نزور فيها دبي

حيـــــاج اللـــــه.....

 

[*** دلــــع الكــويـت ***]

مشاركة: متى احسن شهر نزور فيها دبي

السلام

ابي فندق رخيص بحدود 30 -40 دينار ليلة ويكون قريب من الاسوقه؟؟؟؟؟

 

[زيـنـه]

مشاركة: متى احسن شهر نزور فيها دبي

فنادق دبي شابه نار و شرار ... وايد غلت .