متى اتغير واحس على نفسي

[متى الفرج]

السلام عليكم​

مشكلتي فيني انا واعرف تهاوشوني وانا هذا الي ابيه بس عطوني حل معاه


مشكلتي من وانا صغيره والدتي هي الي تختار لي لبسي حتى لبس زواجي هي اختارته لي ومريت بعدها بست سنوات تاخرت بالحمل هملت نفسي وبعدها بالحمل والحين صحيت ماعرف البس واتكشخ مثل ناس ماعندي خوات يعلموني لما اشوف اشوف البنات بالاسواق والعزومات احس نفسي بغير كوكب وانه الحمد لله عندي امكانيه اشتري ارقى ملابس وانقهر على بنيتي انه البسها اقل من باقي اليهال لان ذوق ماعندي وبالمناسبه وزني زايد وايد 84 وطولي 156 وزوجي كان سمين وعمل تكميم وبدا يحسسني اني اقل من البنات اتمنى اكون نشيطه حتى بالبيت مهمله بنفسي كحله ماحط الا بالمناسبات مااعرف هل كابه صارت فيني والله حتى استحي من نفسي ويديت ابين اكبر من عمري والي يحرني انه اني مهندسه وخريجه

تكفون علموني كيف اكون انيقه ومرتبه وجذابه بموووت من القهر

 

[دلوعه ززوجي]

بشي دورات مكياج و غيري أثاث بيتك. و تعلمي من الاستغرام شوفي البنات شنو هبين فيه سوي مثلهم

روحي مع وحده من اللي تعرفين أنها ذاربه خليه تعلمج شنو يبوق عليج

 

[Jenanie]

دام انه عندج الامكانية انج تصرفين يعني عندج الحل

اشتركي بدورات تعليم مكياج للمبتدئات
دشي نادي او ييبي مدربة بالبيت

وبالنسبة للبس ماكو اسهل منه تابعي برامج الازياء سوي فولو حق بناتنا بالانستقرام ماشاءالله كل وحدة تقول الزين عندي
عندج دلاليد وايد احب ستايلها وغيرها وايد

خلي هدفج انج تكونين سعيدة لان اذا تحقق هالشي لا شعوريا بتنشرين السعادة حولج وبتأثرين بالايجابية على ريلج وبنتج

وانشالله البنات ما يقصرون بالردود والحلول
ماكو شي مستحيل
كاهي نهى نبيل كانت شاعرة بعدين مهندسة والحين فاشن ايكون

 

[Emy.q8]

تابعي الموضه وشلون تختارين اللبس اللي يناسبج وفي بليوتيوب فيديوات تعليم ميك اب واااايد استفدت منه وسوي رياضه وقللي من الاكل وكل شي بللحياه يبي مثابره وعزم للتغيرر واااجد بنات تغيرو للاحسن وبنات المنتدى مايقصرون في مواضيع وايد فادتني من تعطير ولبس واهتمام بلجسم والشعر والبشره بس انتي خلي عندج عزم ولا تنكسرين من اي كلمه والله يوفقج ?

 

[اميره بكلمتي]

تابعي الموضه وآخر الازياء. والحين ماكو شي يستخبي عندج النت وفوق هذا الانستغرام كل وحده تقول الزود عندي تابعيهم اول بأول غيري ستايلج مره قصير ومره طويل وبناطيل وليقنزاات ومن ناحيه الاهتمام عندج مزيونه وشقره وغلاي وكريستين عندهم خلطات صابونية عجييبه ومن الجسم والوزن الزائد حاولي تخففين أكل ودشين نادي صحي ترا كل هذا ما راح يكلفج شي بس يبيلج تشجيع وراح تتغير حياتج للاحسن وبتحسين انج وحده ثانيه

 

[sh_mashael]

غيريّ من نفسچ و انتي بالبيت تحركي جيبي لچ جهاز المشي عشان تنزلين وزنچ ،، رتبي بيتچ بنفسچ لا تعتمدين على الشغاله تكحلي و حطي حمرا كل يوم دايمًا
فچي لچ حساب انستغرام و تابعي البنات الكشيخات و تابعي حسابات الميك اب و الرياضه
و راح يتغيّر ذوقچ

 

[نور وشموع]

انا مستغربة منو الحين مايعرف يلبس ان شاء الله شوي شوي تتعلمين