متى أبدأ أمشي؟؟

[هيبة ملك]

شلونكم حوامل

بنات فيديوني أنا بدش الثامن بعد كم يوم

ومن حملت للحين ماتحركت مع إنه كل شئ عندي تمام

لكني محرصة

نهائي ماتحركت إلا الحركة البسيطة اللي ماتذكر


بنات متى أبدأ أمشي ؟؟ وهل فيه خطر على البيبي

أدعولي ربي ييسر لي ولادتي ولجميع الحوامل

 

[حرم يوسف بيك]

رد : متى أبدأ أمشي؟؟

من الثامن امشي بس مووايد حدج نص ساعه وبالتاسع امشي ساعه كل يوم واذا تقدرين امشي اكثر

 

[هيبة ملك]

فديتج مشكورة ياقلبي

 

[Q.8.h.2]

حبيبتي على كلام دكتور رحت له قالي ان المشي مايعجل الولادة يمرن العضلات وسهل الولادة واصلا الوحده عادي تمشي ولو تقدر تخليه برنامج لها حتى من اول الحمل تمشي عليه لانه مفيد وسويت سيرج بمواقع اجنبيه وفعلا المشي مفيد للحامل يقوي ومرن عضلاتها اما لما بس نقعد مو شي لكن احنا خوافين في بداية الحمل وثاني شي النساة متعبه لكن انا مفكره بس اخلص نساة اني امشي لو في بيتي كل يوم نص ساعه لانه وايد مفيد

وسوي بحث عن هالشي بالنت وبتشوفين ان مفيد فمن الحين اذا ماعندج مشاكل امشي عشان عضلاتج تتمرن وتقوى وتساعدج عالولادة

والله يسهل عليج يارب

 

[الصعيريه]

رد : متى أبدأ أمشي؟؟

الله يهون ويسهل عليج وتولدين بالسلااامه

أحسن تبدين مشي من تدشين التاسع​

 

[هيبة ملك]

فديتكم

ماقصرتوا

 

["*آآآنؤؤؤقهـ*"]

رد : متى أبدأ أمشي؟؟

عااادي امشي الله يسهل علييييج

ترى المشي لو بالاسبووع 3 مرات

بس بالتااسع امشي يوميااا

 

[Hessa.Om-M7md]

هلا حبيبتي
انا من دشيت الثامن بديت أمشي
آنا كان ودي من الخامس أو السادس أمشي بس كانت عندي مشكله بالمشيمه انها كانت نازله فكنت خايفه من زيادة الحركه

المهم من أول ما دشيت الثامن بلشت أمشي بديت نص ساعه و بعدين ساعه الا ربع و بعدين ساعه كل اسبوع أزيد ربع ساعه تقريباً
بس أول أمس سويت سونار ويلا البيبي راسه صاير نازل حيل كأنه يبي يطلع و رئته لي الخين ما اكتملت فالدكتور قال لي ارتاحي و لا تمشين وايد عشان لا تولدين و البيبي بعده رئته ما اكتملت
بدال لا تولدين و نحط البيبي بالشيشه خليه في بطنج أحسن و بعد نطري اسبوع أو اسبوعين ردي امشي انشاءالله يكون مكتمل

 

[الـوايـلـيـة]

والله انا ناطرة ادش شهري وامشي
بس طول حملتي ما ارتحت حركه بحركه
دوام وشغل البيت وغير جذي انا ساكنه بالدور الثاني وماكو اسانسير
فصااعده نازله
والله كريم الله يسهل على الكل ويرزق كل محرومه يارب

 

[أأأميرة الورد]

رد : متى أبدأ أمشي؟؟

من بداية التاسع احسن شي​

لاتنسين لازم يكون راس البيبي تحت علشان المشي سبحان الله يخليه يثبت على الوضعية اللي هو عليها

 

[حبـ admant ـك]

رد : متى أبدأ أمشي؟؟

من نهايه الثامن ابتدي امشي
والله يسهل لكم ولادتكم

 

[مزاااج]

رد : متى أبدأ أمشي؟؟

طبعا لازم تمشين بس في البدايه لازم تمشين فتره بسيطه ربع ساعه او نص ساعه عشان تهيئين نفسج أنج تزيدين هالفتره مثل ماقالوا البنات كل مره 10 دقايق ع الاقل لانج تقوليــــن أنج ماتحركتي كلش يعني ماينفع من أول مشيه تنطلقين

الله يهون عليج ويرزقنا وأيـــاكم النطفه الصالحــه المتعافيه ...قـــولــوا أمـــــيــن

 

[.LONDON]

رد : متى أبدأ أمشي؟؟

من نص الثامن ابتداي المشي

 

[موجة ~ بحر]

اول ماتدشين التاسع ابدي مشي خصوصا على رمل البحر

 

[كويتيه مذهله 87]

تحركي عادي بس لا تتعبين

 

[دمثة]

امشي اشوي وقعدي

الله يسهل على كل حامل ويقر اعيونها بضناها الي ببطنهااا بصحتة وعافيته يارب

 

[هيبة ملك]

الله يجزاكم خير جميعا

 

[وردة^الكويت]

انا امس داشة التاسع
و راح ابلش مشي ان شاء الله من باجر

الله يسهل و يهون علينا و على كل وحدة حامل

آمين

 

[دايم على البال]

رد : متى أبدأ أمشي؟؟

اب اب اب اب

ماادري داخله استفيد بس

توني حامل مااعرف

الله يثبته ويرزق كل محرومة اللهم اميين:hjy5jewf::hjy5jewf:

 

[نونو الدلع]

انا بالثامن وزني كلملا ينقص وكل شيء عندي زين شنوالحل ack"]