متوتره ؟؟ خايفه؟! تعالي قوليلي شتسوين بهالحاله

[DenTisT]

شلونكم بنات
بما انا عندي وقت امتحانات و 24 ساعه متوتره
بغيت اعرف شنو نقاط ضعفكم لما تكونون متوترين يعني عندكم اجتماع مهم او مقابله او امتحان و من هالطقه ؟؟
انا عن نفسي الجأ الى الثلاجه على طول
ما ادري طبع فيني لما اكون متوتره ما اصك حلجي و 24 ساعه اكل
في ناس تركض و في ناس تقرا
انتو شنو تسوون ؟
و اذا كانت عاده سيئه مثل عادتي ... شنو سويتي علشان تتغلبون عليها؟
و مشكورين ما قصرتو​

 

[DenTisT]

معقوله محد يصير فيه جذي!!

 

[ألوان الطيف]

اقعد احوووووس واسنع لفتي ساعات او امشي بسرعه مادري والله

 

[DenTisT]

مشكوره على الرد حبيبتي
الحمدلله تحوسين و ما تاكلين مثلي

 

[^_^ lollipop ^_^]

انا وايد اتوتر واخاف من الامتحانات اووف

اذا كنت متوتره وخايفه اشوفلي برنامج يضحك ولا اقعد اشبك او اسولف يعني احاول شوي اشغل تفكيري بشي غير الامتحانات


مشكوره للموضوع والله يوفقج بامتحاناتج ويوفق الجميع =) ,,

 

[camilia]

انا اذا توترت الله يسلمج اقعد أسب وألعن بالشيطان هههه ( يعني اتعوذ منه) واخذلي نفس عميق واقعد انتف اوراق هذا طبع فيني اذا توترت , واحاول اطنش الموضوع واقنع نفسي اني i'm gonna be good i'm gonna blow thier minds

 

[اسرار2009]

اطالع نفسي بالمنظره كل دقيقه واتوتر

 

[مشاعر مبعثره]

أنا الي أسويه اني أستغفر وايد وأدعي (( اللهم لا سهل الا ما جعلته سهلا )) و ((ربي اشرح لي صدري ويسر لي أمري وأحلل

العقدة من لساني يفقهوا قولي )) وبعدين أقول حسبي الله لا اله الا هو توكلت عليه وهو رب العرش العظيم سبع مرات وانا في

الطريج بس قبلها لازم أبلع شي خخخخخخخخخخ وبس والله سويها وبترتاحين جنه هم وانزاح عن صدرج وموفقه حبيبتي ....

 

[DenTisT]

مشكورين حبيباتي على الردود .. صج كل واحد يختلف عن الثاني
اكيد الدعاء اغلبنا نسويه
بس انا اقصد غير الدعاء ... اشياء تسوينها لا اراديه لما تكونين متوتره